شعر مصاطب اتفضل قول

موضوع: رد: شعر مصاطب اتفضل قول 19/6/2010, 12:38 pm

الله عليك يا استاذ / علي
ايوه كده الموضوع زاد تألق لانه جذبك لينا وطلع المواهب الي موجود وطلع القديم كله ههههه
وخد دي
عيان ياطبيب هاتلي دواك عازلين
خايف اقول اه ساكنين جيرتي عازولين
طب انا عملت ايه لما الزمان علي جاري
حتي اللي العشم فيه فحتلي في الطرق جاري
واخواتي جاري لكن ياطبيب عازلين

موضوع: رد: شعر مصاطب اتفضل قول 19/6/2010, 12:52 pm

ولابد من يوم محتوم
تترد فيه المظالم
أبيض على كل مظلوم
أسود على كل ظالم

موضوع: رد: شعر مصاطب اتفضل قول 19/6/2010, 1:22 pm

صاحبت صاحب مفيش زيه مايتمر فيه

سألت انا عليه قالولي مايتمر فيه
ساكن في بستان ودولابه ميتمر فيه
خسارة راجل دون بيبدي في الكلام وردي
حلفت يمينين مماشي في الطريق وراميه
مثل سمعناه بحبه انا وراديه مهما خدمت الردي عمره مايتمر فيه
لوكانت الناس بتقبل عذر بعضيها
كانت توهب الروح والجسمان بعضيها
حتي نجوم الزمن ده طالت لبعضيها
ياصاحب العصر اسمع علي الزمان كلمه
اتنين اخوات فاتو بعض علي كلمه
ايوه دخل مابينهم شيطان زاد الكلام كلمه
ايوه علي ربع كلمه تفوت الناس بعضيها

موضوع: رد: شعر مصاطب اتفضل قول 19/6/2010, 1:32 pm

قرعه وزايد بطرها
وهى من الاصول واطيه
لو كان ولدى حكمها
ماكنتش تعيب فى ابوه

دا كلام واحد بيعتب على ابنه اللى سايب مراته تعيب فيه

موضوع: رد: شعر مصاطب اتفضل قول 19/6/2010, 1:34 pm

الصاحب اللي من الالفين نقيتوه
ورحت اكربل واغربل فيه مالقيته
قالوا العوازل ملوع قلت من بيته
بعد الحبيب طال ذهب العقل جنني
استاهل الكي بالنيران عالنني
متلوم عليا انا اللي روحت للبيته
ليه يا غلبان تروح للندل تشكيله ده واد كده غيار وحتي اللبس تشكيله
ولا اخ نافع ولا صاحب زين نشكيله
وفضلت حيران وبترك علي النايب وده وقت غدار خلع الجرج والنايب
وقعدت مع رجال لاطلع ليا حق ولانايب
ما انا اصلي عايب بروح للندل واشكيله

موضوع: رد: شعر مصاطب اتفضل قول 19/6/2010, 2:29 pm

اشكر هذا التفاعل مع شعر المصاطب كما اشكر انضمام الاستاذ على لقافلة المبدعين حمادة شحات وزهرة المنارة واحمد السنبسى وعبد الفتاح عبد الشافى وبقية القافلة
تستاهل الكى بالنار يالى تماشى
الخسايس ماينوبك منهم غير
العار ودوس المجالس

موضوع: رد: شعر مصاطب اتفضل قول 19/6/2010, 2:37 pm

جاموستك لبنها زايد
وتبيعه فى سوق الدناشى
على شنبك عفن لبنها
ويكرهك كل ماشى

موضوع: رد: شعر مصاطب اتفضل قول 19/6/2010, 3:12 pm

الليلة جميلة وبالعانى ملمة
واحملكم وزر الولد ده لومكان يتلمة
تفتكروه دكر وشجاع وعنده همة
وانا لولا الملامة لاقوم اربطه بالعمة

موضوع: رد: شعر مصاطب اتفضل قول 19/6/2010, 3:31 pm

ربي صغير السن علشان ينفعك
ان خالفك *خسارة الربايه فيه
كمان توضع السمن مطرح الزيت تعدمه
كل اناء ينضح بما هو فيه

موضوع: رد: شعر مصاطب اتفضل قول 19/6/2010, 3:36 pm

ياقهوجي باش هات ع الماش بصا لي
عيني علي غزال زين م الشباك بصا لي
طلبت منه الوصال *قالت عيب اختشي دا عرض
اهلي علي الارض زي النمل بصــــــــــــــالي

بصالي الاولي=قطعه من الفحم او الجمر التقد

موضوع: رد: شعر مصاطب اتفضل قول 19/6/2010, 3:46 pm

اقول كلامى وابتو ابوك زعيم القبايل كان ليك جد دبح بتو خلانافرجة بين القبايل

موضوع: رد: شعر مصاطب اتفضل قول 19/6/2010, 6:31 pm

خشب المراكب من السنط
في البحر ياخد مهاجه
واجب ع الحر يلزم الصمت
لَمَا الهِلف ياخد مهاجه

موضوع: رد: شعر مصاطب اتفضل قول 19/6/2010, 6:40 pm

لا تذل نفسك لانسان
فى باطنه ليك سوادى
صده وخليك منصان
عنه ولو كان يعادى

موضوع: رد: شعر مصاطب اتفضل قول 19/6/2010, 7:06 pm

لغة المـــــــــــــــــــــاء

استاهل انا ال الاسي مني
وع الاراضي جريـــــــــــت
وخضر الشعب منــــــــــــــي
وبناره يارب اتكويــــــــــــــت

الشعب=بكسر الشين وهو الحطب والاغصان اليابسه من الاشجار

موضوع: رد: شعر مصاطب اتفضل قول 19/6/2010, 7:12 pm

كلامك زين وعاجبنى
وع اللى انبلى ما تلوموش
دا شىء مكتوب عاجبنى
واللى يعمله المولى ماشى

موضوع: رد: شعر مصاطب اتفضل قول 19/6/2010, 8:04 pm

السبع ياكل بكده

والكلب ياكل بواقي

دا السبع لا الهلف كده

ولا خطافين الطواقي

موضوع: رد: شعر مصاطب اتفضل قول 19/6/2010, 8:07 pm

كان ليا غيطي وجرني

سايرين على خط ابونا

خلوني هديت فرني

واستنى عيش الطابونة

تحياتي لكم كل من كتب انا اقرأ وابتسم فشعر المصاطب رائع جداً

تحياتي للجميع

موضوع: رد: شعر مصاطب اتفضل قول 19/6/2010, 9:03 pm

يا قلبي أوعى تعاشر الدون
ولا تكلمه بالاشتراحة(بقلب مفتوح أو مشروح)
تكلمه الكلام الموزون
تلقاه يرد بقباحة

موضوع: رد: شعر مصاطب اتفضل قول 19/6/2010, 10:14 pm

اصل المحبه الوداد خلي الوداد غالب
واصلح مابين العباد تلقي السرور غالب
وصاحبك اللي يعاديك سامحه تبات غالب
وان جار عدوك عليك
اوحب يتغالب متباتش مغلوب لوحتي تموت غالب

موضوع: رد: شعر مصاطب اتفضل قول 19/6/2010, 10:17 pm

اتقل من الرمل حملي والسكك قله
لكن عار علي السبع لما يقول
للردي قله [ ارفع ] عدويني بالالف لكن الحبايب قله

موضوع: رد: شعر مصاطب اتفضل قول 19/6/2010, 10:47 pm

الله عليك ياباشمهندس حماده

ماكل هذا التالق

لو عارفك كده كنا فتحنا الباب ده من زمـــــــــــــــــــــــــــــــــــــــــــــــــــــــــــــان

موضوع: رد: شعر مصاطب اتفضل قول 19/6/2010, 11:12 pm

استاذنا/ عبدالفتاح عبدالشافي
انت صاحب الابداع وفاتح الباب الجميل
ودي لخاطر عيونك
من التراث الجميل
يادنيا ياهلس كوتيني ورا قدام
حتي طبيبي يوصف لي دواي ورا قدام
لابد ياجي يوم تتعدل ورا قدام
شوفوا الزمن اللي بيبني علا لما العصر
الدنيا هي كده دايما تهد العصر
بنقول موال افهمه يا اخي بالعقل
شوف قلة الاصل بتخلي اللي ورا قدام

موضوع: رد: شعر مصاطب اتفضل قول 19/6/2010, 11:15 pm

ايه مافيش كلمة حلوة
يعني احلف ماكتبش
علشان انا اهلاوي يا حمادة شحات
مااااااااااااااااااشي

موضوع: رد: شعر مصاطب اتفضل قول 19/6/2010, 11:23 pm

قالو العسل من القصب واصل القصب من طين
قالو الذبيب من العنب واصل والعنب من تين
اصل المحبه وجاهه وقوم روح يامسكين

انا عملت انا صياد رحت اصطاد صادوني
لاشبكه ولاسنار برمش العين صادوني
بنيت انا سرايا شبكها علي البحري
كان اكلي فيها زغاليل وشرب الماء من بحري
انا قعدت بحري لما الاحباب صادوني

موضوع: رد: شعر مصاطب اتفضل قول 19/6/2010, 11:31 pm

ايه الابداع ده ياملك السنابسة ياريت تقبلها منى

» صور تحير العقل والنظر اتفضل جرب بنفسك
» من روائع الرسم علي الارض اتفضل شوف بنفسك الابداع
» أنت مطلوب بالاسم اتفضل ادخل للمسابقة الثقافية الاولي
» نتابع كل ماهو جديد في المنارة اخيراً افلام رعب لكل محبيها اتفضل معانا