مسابقة شعرية في الرباعيات لأعضاء المنارة

كرباج بيلسع قفانا كل طلعة شمس
ظُلْمَك ياحاكم بأمرك النهارده وأمس
إمتى غيومك تفارق بسمة السموات
تشرق وتفرح تغني وتستريح النفس

سألتك بالله ياخى ماتصحى جروحى
دى مش باقى لى فى الدنياغير روحى
عمرى كله راح منى على الفاضى
لاطبيب نفعنى ولانصفنى قاضى

ياصاحبى انت طبيب نفسك وجروحك
قوم الليل امام ربك واعرض جروحك
هيشفيك من كل همومك واى جروحك
واذكرالمختار وحط ايدك على جروحك

كونك يا شاعر وسيع مالو مقاس ولا حد
اطلق حصان القلم من غير لجام ولا سد
حبرك بحار المعاني بكافة الألوان
ورقك غيوم السما اكتب وزيد الرد

دايما بأحس أنك خايف أومكسور
كل همك فى الدنيا تعيش مستور
اصرخ ونادى بأعلى صوتك
هى أخرتها أيه يعنى غير موتك

كَنَكْ ما انت في البلد .. ومش عارف
لما الزمن يدور.. ويبهدل العارف
وآه.. لو كنتْ من أهل المصارف
تدي للي يسوا.. واللي مش عارف !!

فاكرياستاذنا زمان ..كان فيه دار المعارف
الطالب يتخرج كله ..ادراك ومعارف
والحين تعليم خاص ..ولا فيه تعليم ولامعارف
كيف نعلم عيالنا فى الخاص .. والله مانا عارف

فنارة دوارة في الشوارع وتقول
جرايد مجلات كتب هي فين ومين مسئول
مَسَحْوا القِرَاية والتعليم كمان مشلول
لا هو سامع ولا احنا بطلنا أكل الفول

لو كل الناس مثلك ادب وزوق
كان العالم اتغير وبقينا احنا فوق
يا استاذ صلاح يا صاحب الاحساس والزوق
انت شمس المنارة ودايماً شايفينك فوق

قسوة قلوب البشر حنضل وعلقم مُر
تقفل بيبان الرجا و تفتح بيبان الشر
أنا قلت ربي كريم يصلح لنا الأحوال
وينفتح حُضننا حُضن الصدف للدُّر

راح زمان الصبا والعمر عدا وراح
طال زمان الشيب ومنتظر له صباح
ياتري لو عدي الليل هيجي علينا صباح
ادعي وقول ياقادر من الهموم نرتاح

حبي تعالى نرجع الزمان انا وانت تاني
ال فى الاخرهيرجع الاول تاني
الدنيا دواره كل يوم فيها اول وتاني
خايف تطول ويصبح فيها كانى وماني

يا ليل سوادك بقا ف قلوبنا متغلغل
أصبحنا ياللأسف م الحق نتململ
الزيف مَلَك أرضنا ولبسنا ألف قناع
ورضينا إن الشيطان بقيوده نتكبل

ليلنا دايما طويل وسواده حالك
ونهارنا على طول متهالك
خليك فى حالك ياصاحبى
وسيب الملك للمالك

كفايه سواد دا الليل اصبح احلك من الاول
عيش بالامل الليل ينجلي ويبقى احسن من الاول
زود فى وردك واصحابك وخليهم اكتر من الاول
ربك بيفرج الكرب والسواد ينقلب بياض انصع من الاول

لـ فين واخدني يا بحر بموجك الغضبان
سفينتي في مَيِّتك سايرة بغير رُبان
وانا لا بارع ف فن العوم ولا بحار
ولا انتا ناوي تقرَّب ناحية الشطآن

ناديتك واستنيت أنك على ترد
االلى أبنيه فى سنة فى ثانية تهد
قلبى كان ليك دايما كتاب مفتوح
ماخدتش منك غير الحزن والجروح

حدددربك بالتقوى الشيطان امامك يجري
جدد الايمان بعروقك قبل الشيطان ميجري
واتعلم العوم وشد قلوعك قبل مالعمر يسري
وعد الزاد للسفر الطويل قبل مالعرض يسري

يرحم زمان الشهامة ونخوة الفرسان
والتضحية والكرامة وغيرة الجدعان
ياللي امتطيت الحصان وتحسب انك بطل
لو يوم يخاطبك يقول إنزل كفاية امتهان

نبينا وآل بيته هم القدوه ف التضحيه
لسانك حصانك ان علاك كنت الضحيه
وان حكمته الكل هيقوم يديك التحيه
الوطن ملك لينا ولا كان ف يوم تكيه

هو البخيل ممكن يوم عن بخله يتوب
مستحيل دى حتى أبنه من بعده ينوب
لازم يعلموا البخل بس حبة حبة
ماهو البخل طبع حتى فى المحبة

تحبنـى او متحبــنيش معــــدش تفـــــــــرق
حـــــدد موعـــــدك انت متى عنى تفـــارق
من مواقفك شـيبت شعرى حتــى المفــــارق
رغم ذلك قلبي يقول لا لا حبيبى لا تفــارق

قالت حبيبتي ف مرة أنتا أغلى الناس
وانتا اللي بتمدني بالحب والإحساس
أنا قلت إنتي عيوني اللي بشوف بيها
وإنتي روحي وإنتي الدم والأنفاس

سايق عليك النبى سيبنى انا فى حالى

الوجد كاوى مهجتى ولا انت مش دارى

ومين ينفع طبيب يعرف دوا العلة

ومين غيره حبيب يروينى وانشد له

هـــو فيه غير النبي طــــبيب يـــــــداوي
رحت لكــل الاطبه ملقيت غيره يـــداوي
انا جرحي بالداخل مينفعش فيه المكاوي
انت فى حبــه حريف وانا لســه هـــاوي

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى