مسابقة شعرية في الرباعيات لأعضاء المنارة

بنيت بيتي بعيد...... وقلت اسكنه لوحدي

وازينه بشجرات ........وابني حداه لحدي

الدنيا مش مضمونه...... والعمر دا مكتوب

واتوب لرب الكون ......وهقابله يوم وحدي

دنيا غرورة متلفح بيها متعري م الود وهناه

وتعدي بحورك وتمسك زمامك ومين يِقَدِّرْ معناه

دا هو الكلام وليه ألف شوفه تقلبه وتعدله بمعناه

يا عيني عل اللي صبر من قرصة الصاحب وم عَنَاه

هواك هوايا وفي الهوى تهوى الملاغية

وجبت لك تاء مش هاء الهم ولا الغية

وفين الزمن اللي كان وفين اللي هية

تطيعك تودك تخلي كلامك كله بالنية

هلت بشاير الفرح.. .....ونورت من تاني اراضيك

وقريت كلام الملوك ......وفرحت باشعارك واغانيك

ليك وحشه كبيره......... تركت الحبايب ليه ينادوك

وملوك الشعر.... لو غابوا عني قولي بايه اراضيك

عفوا استاذي....انا مشيت علي الهاء

عذرا

اتقضل حضرتك

.............

كتبت جوابى وانت ليه قارى
مين يحس ببلوتى غير حبيبى وجارى
تعب القلوب من الندل لما مشى جارى
قلت صاحبى وحبيبى يحس بلهيبى ونارى

كفوفي ممدودة بالسلام والصفح من شيم الكرام

والغيبة للأهل في العيد ودا طبع مش كلام

رأيت السماحة فيك بتنده وتقول يا أهل الغرام

دا زجلي وشعري مكتوب بقلبي وإيدي والسلام

عفواً

لتداخل المشاركة ونمشي على الياء أو الميم كما تحبون

يا عين شوفي مين اللي غماكي وراح ودك

دا حال بلدنا لا يسر ولا يديني فال كدك

نروح ونيجي واللي عملوه كسَّروا عِزك

وآآه طويلة تشفيني وتطلع المر ومين شدك

الله الله..........ولايهمك استاذنا

نورت المسابقه ابو العبادي

.........................

معلوم الصفح من شيم الكرام وهما اهلالو

عيد سعيد عليك ......من اول طلعت هلالو

احب الاغيك.... واسمع جمال الكلام واحلاه

يمين الكريم ممدوده دايما للسلام ومن قالو

اهلالو...اهلا له

ابو جمال اتركك الليلة مع الاخوة
لاننى كنت فى ندوة انتخابية
بقالى ثلاث ساعات والقين كلمة سياسية مطولة
ونلتقى غدا ان شاء الله

وبعدين فيك؟؟؟؟؟؟

مش ناوي تقعد ساكت ابدا؟؟؟

اههههههههههههههههههههه

بكرة تجيب لنا نص الخطبه دي

ويشفيني كلام حلو طالع من جوا القليب طيبة

ويهديني كلام الحبيب نصلي عليه وف طيبة

يوعدنا بزيارة ونمسك بشباكه وناكل بلح طيبة

دا هو الذكر والقرآن كان ختمه بأرض وف طيبة

تعبت والشوق هزالقلب مادريان

جميله وحسنها صارخ بكل بيان

تبارك الخلاق في صنعته محلاه

ونور الوجه مثل كريمه بالفنجان

كريمه بكسر الكاف

نلاقي الحبايب دايما في المنارة قاعدين
عاملين زي الملايكه وعلي المحبه متجمعين
يارب بارك فيهم وارزقهم بالحـــــــــلال
دول عاوزين عطفك وبقسمتك راضيين

هايل ياجمال

.................

نون النسوه تعبتني............. في النحو والاعراب

صفه وموصوف.............. وظرف زمان للاغراب

فعل وفاعل.................. تملي مكانها ليه اعجاب

واسم الفعل غاب عنها........تحب مجامله م الاحباب

بِعدت ورغم بُعدي باحِنّ لترابك

وبكتب كل يوم غنوة ف أهدابك

وكل ما توحشيني اكتر أبات مشتاق

أسيب النوم وأقرا صفحة ف كتابك

باين انك في العربي مكنتش من الشطـار
بس معروف بين اهلك انك من الاخيــار
يحميك رب البشر من العين والحســـاد
وكمان انا هادعيلك يخليك من الاحبـــار

انا اسف انا كان قصدي
امشي علي القافيه بتاعه الاستاذ عبد الفتاح
اصل المساهمه بتاعتي جات مع مساهمه المدير

ولايهمك
............

رسمت حروف.... وقلت كلام ....يفوح العطر..... من همسه

يساوي الوف..... من الدنانير....ذهب غالي....... لمن لبسه

هديته بايدي..... للمحبوب .....عساني انول..... سماع حسه

حرمني النوم.... ومن كام يوم ...كتبت خطاب..... فيه اسمه

هياجي اليوم اللي تنول من المحبوب سماع حسه
تقوله كلامك وتغمره بحنـــــانك ومين كده
دا اللي يتحب من واحــــد زيك لازم يفرح
يرفع راسه من غير خــــجل ويا بخته

هقول كلام من غير ملام ياجماعه
اول مشاركه اول مساهمه لاملامه
كلام اقوله الليل بطوله ببراعه
عبدالفتاح استاذكبيرفى كلامه

هجرنى الاهل والاحباب ويقولوا ظروف
الفكرحار والقلب نار من كتر الخوف
رحت لطبيبى لحدالباب وكان خلاص القلب داب
وصف دوايابالمنارة وقالى جرب انت وشوف

في الهجرة الم وفي الوصل سعاده
ومفارقه الاحباب دي اصعب حاجه
دا الرســــول وصانا بصله الارحام
وادعي ربــــنا ما يقطعها دي عاده

هقول القول وارص حروف الشعر بجراءه

رجال وجولنا ولبسين من الجوخ وعباءه

علينا ضيوف وكرم الضيوف واجــــــب

كلام كبير سمعناه من جمال و ابوبراءه

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى