شعر مصاطب اتفضل قول

موضوع: رد: شعر مصاطب اتفضل قول 30/7/2010, 3:36 am

ياطبيب تعال نحو البيت ماتقدم

انظر وشوف العليل ع الفرشه متقى دم

وعدوى نجار ساحب منشار وميت قدم

من كلمات عم جابر ابو حسين

موضوع: رد: شعر مصاطب اتفضل قول 14/9/2010, 11:26 pm

طبيب الاجراح في طلب المال ياما لحي
يا ما الح
كواني بالنار كي وجار يا ملحي
دونيا غرورة ومنها ياما يشوف يا ما الحي
شوفوا الاسافل عملوا خبز وفاتونا
لو كان ياخلق بالمعروف فاتونا
مكنتش اقول اه ياعيشي وياملحي

طول العمر ياخل زي الوقت داريني
داريني انا
كان الريبا معدوم بقي معلوم داريني
من كتر الافكار غافل بس ادري انا
من ميلت الدهر والايام انا خاشي
الوقت جار عليا ونعل لي ابو خاشي
ونويت اهاجر وانصب في الجبل خاشي
واديني ماشي ياولدي واقول ياحيط داريني
ان جار عليك الزمان ياابن الاصول واطي ( وطي )
امشي مع الجد متمشيش مع الواطي
وان سبك الندل متجرش معاه واطي

ان سبك الهلس متجرش معاه واطي
علشان معاي جرح من جوا الحشي معروف
حالاً طبيبي ورش الدوا معروف
بيت البخيل معروف من دون البيوت واطي

موضوع: رد: شعر مصاطب اتفضل قول 14/9/2010, 11:37 pm

انا حاعمل نفسى فاهمه
واقول المختصر المفيد

اذا أنت اكرمت اللئيم تملقا

وولا تصاحب الخسيس ولا توطى له

الخلاصه يعنى

ان الناس معادن فيها الجيد والردىء
والانسان يكون على حذر

صح يا عبقرينوو
اوعى تكسفنى وتقول لا مش صح

موضوع: رد: شعر مصاطب اتفضل قول 14/9/2010, 11:41 pm

يعني معقول بس المعني الادق ليه
ان الواحد ابن الاصول لو جار عليه الزمان يوطي ويعدي الامور ويعمل حساب الايام
ويوطي للريح وان سبك اللئيم او الخسيس متجرش معاه واطي ومتسيبش حقك
لان الندل بيكون من بيت واطي وبخيل ومعروف ان بيت البخيل واطي هههههه

موضوع: رد: شعر مصاطب اتفضل قول 14/9/2010, 11:47 pm

فضلت اقول اه وابكي بالدموع ايام

ومشيت بلا وعي معملتش حساب الايام
اديني ماشي وبتقلب مع الايام
فضلت ماشي وخصمي في الطريق وعي لي ( شافني )
من كتر الافكار ربالي الهموم وعلي
مثل سمعناه بيدوي في البلاد وعلي ( ارتفع )
الندل مهما علي واطي مع الايام

موضوع: رد: شعر مصاطب اتفضل قول 15/9/2010, 12:27 pm

لا تصاحب الندل ولا تمشى معاه مشوار
ليه تهرب من الصادق وتروح تصاحب غدار
عمره ما يصون الصحبيه ولا الاسرار
ده دائما ناكر للجمايل ولو كانت انهار
بتبقى ماشى معاه كالحمار يحمل الاصفار
ووقت الشده يبيعك ما تشوفه بين ليل ونهار
روح صاحب اللى يصونك ولا يعرف الاشرار
ويكون لجميلك حافظ ولا يعرف الانكار
ويكون جنبك فى الحلوة وفى حتى وقت المرار
ده الطيب والخبيث موجودين بس انتا عليك الاختيار

موضوع: رد: شعر مصاطب اتفضل قول 15/9/2010, 12:54 pm

شايك ل عوازلك صبيته
واللي بحبه سبيته
خليته ساب بلده وساب بيته

موضوع: رد: شعر مصاطب اتفضل قول 7/10/2010, 12:20 am

فات العويل يوم علي ولاد الكرام ماشي
ومركباه الغرورة من فوق جواد ماشي
بقي اكله لحوم ضان ونسي العيش والماشي والمش
انا قلت يادنيا لاعندك حيا ولا خشا
ملتي علي ابن الاصول يادنيا لبستيه خلق
دايب من اردي الخيش وابن الرديه يادنيا
بنا البيت وعمل دوار قدامه
الحر منك طفش وعمل لسكنه خيش
انا قلت ييادنيا لازم اوضع بيني وبينك حد
قالت انا الغرورة اللي مادمتش في يوم لحد
وكل واحد ياخدله يومين واهو ماشي

موضوع: رد: شعر مصاطب اتفضل قول 7/10/2010, 12:28 am

ماشى على فين ياعم بعد ماشيلتنا الهم
دى انت خليت حياتنا غم وعلى نفسنا
مش قادرين نتلم.كفاية حرام عليك
هتموتنا على ايديك.هود شعر
ولاخراب للبيت دى أنا كنت خلاص
هقول حبيت بوظت فرحتى
وعلى جنيت وجاى أخر المتمة
تخرب البيت .طيب ياريت ياريتنى ماحبيت

» صور تحير العقل والنظر اتفضل جرب بنفسك
» من روائع الرسم علي الارض اتفضل شوف بنفسك الابداع
» أنت مطلوب بالاسم اتفضل ادخل للمسابقة الثقافية الاولي
» نتابع كل ماهو جديد في المنارة اخيراً افلام رعب لكل محبيها اتفضل معانا