مسابقة شعرية في الرباعيات لأعضاء المنارة

هانت عليك العشرة وبعتنى بالساهل

دى انا بعت عشانك عمرى بس تستاهل

ياللى هربت منى من غير حتى سلام

بكرة الأيام تعلمك دى بتعلم الجاهل

لاكان ولا عاش اللي يبيعك سعيد دا خسيس

يعض صوابع الندم وطول عمره ملهش ونيس

صــــاحب صاحبك وليك في كل الكلام عبارات

وان تاهت رجال الكون الاقيك في جنبي جليس

سيف الكلام دايما ممسوك بأيدك

تفيد الكل ولا عمر حد مننا يفيدك

غالى عالكل ولك فى كل القوب مكان

هقولك أيه ياأبوجمال تسلم ايدك

كواني الشوق.......لكلامك وضحك عينيك واهاتك

وطرت لفوق.....لقيت نفسي طفل صغير باحضانك

جوا عروق......لقيت اسمك يطوف ويغني كلماتك

دفا وشروق........يهل عليا يغمرني بنســـــــماتك

كلماتكم زي الدهب واللؤلؤ والمـــاس
كانت كلها واضحه وبتعبر عن الاحساس
يزيدكم رب البشر من علـــمه وفضله
والاقيكم كدا دايما من احســــن الناس

ساهر الليل ودايماانامحتار
وبعد الحبايب عنى خلى قلبى نار
ياهل ترى رب العباد من تانى يجمعنا
ولاانكتب علينا من غيرحبيب نكمل المشوار

ردت في نفسي الروح .....وقالوا لي الحبيب جاني

غزلت تواب المحبه ......... بعقود لولي ومرجاني

مفيش غيره ............من دون الخلايق انا حبيت

والبيت زرعته ورود...........من شعري وبستاني

يابدر البدور هاتي وردك .........و اشواقك وتعاليلي

تعبني فراق الحبيب والصبر......اشكي لمين تعاليلي

بعد العسور يسرين ..........في كتاب رب العباد قاله

ندرن علي لو جيت ......لكتب كتاب باسمك وتعاليلي

هى تعاليلى اللى فى الشطر التانى من العله اى المرض ولا من ايه بس ما قلتلك خلينى على البر اتابع اشا هد كده كويس على واول ما اشارك فى ناس قالت انك بعتها
يا بووووووووى
ابواوتااااار

نعم ابو اوتار

تعاليلي في الشطر التاني والرابع

من العلات او العلل وهي المرض

وقانا الله واياك شر المرض والسقم

وبعدين ابو مرح كل واحد بيقول اللي في نفسه والمعني في بطن الشاعر

مش شرط يعني انا اقول كلام يبقي انت المقصود بيه...الا اذا كان هناك وضوح في الصوره

المنقوله منك او مني تجاه ما اعني

اما البيع والشراء والعلل والعواطف وماشابه هي من تعبيرات الشعراء

عما يجول في انفسهم تجاه موضوع ما....قد يكون مر عليه شهور او سنين وليس

ضروريا ان يكون موجها لكلمات قيلت في حينها

شكرا لك ابو اوتااااااااار
.....................

عيان بقالي يومين .......ولا حد قال مالك

لو خيروك بالمرض...... تفديه كده بمالك

محدش سال ولا قال........ الاحبيب واحد

فرحني بكلامه وقال ....ياشيخ كبف حالك

كلنا حبايب والكل يسأل كيف حالك؟

لويعرف المرض غلاوتك عندنا ماجالك

وأحنا مقصرين فى السؤال عنك وسؤالك

ربنا يشفيك من كل مرض ويحقق امالك

تسلم ياسعيد
..............

راح المرض مني ......لما قريت الكلام وحلاه

كلام موزون بالذهب....... وقايله جميل محلاه

انا قصدي انت اللي قلت .....ياشيخ كيف حالك

سديت غياب الكل........... بحلو الكلام ومعناه

هنونى الحبايب والقرايب بشفاك
وقالوا الصبر ده حلوواختبار مولاك
الف سلامه عليك واللة يا غالى
قبل ما تاجى فيك نكون احنا سبقناك

كلامك شفاني وحـــــــــلو الكلام يوعوه

اجيب منين ناس لمعناة الكـــــــلام يتلوه

سلامتك م المرض عين الكريم حـارساك

رؤياك هي المرادوساعتها الهوي نغنوه

هوايا غلب ريح الوداد مني وللمولى دعيت

يشفي همومك والعيا يمشي وكل الأماني يا ريت

ابعتها ويا الحمام أتاري كل اللي راح ما اديت

يا رب يا غفار تكرم حبيبنا بالشفا وتطلعه م البيت

تسلم لي ياعم الكل........ ليك وحشه في القلوب قايده

هلالك كمثل البدر....... وشمسك حتي في الغياب قايده

كلامك يشفي العليل........... وليك في القلوب مقامات

وان مات العليل كفاياه.......... شرب من شعرك الفايده

هلت ليالي السهروالوصل من تاني

والست قالت هلت طلعتك وسقاني

كاس الوصال سبحان البديع واداني

يا اللي رميت حمولك قول آه ياني

( عند الشاذلية اسم الذكر آه من أسماء مجلس الصلوات )

هلت ليالى الصفا وهلت الافراح
قلبى انا انشرح وفؤادى مرتاح
فى سهره جمعت صلاح وعبدالفتاح
ياريت كمان تطول لوحتى للصباح

حسيت بالفـــــرح لما العين قرت اسمك

عمي صلاح ومين في الدنيا في رسمك

ابو اوتار مشرفنا فارس جــرئ مغوار

ونور الصباح لو هل هيغني من همسك

حبيبي صفاك ملك قلبي وراح مني التعب وانزاح

معاك نقول أحلى كلام يرمي الهموم عنى وراح

لوكان ليلي يطول ما اقدر أنام واسيبك وانا أرتاح

يا عيني لا تبكي على الزمن وانا في الهوى سواح

آسف على التداخل نمشى على حرف الكاف

حال الناس فى اجمل احساس وسعاده
وانا مغ الحبايب كتير مبسوط وذياده
يارب تحفظهم لنا وتخليهم يذيدونا
من الكلام الحلوويكونوا فى رياده

ماشي الكلام
................

كواني الشوق ......قالت ثومه......لكل الناس

سمعها عليل..... طار عقله .....من الاحساس

كتم شوقه.....وجسمه عليل..... قالوله لا باس

جابوله طبيب..... قال دا عياه .....جو الراس

اعتذر ابو مرح

اتفضل استاذ/ صلاح.....وانا في الاخر بعد ابو مرح

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى