مصراجمل بلاد الدنيا برغم كل مافيها

اسم مصر

على اسم مصر التاريخ يقدر يقول ما شاء
أنا مصر عندي أحب وأجمل الأشياء
بحبها وهي مالكة الأرض شرق وغرب
وبحبها وهي مرمية جريحة حرب
بحبها بعنف وبرقة وعلى استحياء
واكرهها وألعن أبوها بعشق زي الداء
واسيبها واطفش في درب وتبقى هي ف درب
وتلتفت تلاقيني جنبها في الكرب
والنبض ينفض عروقي بألف نغمة وضرب
على اسم مصر
مصر النسيم في الليالي وبياعين الفل
ومرايه بهتانة ع القهوة .. أزورها .. واطل
القى النديم طل من مطرح منا طليت
والقاها برواز معلق عندنا في البيت
فيه القمر مصطفى كامل حبيب الكل
المصري باشا بشواربه اللي ما عرفوا الذل
ومصر فوق في الفراندة واسمها جولييت
ولما جيت بعد روميو بربع قرن بكيت
ومسحت دموعي في كمي ومن ساعتها وعيت
على اسم مصر
أنا اللي اسمي حتحـور .. أنا بنت رع
مثـال الأمـومـة ورمـز الحـنـان
تفـيض حـلمـاتي وتمـلا الـتـرع
وتسـقـي البـشـر كلهـم والغـيـطان
نهايته يا مصر اللي كانت أصبحت وخلاص
تمثال بديع وانفه في الطين غاص
وناس من البدو شدوا عليه حبال الخيش
والقرص رع العظيم بقى صاج خبيز للعيش
وساق محارب قديم مبتورة ف أبو قرقاص
ما تعرف اللي بترها سيف والا رصاص
والا الخراب اللي صاب عقل البلد بالطيش
قال ابن خلدون أمم متفسخة تعيش ليش
وحصان صهل صحى جميع الجيش
على اسم مصر

النخل في العالي والنيل ماشي طوالي
معكوسة فيه الصـور .. مقلوبة وانا مالي
يا ولاد أنا ف حالي زي النقش في العواميد
زي الهلال اللي فوق مدنة بنوها عبيد
وزي باقي العبيد باجري على عيالي
باجري وخطوي وئيد من تقل أحمالي
محنيه قامتي .. وهامتي كأن فيها حديد
وعينيا رمل العريش فيها وملح رشيد
لكني بافتحها زي اللي اتولدت من جديد

على اسم مصر
مصر .. التلات أحرف الساكنة اللي شاحنة ضجيج
زوم الهوا وطقش موج البحر لما يهيج
وعجيج حوافر خيول بتجر زغروطة
حزمة نغم صعب داخلة مسامعي مقروطة
في مسامي مضغوطه مع دمي لها تعاريج
ترع وقنوات سقت من جسمي كل نسيج
وجميع خيوط النسيج على نبرة مربوطة
أسمعها مهموسة والا أسمعها مشخوطة
شبكة رادار قلبي جوه ضلوعي مضبوطة
على اسم مصر
وترن من تاني نفس النبرة في وداني
ومؤشر الفرحة يتحرك في وجداني
وأغاني واحشاني باتذكرها ما لهاش عد
فيه شيء حصل أو بيحصل أو حيحصل جد
أو ربما الأمر حالة وجد واخداني
انا اللي ياما الهوى جابني ووداني
وكلام على لساني جاني لابد أقوله لحد
القمح ليه اسمه قمح اليوم وأمس وغد
ومصر يحرم عليها .. والجدال يشتد
على اسم مصر
لللشاعر الكبير عم الشعراء
صلاح جاهين

طبعآ مصر هي أجمل بلاد الدنيا ويكفيها فخرآ وعزه بأنها مكرمه ومزكورة في القرآن الكريم *

وتقبل تحياتي وتحياتي إلي كل انسان غيور علي بلده الحبيبه مصر أم الدنيا ؟

مصر ام الدنيا وربنا يحفظها من كل شر واجمل مافيها الصعيد والصعايدة عارف لية هم القوى الحقيقية لمصر فى كل المجالات السياسة الاقتصاد والتعليم وهم السند الحقيقى فى كل الحروب التى مرت عليها وجميع اعلام مصر هم صعيدة هل تعلم ان قائد تفجير ميناء ايلات من الصعيد هل تعلم ان الصعايدة سفراء فوق العادة لبلادهم فى الخارج ولهم احترام لايوصف فى فرنسا على سبيل المثال تجد الجاليات العربية متفرقين لكن الصعايدة يدواحدة شى بجدمشرف بنفتخر بية الصعايدة عملو مدارس اسلامية عالمية انتشرت فى اوربا كلها مجموعة مزارعين فى الريف الفرنسى يمتكلون مزارع عنب بكميات هائلة وتعال شوف حاجة تفرح

بارك الله فيك يا أبو محمد علي غيرتك وفخرك بالصعيد وعاشت مصر لكل المصريين

وتقبل تحياتي وتحيات أهالي الصعيد

ربنا يبارك فيك ياعم احمد سلام او نقول سعادة النائب عيزين نشوفك فى البرمان انا هديك صوتى ولو فى حد من السادة الاشراف عندكم اعتبرو معاك ابناء العم بس بشرط اكون مدير الحملة بتعتك وبدون مقابل يعم وتنقل لنا تفصيل كل جلسة فى مجلس الشعب هنا فى المنتدى اة اهم حاجة منارة دشنا وتشوف مطلبنا ومطالب اهل دشنا عموما تقبل مرورك وربنا معاك

مصر ياما يا بهيهيا ام طرحه وجلابيه

الزمن شاب وانتي شابه

هوا رايح وانتي جايه

جايه فوقالصعب ماشيه

فات عليكي ليل وميه

واحتمالك هوا هواوابتسامتك هيا هيا

تضحكي للصبح يصبحبعد ليله ومغربي

هتطلع الشمس تلاقيكيمعجبانيه وصبيهيا بهيه

**************************************

**************************************

***************************************
اسأليني يا حبيبتي ع اللي داير في البلاد
اللي فيها صادروا حلمي وباعوا صوتي في المزاد

اسأليني عن ولاد شفتهم بعنيا دول

جربوا كل الحلول وبيفشلوا بالاٍجتهاد

احكي ليكي ألف قصة من حكاوي التعبانين

اللي عايش نص ميت واللي ميت من سنين

*********************************************

كبرااااء امرأة

» ( وعزتي لا أجمع على عبدي خوفين ولا أجمع له أمنين ، إذا أمنني في الدنيا أخفته يوم القيامة ، وإذا خافني في الدنيا أمنته يوم القيامة ) .
» يا بلاد الغربه
» العربان فى بلاد الأمريكان .... !!
» الدنيا وما فيها
» التمس العرب الامن والراحة فى اوربا فسرقوهم واغرقوهم وقتلوهم مالها بلاد المسلمين