مسابقة شعرية في الرباعيات لأعضاء المنارة

يا اللى هويت النبى قوللى انا على الحال

يا اللى رايت النبى اوصفلى قمر الليال

هو صحيح طلته فى القلب بتعمر

والروح تبلغ مناها وفى السما تنور

روحوا للحبيب وصلوا سلامي
نبي الله محمد أحلى الأسامي
اوعوا تقولوا الشعر ده منقول
الشعر ده والله من كلامي

يامشتاق للنبي بعينك بالمنام تشوفه
طبق سنته وهديه فى حياتك تشوفه
ام المؤمنين سئلوها عنه وهى تشوفه
قالت كان قرأن يمشى والناس تشوفه

هو حبيبى ومن حبيبى سواه
القلب يعشقه والعين تطمع فى رؤياه
محبته عليناهى واجب وفرض
نرجو شفاعته يوم العرض

ضبع أبو العارف أبو سعيد
عائلة تحب الرسول أكيد
كلهم نفسهم منه الشفاعة
وعندهم شوق للقياه شديد

دى مين اللى يعرف حبيبى وما يحبوش
دى أحنا كلنا من غيره مانسووش
هوالشفيع والحبيب لكل مسلم
هو النوروالهدى لكل قلبِ مظلم

مرن نفسك ع الشعر قبل ماتقوله
تعلم نظمه وقوافيه وكمان بحوره
الشعر معنى مش كلاما" تخوره
عليك بالقرأن وتليه سوره سوره

هات من كنوزك كمان هات وما تبخل
طلع اللي عندك والباقي اكيد اجمل
شعرك بيدور جواك وليه علينا بتبخل
ياللي غاوي الجمال علمنا نكون اجمل

لو اراد ربك كل الكنوز تطلع
كل شيء مكتوب ول جوه يطلع
حافظ يوم قالوا يوم طلعة المطلع
ربك بعثه عشان القمر يسطع ونطلع

علمك سابق كلامك وافعالك
هات اللي عندك وقول هنيالك
اتعلم منك وافرح والعيون داعيالك
ربك يطرح البركه فيك وفي عيالك

كل التعب راح لما الطبيب جانــــي
كشف الطبيب على طلع هو الجاني
كتب العلاج وقال لازم تكرره تاني
محمد هو طبيبك مفيش طبيب تاني

يا ناس يا هو وين الجمال ألقاه
واملّي عيني بنور النبي ولا أنساه
طبيبي قالي روح للكتاب كتر من تِلاه
دا احسن م الحسن جد الحسن محلاه

هانت عليا الهموم من كتر مَراعيني

"حمادة" قال لي كلام حلو وبالسيني

لو اقدر أجيب له ورد بطبق صيني

واقول له "شحات" لكن دايما بتديني

ياحج ايه الجمال ده وللكلام اشعار

كلامك كله حكم كالعزف ع الاوتار

حماده ده عشقي وقلبي عليه بيغار

لكن ..سماح مني ..لانك كبير الدار

ريحتك انا من الرد ياحماده

عمنا قال كلام شعللني بزياده

قلت ارد القلم فيه حبر وزياده

ماقدرش اسكت لما تغيب كالعاده

هداري الحب والغيره ياعمي صلاح نجار

انت الاساس في القول والقلب مني احتار

خايف علي شمعتي من عين حسود جبار

لكن معاك ماختلف لو تكوي قلبي النار

ريحت بالي من الهموم والتعب كله

من شال الهموم يشوف ف النعيم زله

خليك حكيم وانسي ا لاسيه والوحش كله

من راقب الناس شاف ف المنام زله

هانت عليك الموده .....وقدرت تنساني

دنا عمري مانسيتك ..حتي في احزاني

حرمت عليك دنيتي .ومشوف عنيك تاني

وربنا موجود قادر يجيب لي حبيب تاني

يا حماده انت فين تسمع كلام لكبار

دا انا لو مكانك ارش حجر الدر

وافرش ورود الامانى والامانى كتار

واقول حبايبى اتفضلوا قلبى مولع نار

ربيــع العمــر عــده وانا منتظر لقيــــــاه
والعم صلاح النجارشـاهد علـى فرقـــــاه
زهرة وابو جمال يصبروا علـى فرقــــاه
حماده يستاهل لو العمر عدا منتظر لقياه

هعيد ذكرالحبيب تاني لاجـــل القلب مايسلاه
عاشــق انا للترحال ابحث عــن شبيه لحــلاه
العين شافت حلوين واللسان قال مامثل حلاه
دمـوع القلـب جـرت وانا منتظـر رجعــــــاه

هات ياطبيب الدوا اعالج بيه جروحي
كلام عمي وحبيبي صلاح حيا فيا روحي
كلامك دوا منتا الطبيب لجروحي
لما تغيب عني بتروح معاك روحي

يارب سبحانك انت العالم بحالي
ياعم عبدالفتاح ليك في قلبي مقام عالي
عمي وحبيبي واستاذي وراس مالي
حبك ياغالي عدا الوصف وخيالي

يازهرتنا يانوارة المنارة
ريحك الطيب موجود في كل شارع وكل حارة
دايما بتدي ومش محتاجه تشوفي الامارة
ريحك الطيب موجود ومعطر كل المناره

هات ياحبيبي العود وغنيلي
عمي اسامه حبيبي ونور عيني
شافك القلب وسكنت فيه قبل ماتراك عيني
يارب تجمعنا وبعمي اسامة تلاقيني

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى