مسابقة شعرية في الرباعيات لأعضاء المنارة

لينا رمضان هل هلاله..... ع سينا
عدت الايام والناس ...قالت نسينا
هبوا الرجال وقالوا... كلنا لسينا
دم البطل ف البال ...ممكن نسينا

أنسى زى الشهيد ودمه على الجبين عالى
ضحى بحياته عشان أعيش أنا وعيالى
دى مهما السنين عدت يفضل عالقلب غالى
فدا نقطة دم نزلت من الشهيد ارضى ومالى

يادم الشهيد ........ريحتك فايحه
ام البطل ........ماتعرف النايحه
الابطال كتير... وانت اول اللايحه
رفعت اسم مصر ..فى كل ناحيه

هلت ليالى الفرح واليوم انا سعيد
اليوم دى نكتبه يوم فرح يوم عيد
اليوم يومك افرح يا ابو الشهيد
اليوم ذكرى حرب أكتوبر المجيد

دم الشهيد غالى على أصحابه
ومين صاحبه غيرنا أحنا احبابه
دى علشان نعيش صابه اللى صابه
ضحى بحياته بدل مايكتب كتابه

هذا انا اليوم اهني..... بالنصر وللفرح اشواق

عزيز علينا النصر............ولسينا انا مشتاق

ضحي الشهيد البطل عشان نتجمع بدون لفراق

تحيه في عيده مننا..... للي بني المجد راق راق

قبر الشهيد ..............قبله لليتعلم
ناس كتير عايشه . من غير متتعلم
هو المثل للتضحيه من غير ميتكلم
هو حي ف قبره ....وعليك بيسلم

[ندعوك للتسجيل في المنتدى أو التعريف بنفسك لمعاينة هذه الصورة]

مرفوع عَلم مصر يوم النصر والعزة
يوم ستة ف الشهر وبأبطالها معتزة
يا مصر إحنا جنودك جبنا ليكي النصر
وهيكتمل نصرنا ف القدس وف غزة

تحيه لابطال ......النصر وزياده
مصر فوق الجميع ..وليها الرياده
مصرتنحاز لامتها مش ع الحياده
زعيط ومعيط ينافسوها ع القياده

هنا وفى المكان ده روى الشهيد أرضها بدمه
سال دم الشهيد وسالت معاه دموع امه
ضحى بحياته علشان تراب بلده ولا همه
الى جنان الخلد يامن مات فى صغر سنه

هايل ياسعيد

طيب خد دي
........

مصر تستاهل نضحي بالرخيص والغالي علشانها

نحفظ ترابها الحر ويظل العطاء موفور لنا في نيلها

والحر مايقبل مذله... ويهون العمر والنفس علشانها

وعشانها ناكل حصي... بس ترجع وتعود لامجادها

انا من صغر سني...... احب الارض وترابها

واعشق عيون بلدي.......... واتغني بامجادها

ان كان حب الوطن تهمه....... تتلفق لاولاها

مذنب انا ومعترف وللمحكمه واقف علي بابها

اجيبك منين يازمان......... مكنت قاعد ومداري

حافظ كرامتي ونفسي..... وعلي بيتي انا مداري

جاتنا منين المصايب.... وللموت انا بقيت شاري

اهو برضه ستره من العيوب ومين للعيوب داري

أحنا منقدرش على كده ياصقر:
يابلد نادى بأعلى صوتك نادى على الولد
صوت الحق فين وفينكم ياولاد البلد
راح مننا القلب وراح معاه الكبد
راح مع اللى كان هيفضلك سند

دا ياما ناس ماتت وناس عايشين

لكن موتة الشهداء يارب اجيبها منين

يا شهيد افرح وغنى وبشر المناضلين

بجنة الرحمن ومعيشه مع الخالدين

راحو ولاد كتير...............لكن كتير موجود

متزعلش ع اللي راح.......البركه في الموجود

خيرة جنود الارض .....قالها رسول ربنا العبود

هونها وتهون ياولدي مسير الليالي والاحبه تعود

المساهمتين دخلوا في وقت واحد

ماشي

نبتدي من زهره

يلا ياسعيد

دموع الحزن دى ولادموع الفرح
دموع النصر دى ولادموع الجرح
على يابنى فى البنا على كمان الصرح
صعب تعرف قيمتها وصعب عليك الشرح

لا انا كده مش عارف أبدا منين ولامنين

ولايهمك
........

هقول كلام زين ....يمكن للحروف معني

ولايهمك ياولدي كل شئ وله عندنا معني

دم الشهيد غالي وليه... عند الكريم معني

المعني مش في الشهيد.. لكن مين هيسمعنا

انا اللى اتسرق منى ابنى
من غير مايلحق حتى يبنى
دى الشهيد بالروح والدم يفنى
وناس تيجى على الجاهز تجنى

ياللى أنتوا فى العسل نايمين
هو الشهيد ضحى بحياته لمين
ضيع عمره وشبابه واحلى السنين
الظاهر كده على ناس مش مستاهلين

نادى على الشهيد.... يسمعنا
ضحيت لجل شيئ ..ليه معنا
حب الوطن انا ..وانت يجمعنا
انت سبقتنى والجنه ...تجمعنا

أحس دايما انه أعلى منى
الموضوع مش سنه ولا سنى
البلد أخدت عمره واخدت ايه منى
فرق كبير بين اللى يهد واللى يبنى

يارب اموت شهيد ............. للدين الحق
والشهادة وسام ما يمنح ........الا لليستحق
يابن الشهيد رعايتك من.......... الكل احق
ابوك مات من اجل الوطن ودى شهادة حق

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى