عبر عن مواجيدك هنا فى المنارة

الغريب فعلا انه رغم ما كانوا يبذلونه من مجهود
الا ان صحتهم كانت جيده جدا لا يشتكون من شىء مما نعانيه الآن
ورغم اننا نعيش فى ظل رفاهية التكنلوجيا
الا ان اقل مجهود بيفرق معنا بطريقة غريبه
واصبحنا زياراتنا متكرره الى عيادات الأطباء
مع وجود الانيميا فى اغلبنا كصديق حميم

مظبوط واغلب الستات بتعاني اثناء الحمل والولاده وقليل لما يولود طبيعي
وبمناسبة الانميا رغم اني مش بزور الدكاترة كتير بس كنت هتبرع بدم
واتضح ان عندي انميا وهي فعلا صديق دائم
واعتقد الفرق في اسلوب الحياة والاكل والراحة اللي بتسبب الامراض
طيب بما انك امراة شايفة ان الست واخدة حقاها دلوقتي ولا لسه عايزة اكتر

تقصد المرأة ومنظمات حقوق المرأة والمساواه المزعومه
هذا من الغباء طبعا
المرأة أخذت حقوقها منذ اكثر من اربعة عشر قرنا
مع ظهور شريعة الاسلام وانصاف الاسلام للمرأة
استحاله ان تكون هناك شريعة او قانون آخر يعطيها ما اعطاها الاسلام

ايوه هو ده المقصود والبعض بيطالب بان المراة تكون قاضي او حتي رئيس جمهورية
اومال الرجالة بتعمل ايه في البلد ديه
انا وقتي انتهي
وان شا الله هدخل باليل ويكون فيه ناس اكتر موجودة
ويكون فيه موضيع مهمة نتكلم فيها
في رعاية الله سلااااام

حامل المسك هرب
فين الاستاذ عبد الفتاح والاستاذ عبد الباسط يكلمونا عن الفيضان والسد العالى

شركة جوجل تقوم بالتصويت لتسمية فلسطين او اسرائيل والمطلوب التصويت
لفلسطين ونشرها لاكبر عدد للتصويت لفلسطين.يالله يا نشامى شدو الهمة وبدنا
كلنا نصوت

[ندعوك للتسجيل في المنتدى أو التعريف بنفسك لمعاينة هذا الرابط]

اسرعو شباب النسبة بعدها مش لصالح فلسطين
سارعوا بالتصويت ليتم نزع اسم اسرائيل واستبداله بفلسطين في موقع جوجل الالكتروني

ايه الحكايه يا استاذه زهرة الكل بيهرب ولا ايه ههههه
انا موجود معاكي ومع عمنا الكبير الاستاذ عبدالفتاح والاستاذ عبدالباسط
بس سؤال ايه رأيكم في زمااااااان ووسيلة حفظ الاشياء في الريف او الصعيد الجواني ؟
الصومعه او كما كانوا يطلقون عليها الطاقه
واله انا بستغرب جدا جدا سبحان الله كانت الصومعه او الطاقه بتحفظ الاشياء بكل صدق اقولها بطريقه ملفته للنظر سبحان الله وكأنها تلاجه من العصر الحديث بل بالعكس الاطعمه كانت تحفظ بها ولايجري لها اي مكروه
انما الان الاكل والفاكهه تكون في التلاجه يازهرة وبرضوا مش كويسه لن تحفظ جيدا عاوزين الجماعه الكبار في المقام والسن يتفضلوا يحكوا لينا عن زمااااااان والاشياء اللي كانت تصنع من البيئه المحيطه بدون تصنيع اليكتروني كما هو الان
وايه كانت علاقتهم بيها وهل كانت افضل ولا الان افضل
فين البركه في زماان ولا في الوقت الراهن
يلا عقبال ما اكل الايس كريم بتاعك يازهرة لان الجو حر

وهو مين اللي هرب بس

انا كنت نايم

المهم الطاقة مصنوعة من الطين

والطين بيحافظ علي درجة الحرارة

ولكن الطاقة مش بتحفظ الطبيخ مثلا يوم ولا اتنين

ولا يمكن نترك فيها اللحمة زي الفريزار

لاطبعاً ياناصح كانوا بيخزنوا فيها النواشف والفلوس كمان ههههههههه
وكان ليها مقدار ومقام كبير ومفتاح الطاقه دائماً مايكون مع ربة المنزل والراجل كالعاده غلبان لايستطيع فتحها ومعرفة مابداخلها وذلك من نصاحة السيدات هههه
اللي هما احنا افتقدناهم دلوقتي في العصر الحالي كله بيستسهل ياريس الفريزر والتسخين بالميكروويف مش الكانون زي زماااااااان

ههههههههههههههه

النواشف ماشي انما الفلوس مش عارف

انا كنت بوصل للمفتاح بعد عنا

لانه غالبا ما بيكون مربوط في الشال بتاع جدتي او الحردة هههههههههههه

بس بيكون فيها العيش والجبنه والسمن والسكر والشاي وكل ده

والصومعة كانت علشان الغلال القمح والشامي وكده

ونسيت الشعير ولا ياتري ملحقتوش هههههه
البتاو عارفه ياحامل المسك
والله كنت تضرب البتاوه في الحيطه ترد ليك تاني هههه
بس اقسم بالله كانت اجمل ايام كان الخير فيها والبركه والرضا بالرزق والرضا بالحال

اعزائ ماروع زمان وعيشة زمان وحجاوى زمان
والات واوانى زمان
اعزائ الطاقة كانت تبنى من الطين ولها قفل مثل غلق الباب
فاكرينه وكان يحفظ فيها تموين البيت بالكامل
اما الصومعة التى كانت تحفظ بها الغلال فكانت ايضا تبنى
من الطين ولها فتحتان فتحة علوية لادخال الغلال منها
وفتحة سفلية لاخراج الغلال وكانت تسمى # الصفط#
طيب

لشعير حصلته

افتكر من فترة قريبة ابويا زرعه

بس مشوفتوش انا ولا شوفت شكله اعتقد

والبتاو شوفت زمااااااان

وايام زماان احلي من دلوقتي كتير

تقريبا البركة راحت

مظبوط يا استاذ محمد

وتقريبا لسه عندنا صومة في بيت جدي

بس محدش بيحط فيها حاجه زي الاول

ويرحم ايام الذبدية والطواجن بتاعت الاكل هههههههه

مش زي الملامين والصيني والاركوبال والبيايركس بتاع الايام ديه

انا اعرف ان الصومعه والصفط مصنوعين

من الطين+براز الجاموس او البقر اعزكم الله

ليه مكسوفين ولا ايه بل كانت نسبة الطين لا

تتعدي 15 % من من صناعتهم وكانت مثلهم في الصناعه يعني

المكبه فاكرينها ولا لا الت كانت توضع فيها مواجير اللبن

المحلوب من البقر والجاموس وكان لها عدة ثقوب من الاجناب

وذلك لدخول الهواء الي الحليب حتي يختمر ويصبح قشده

او قشطه ورايب لعمل السمن والجبن والزبد

والعله في ان نسبة الطين تكون قليله حتي يخف وزنها

وحتي لا تتشقق من الشمس (تتفطر ) ا0

اما الهراسه والقوقعه والكانون

فهذا امر شرحه يطول

وانا الليلة مشغول

الي الغد اذن يا00000

ايوه كده خلوا الكلام يكون احلي
فكرتوني بالذي مضي
هههههههه
فين ايام زمااان اللي راحت بس نقول الحمد لله لسه البركه موجوده لان اصحابها معظمهم موجودين ربنا يبارك لينا فيهم ويمدهم بطول العمر
قولنا يا استاذ محمد ايه حكاية الاواني بتاعت زمااااان انا اعرف ولحقت منها الزبديه والمرسيه والفواله والمجور اللي كان بيتصنع من الفخار والجره طبعاً علي رأسهم والزير
ايه تاني من الاواني الي كانت بتستخدم زماااااااان وكان ليها اولويه في البيت القديم طبعا احنا مش بنكبرك ولا حاجه في السن لالالا والله ابدا بس اكيد حضرتك لحقت الكلام ده لاني انا لحقته وانا عايش في البلد
عاوزينك تقول لينا وتعرفنا علي زماااان وبركة زمااااااااااان الي تكاد تكون قاربت علي الاندثار
اتفضل قول ياعمنا كلنا اذان صاغيه

انا اعرف حاجات منها

ويمكن الاسامي مختلفة شوية

بس اعرف الذبدية والطاجن والمنطال بتاع الفول

والمواجير والعلاوي والزير والزير ده لسه موجود عندنا

وانا عايش في دشنا المدينة وشقة مش بيت

واعرف الهراسة كمان ديه بتكون مصنوعة في الحائط اعتقد

ده انا شكلي عجوز ومش واخد بالي هههههههههه

احبابى من اوانى زمان الزبدية
والحلة البرام ومنطال الفول
والطاجن وكل هذه الاوانى مصنوعة
من البرام الخالص يعنى طمى النيل
وكلها صناعات يدوية وافضل ما يميزها
انها لاتصيب بالامراض مثل اوانى اليومين دول
اما الزبدية فهى يوضع بها الطبيخ من الحلة
ومن الممكن ان يسخن بها ويطقش بها البيض
يعنى يقلى
اما الحلة البرام فهى لطهى الاكل
اذا كان طبيخ بلحمة او من غير لحمة
اما منطال الفول فهو لطهى الفول الملزوز

يعنى الفول المدمس يعنى دماسة
وكان يوضع المنطال فى الفرن الطينى
بعد خبيز العيش الشمسى
اما الطاجن فهو لتحمير اللحمة او
لمرقصة السمك ومرقصة معناها
عمل طاجن سمك بالتقلية
وكفاية كده احسن الواحد
ريقه سال ونفسه جريت

ما احلي زمان وايام زمان
فكرتونا بالذي مضي
هل تذكرون البصارة والشلولو
[ندعوك للتسجيل في المنتدى أو التعريف بنفسك لمعاينة هذه الصورة]

طبعا كل ده عارفينه

او انا بالتحديد عارفه

وبحب الشلولو انما البصارة لالالالا

ياعم اشرف الشلولو كان يصنع بطريقه سهله للغايه هههه هما ماعليك الا ان تحضر شوية ملوخيه ناشفه وماء بارد او سخن وتعيش ياريس مع شويه ملح هههههه
والله فعلا اواني زمان كانت جميله وليها مذاق وطعم خاص جدا جدا
تحس فعلا انك بتاكل حاجه كده وبتستلذ بها
اما الان وكما قال حامل المسك والاستاذ محمد ابو العبادي تسممنا من الالومنيوم مع الاعتذار للاستاذ محمد جلال طبعا لانه كده دخلنا في صميم شغله في شركه الالومنيوم هههههه
بس هما بيصنعوا لينا كل ماهو مفيد حاليا
متزعلش يا استاذ محمد جلال
توفال وميلامين وزفت الطين واسامي غريبه المهم خطر في بالي حاليا موضوع مهم جدا
شوفوا الفرق بين زمااااااان ودلوقتي حتي في جهاز العروسين اللي معاه بنت ولا بنتين الله يكون في عونه والله مبقاش اسمه توفيق راسين في الحلال بقي اسمه خراب بيوت البنت عاوزة مش عارف ايه وايه وايه وكلمة رفايع دي تعقد لانها مش رفايع دي بلاوي زرقاء ومتلتله واله وعن تجربه
زمان كان العفش يعني العزال عبارة عن دولاب وسرير وكرسيين خرزان ومرايه ودمتم بكل خير
الان غرفه نوم غرفة صالون
غرفة سفرة
انتريه
علي مطرب شعبي جميل اسمة حماده الاسواني
كان بيقول ايه عاوز اتجوز نفسي اتجوز بس المهر غالي
هي تطلب وامها تطلب وانا غلبان وعلي كد حالي
عاوزة سفرة وانتريه سجاده ومش عارف ايه متكونش فكراني بيه ولا راجل مالي هههههه
كلمونا يا استذتنا عن زواج زماااااااان واليسر المقدم فيه وعقدوا حامل المسك من الجواز ههههه وعرفوه الفرق بين زمان ودلوقتي انا ابويا اتجوز امي بتكلفه 40 جنيه
دلوقتي المؤخر وصل ل100 الف جنيه يعني الواحد زمان كان اتجوز بيهم 100 مره وبقي شهريار زمااااااااانه

لا لا لا البصارة اكلة جميلة
والواحد بيني وبينك محروم منها
الزوجات دلوقتي ميعرفوش عنها
وبعدين البصارة دي ليها كذا طريقة وفيها اضافات
هيا فين بس البصارة يا حاج
الله يرحم زمان وايام زمان

الاستاز حمادة لفت انتباهي لحاجة جميلة خالص
الاواني اللي بنستخدمها دلوقتي طعم الاكل موش هوا بتاع زمان
جرب كدا واعمل شوية فول باللمون في طاجن وكل بالهنا والشفا تاكل وتحس الطعم
اما الاواني الستانليس والميلمين الطعم موش هوا
بس ملحوظة للاستاز حمادة
الشلولو من غير ليمون مينفعش يا باشا

ما بلاش موضوع الزواج ده يا حماده

انا بعاني منه ههههههههههههههه

انا عندي 6 اخوات بنات هههههههههههه

اتجوز نصهم ونصهم لسه

وانا اعرف ان الايام ديه العروسة بتجيب من ضمن الجهاز بتاعها

جهاز كومبيوتر ههههههههههههه

يا جماعة الشلولو احسن حاجه بالخل واللمون والتوم هههههههههههههههههه

والبصارة كويسة طبعا

بس انا متعب في الاكل ومش باكل اي حاجه

» فضل المنارة
» معا من أجل المنارة
» الى كل محبى المنارة
» طابع المنارة
» اين وردة المنارة ؟؟