مسابقة شعرية في الرباعيات لأعضاء المنارة

ايوه كده يازعيم ........هات اللي جو النفس

عاوز اسمع جديدك ........اتكلم وقول بالهمس

الشعر ده كتابك....... وليك في الساحات جولات

سمعنا احلي كلام...... ومن شعرك منعنا اللمس

سبت القول والمعنى لاحبابى
عمرالخسيس مافيوم طرق بابى
اعز القوم اهلى واصحابى
منهم غريب وقريب وغرتهم ابو عبد الشافى

ياسيد القول والمعني....... .....ومين ع المعاني يحادي

كلام الندل ملوش معني.............. وقالو الاظلم البادي

دايما كلامك زين .................وما تعرف طريق لندال

ولو كل الرجال خلصت............هقول قاعد ابو العبادي

يابادى القول والمعنى
قولك حكيم وليه معنى
واحنا على قول الشعر اجتمعنا
لاكن النعاس غالب واهو غلبنا

الف سلامه ابو حسن

تصبح علي خير

ولقاؤنا غدا ان شاء الله
.....................

أمــل مفقــود .. ودوامـة بتاخد منك الفرحــة ولا بتدّيك

طريق مسدود .. يكبّل مُهـرك الجامـح وتمسـح دمعته بإيديك

عليك معدود .. زمان ضايع من التوهـة عليه إتعودت أراضيك

ف يوم مشهود .. هيرجع فَجرك الغايب وتُحضن سكِّتك خطاويك

الله الله الله
.......

كويت الناس.......باشعارك في كل مجال من المجالات

وشلت الفاس......حميت زرعك واوطانك من العداءات

وفوق الراس...شايلينك جـــــبل شامخ سبع طبقــــات

قمر وناس.....في ضلمة ليـــــل تشع النور بالظلمات

تملي باحلم بيوم شمسه تضيء الكون

صافي ومن غير هموم ونزينه بالسكون

أصحى وافتّح عينيا وانتبه فجأة

ألاقي درب البشر بالعنكبوت مسكون

نامت عيون الناس .....وقعدت انا سهران

اسلي الهم بدموعي ...ومني الفؤاد حيران

طويل ياليل الشتا.....وبردك ده شئ قاسي

والعاصي لو تاب... يوم اللقا يكون فرحان

أستاذ عبد الفتاح لديك رسالة خاصة

قم بقراءتها

استاذ/ علي

عذرا علي التاخير

الجهاز المتواجد عليه الان

به عطل ولا استطيع استخراج الرساله وقراءتها

او اضافة موضوعات جديده

يدوبك الردود فقط علي موضوعات سابقه

حين انتهي من العمل ساقراها علي جهازي بالمنزل

اعتذر مرة اخري
..............

ناديت انا وقولت الاه من من شدة الالم وتوجيعي

دورت علي ناس كانوا هنا جنبي حاسين بألمي وجيعي

لقيتهم حيارة وسهارة وليلهم بيشكوامن غلبهم وتوجيعي

اعمل ايه في الغربه وبعدكم كوا قلبي واسمع كمان لتوقيعي

ههههههه عملت التوقيع مخصوص تسمعوه في الرباعيات ههههه
وحشتوني والله يا اعمامي

ياواضع التوقيع........ توقيعك هندسه وكلام ليه معني

الصوره ما شا الله .......والعبارات بعزف الناي بتتغني

باعك طويل .....وليك جولات ف فن الشعبي واحساسك

ومن سمعك اليوم...... لازم بكره يفتكر شعرك و يتهني

يا عمي اصل الحكايه ليها مغزي وليها معنا

حبيت اقول الاه وتقولها معايا من غير متوجعنا

دور علي صاحب زين في وقت الضيق ينفعنا

اصل الرجال معادن وكلمة راجل ليها معنا

ياطبيب ياجزار فين الطب ما وقعنا

ع الشيك مضينا ليك فلوس وقعنا

راحت دراهمى وحتى عافيتى راحت

وعوازلى سنو سكاكنينهم اول ما وقعنا

تسلم ايدك ياابو حسام توقيع روعه الروعه

فنان وفى الفن ليك بصاره

استاذ وفاهم وامير من الاماره

رنان بفن وعياقه وذوق يامعلم

منك بنتعلم تعيش وتعيشى يامناره

اخر حرف كان الالف

بس انا كنت بمسى على ابو حسام

ا

معلش يا سامعين كلامى غير القافيات

واكتب وعمى كتب وحماده حط هنا حاجات

بعت ومادريتش بان حبايبى سبقونى

واوعو تلمونى لو اتغيرت كلمات

تلاقي اصل الادب والزوق من بختي ومن عدلي

القاهم في شبابك يادشنا ياجمعه ناسي وفيكي كمان اهلي

الصقر والزين ابو العبادي من ناسي وتاج راسي

وفيكي يادشنا صاحبي وشريكي واخوي ابو عدلي

يامصطفي انت تقول علي كيقك ...........بدون قافيات

السيف سيفك ولا يهمك واحنا ...........وراك باللهجات

فارس مغوار محدش يصده في............. يوم العركات

سيقك عالي وكلامك دوم بيحكموا بيه........ ف الجلسات

تعشق طير..............حمام زاجل بيهديني تملي سلام

تترك غير..........صديق خاين ماحب اسمع له اي كلام

تعمل خير.............تفوز بالجنه ترتيبك في اعلي مقام

تنفخ كير...........هتصيبك روايح شينه تتعذب مع الايام

مالي انا شايف نفسي بتراودني وتشجيني

ومن كاسات الحزن في الصبا ليه يادنيا بتسقيني

قلبي رهيف مليان بالحب وعمار القلب ماليني

احزن علي راجل اصيل علي فراقه بكت عيني

ياشارب الحزن كاساته بطعم........... المـــــــــــــــر

اهين وتنهيده مع الايام اكيد ............هتمــــــــــــــر

سيبك من الاحزان وافرح بنفسك........ يــــــــــــــــوم

انسي عذابك يوم فيه كام سنه في........ العمـــــــــــــر

راح اقولك ايه وانا قلبي وحيد محتار

سهران لوحدي في ليل طويل و فيه محتار

راحوا الحبايب اللي كنت وياهم شايف هنا وسرور

من يوم غيابهم وقلبي حزين ومكوي بلهيب النار

رسيت مراكب شوقي....... ومعاها حبيب تاني

قلت الشواطي بعيد ........ايه رساك هنا تاني

لاشايف اهل ولا صحبه ......ولا صياد لسمكاتي

وسكاتي انتظار..... يمكن يجيني الحبيب تاني

يا مفارق الحبايب...... اصبر علي البعاد واساه
واكتم جروح الهــــوي...... واصبر علي فرقاه
طبع الحبايب كدا...........كل يوم ليه شأن
يمكن يجيلك يوم............. تنول اللي تتمناه

نورت المسابقة يا عم جمال

******

هلّ القمر من بعد طول احتجاب

خبط على ابواب البيوت باب باب

يا فرحة المبتلي بالعشق يا ولداه

حَضَن القمر أودَعه مليون جواب وجواب

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى