شعر مصاطب اتفضل قول

موضوع: رد: شعر مصاطب اتفضل قول 19/6/2010, 11:40 pm

ياعم احمد السنبسي ياهلاوي
انت تكتب وكلامك اللي تكتبه اكيد فيه نور يزين الصفحه ويملاها بأروع العطور
لانك اهلاوي ومن الزمالك ياحبيبي مقهور
شد حيلك شويه واكتب وورينا
فين الجمال منك بالعين ورينا
ايه اللي بقي حلوا هاتوا وورينا
الصاحب الصح يمد الايد ورينا
واحنا في انتظارك ولا في حد زيك بس ياحبيبي ورينا

موضوع: رد: شعر مصاطب اتفضل قول 20/6/2010, 12:10 am

قاعدعما يبكى وكانه للحزن غاوى وبيحكى دايما عن النكدحكاوى قلت اسال واشوف السبب عرفت ان المسكين دا زملكاوى

موضوع: رد: شعر مصاطب اتفضل قول 20/6/2010, 12:20 am

واحنا كلنا بنستناك يا أخينا
كلمة من حمادة تكفينا
لو حمادة يطلب نحن ملبينا
واحنا لأوامر ابو شحات طائعينا

موضوع: شعر مصاطب اتفضل قول 20/6/2010, 12:43 am

غزالة من هنا شاربة من نيلها لمحتها عينى سارحة والفكر شارد منها بعيون جريئة وجمال ظاهر[كل مفاتنها[خفة دم حلاوة روح لكن الزمن واخد منها باين فى عنيهاوفى وشها وفى كل معالمها برائة سماحة لكن فيه شئ بالمها جواها حكاية ورواية فيه شئ بيسكنها

موضوع: رد: شعر مصاطب اتفضل قول 20/6/2010, 5:22 am

الفكرة جميلة والشكر موصول لصاحبها
ولكل المبدعين المشاركين في الموضوع
وعموما

انا قاعد مع ناس حلوين ليهم مقـــام غالى
سبيك من المــــــــال اصــــــل الادب غالى
وامشي مع الاصيــل مشي الاصيــــل غالى
اوعى تماشي الخسيس قلبه من تلاك غالى
لفيت كل البـــــــــلاد قلت الوطـــــــن غالى
ادعـــــي من الله تــعـــيــشوا عــــلى الغالى

موضوع: رد: شعر مصاطب اتفضل قول 20/6/2010, 7:45 am

قعدت فوق السطح .....

هز الهو كمي .......

كل العيال اتجوزو .....

وانا قاعد جنب امي .....

موضوع: رد: شعر مصاطب اتفضل قول 20/6/2010, 8:54 am

دي اهداء لحمادة شحات وزهرة الجنوب

اه واه على اللي علته مرته
تاكل العيش وتقول الفيران كلته

مرته= زوجته

موضوع: رد: شعر مصاطب اتفضل قول 20/6/2010, 11:10 am

فى البحر لم فتكم
فى البر فتونى
وبالتبر لم بعتكم
بالتبن بعتونى
انا كنت وردة البستان
انتوا ليه قطفتونى

موضوع: رد: شعر مصاطب اتفضل قول 20/6/2010, 11:18 am

مش عارفه يعنى عاوز تقول ايه يا سنبسى يعنى الحريم مفاجيع ..ماشى مردوده لك قريب

الدنيا دية مطاحن
فيها تدوب الخفايف
حجر الرحايه ما طاحن
غير الغلابه الخفايف

موضوع: رد: شعر مصاطب اتفضل قول 20/6/2010, 1:45 pm

على سوء حظى اتلوى الزان
لما عملته سريرى
لو يوزن القول وزان
قمحك ما يسوى شعيرى

موضوع: رد: شعر مصاطب اتفضل قول 20/6/2010, 1:56 pm

الدهر للناس معادي
قلع الأصيل من جذورهْ
في البحر جانا بمعادي
ويا تعسه اللي جا-دوره

موضوع: رد: شعر مصاطب اتفضل قول 20/6/2010, 6:57 pm

]احنا بحور ]البلا ]

]]والبلدا فينا يلوصو ايوه احنا الصناديد[/نخشو جوا القاع ونغوصوi]اما الجرابيع على البر دايما يلوصو[/i]واللى نفترى عليه ]ننهب هيبته وفلوسو ولو نطق اللسان ]من خده ونبوسو

موضوع: رد: شعر مصاطب اتفضل قول 20/6/2010, 9:27 pm

اهداء للجميل الغالي الاهلاوي ابو قلب احمر لان لسه قلبي ابيض

غايب بقالك زمان ايه فكرك بينا
مبلاش تقلب مواجع بعد منسينا
مش انت صاحبي اللي كان يسهر معاي للصبح
مش بعي الصبح يتغير الكون
لاتعرف عشا من صبح اقرب من الصبح
ملك الموت منينا
ياعم احمد ياسنبسي
خليك تقيل زي السمن يقلوا بيك
لما تروح مليان كبير وصغير
يرحب بيك
ويقولو خليك واحشنا وانت جنبينا

موضوع: رد: شعر مصاطب اتفضل قول 20/6/2010, 11:45 pm

تاجر نزل السوق
بدو يشتري غالي
لقي الجواهر رخيصه
اما الصدف غالي
زعل الجوهرجي ع التين
وقال اتبهدل الغالي

موضوع: رد: شعر مصاطب اتفضل قول 21/6/2010, 9:27 am

ده كلام على الريق
مش تقول خد وهات
ولعتلي المحاريق
يا حمادة شحات
الأهلي احسن فريق
خلى الزمالك مات

وتقبل هزاري معاك يازملكاوي يا غالي

موضوع: رد: شعر مصاطب اتفضل قول 21/6/2010, 5:40 pm

مسكين من يطبخ الفـاس
ويريد مـرق من حـديده
مسكين من يعاشر النـاس
ويـريـد من لا يـريـده

موضوع: رد: شعر مصاطب اتفضل قول 22/6/2010, 12:06 am

حلفت يمينين علي بيت الندل منا داخل
اللي منه التعب ياناس ساكن معاي في الداخل
كل يوم يلاقيني وانا طالع وانا داخل
السن يضحك ولكن السو في الداخل

موضوع: رد: شعر مصاطب اتفضل قول 22/6/2010, 12:15 am

عاشرتني ليه يا لئيم وانت ماليك صاحب
لعيش ولا ملح بتصونه مع الصاحب
انا كان منايا اعينك للزمان صاحب

خنت الوداد يا لئيم مصدقتش معايا يوم
اسمع مثل حر بالنسبه لزمان اليوم
من عاشر الجبان يوم صبح ماليهوش ولا صاحب

موضوع: رد: شعر مصاطب اتفضل قول 22/6/2010, 12:18 am

الصبر طيب ولكن فين اراضيه
احترت ياناس مش عارف انا اراضيه
الصاحب اللي بحبه
فـقلبي انا براضيه
نسي ودادي ودائما في الميعاد بيخيل
مشيت انا معاه شربني المرار والخل
لو اعمل المستحيل مش ممكن انا اراضيه

موضوع: رد: شعر مصاطب اتفضل قول 22/6/2010, 2:39 pm

[ندعوك للتسجيل في المنتدى أو التعريف بنفسك لمعاينة هذه الصورة]

كاد فن الواو أن يندثر، وهو فن شفاهى غير مدون، تحفظه صدور الدوراة ومحبيه
فى الصعيد، ولكن الشاعر والباحث فى التراث الشعبى
الشاعر عبد الستار سليم
نفض
الغبار عن ذلك الفن القولى التراثى العريق، وقام بالتعريف به، وقدم دراسات
مستفيضة عنه، وقام بتطويره وأصدر ديواناً شعرياً من تأليفه فى هذا الفن
بعنوان "واو عبد الستار سليم"، ويستعد لإصدار الديوان الثانى من هذا الفن.
الشاعر عبد الستار سليم
يكتب أيضا شعر الفصحى، كما حاز العديد من الجوائز منها
جائزة الدولة التشجيعية

وكان مديرًا لإدارة دشنا التعليمية

وإليكم أحد أعماله الرائعة

من مُدّة ع النيل ما بـِـنـّـا(1)
ولا طيفـُـه داعب جفونى
إيه اللى بعّد ما بينا(2)
شكِّـك دا .. ولاّ ظنونى..؟
**
من مُدّة ع النيل ما بـِـنـّـا
ولا جـَـوُّه عطـّـر تيابى
إيه اللى بعّد ما بينا
شكِّـك دا .. ولاّ ارتيابى ..؟

هوامش:
(1) بـِـنـّـا: ظهرنا أو تواجدنا
(2) بينا: أى بيننا
.........................
غبَّـر فى وشـّـى بابورك
عاملالى لمّة وغارة
رميتينى فاخر(3) طابورك
وبلعنى ليل المغارة
**
وسْمِـنْـتى واحنا ضماير(4)
فا .. قولى لى إيه العبارة؟
و .. رَهـنـْـتى كل الضماير
يا مين يشوف الفقارا؟

هوامش:
(3) فى آخر
(4) ضماير من الضمور والنحافة
.........................
كان ليـَّـا غيطى وجُـْرنى
سايرين على خـَـّط أبونا
خـَـلـُّـونى هـّديت فـُـْرنى
واسْتَـنـَّى عيش الطابونة(5)

**
العِــرْق للعِــرْق دسّـاس
والضلمة ما تنجليلا(6)
إحذر إذا كنت "جسّـاس" (7)
من "هجرس" ابن الجليلة " (

هوامش:
(5) فرن العيش أو المخبز
(6) تنجلى الظلمة بمعنى تزو
(7) يقصد جساس بن مـُـّرة أخو كُـلـيْـب
( جليلة بنت مـُئـّرة

..........................
العِــرْق للعِــرْق دسّـاس
والحرب تبْدِى بخناقة
والدمّ إن يغـْـلى دا السّاس (9)
و"كليب" غوتر(10) فى ناقة

**
دا الهمّ ينشال فى الشِّـنـْــف(11)
والفرْح من خمس أواقى(12)
وعزيمة الراجل الهـِـلـْـف
تشبه حشيش السواقى

هوامش:
(9) الأساس والسبب
(10) تمّ اغتياله
(11) جمع شنيف وهو شبكة كبيرة من الحبال تستخدم فى نقل تبن القمح على
الجمل.
(12) خمس أوقيات (وحدة وزن قديمة)
........................
السبع ياكل بكـُّده(13)
والكلب ياكل البواقى
دا السبع لا الهلْف كـُّده(14)
ولا خطـّـافين الطـّـواقى
**
القول صادق يا كدّاب
والسّـكـّـة عِـدْلة يا عوجة
هوَّ فى عقلـُـه يا كدّاب(13)
جاهل وعامل لى خوجة*

هوامش:
(13) بجهده وتعبه
(14) لا يساويه

موضوع: رد: شعر مصاطب اتفضل قول 22/6/2010, 7:20 pm

شكرا للاستاذ/خالد الشويخي
علي هذه اللفته الرائعه لشاعرنا المحبوب
الاستاذ/عبد الستار سليم
ونحن بانتظار صدور الديوان الثاني ان شاء الله
شكر مرة اخري يااستاذ /خالد

موضوع: رد: شعر مصاطب اتفضل قول 22/6/2010, 7:44 pm

مساجلة من فن الواو للحاج خربوش وخالد حلمى

موضوع: رد: شعر مصاطب اتفضل قول 22/6/2010, 9:39 pm

انا هقول كلمتين وبس
ياقلبي تعادي حبيبك ليه يمكن يعود تاني
وان كان ليه ميل براحته يجينا تاني
ليه بتعاتبني ليه
ليه نعيد اللي نقاسيه
منتا قدري
وخدت عمري
فاضل نبكي عليه

موضوع: رد: شعر مصاطب اتفضل قول 22/6/2010, 10:45 pm

يا اللى أنت جاى معاتبنى
ليه بعتنى بالخساره
وحرقت قمحى مع تبنى
ده جبن ولا جساره

موضوع: رد: شعر مصاطب اتفضل قول 22/6/2010, 11:30 pm

الله عليك يا عم احمد ياسنبسي
كده انت رائع وعلي المدي جميل
الكلام الحلو ميطلعش الا من احمد السنبسي الاصيل
وكل لحظه بشوف فيها مشاركتك الجميله القلب يرق ويميل
وافتكر كوكب الشرق في القلب يعشق
كل جميل

» صور تحير العقل والنظر اتفضل جرب بنفسك
» من روائع الرسم علي الارض اتفضل شوف بنفسك الابداع
» أنت مطلوب بالاسم اتفضل ادخل للمسابقة الثقافية الاولي
» نتابع كل ماهو جديد في المنارة اخيراً افلام رعب لكل محبيها اتفضل معانا