مسابقة شعرية في الرباعيات لأعضاء المنارة

ياناجح...... في كل الصفات واشكالها

نورت القصيد....... بالعبارات والوانها

طبع الوفا فيك..... يضئ القلب انوارها

ومحبتك في القلب عندي انا مقدر انكرها

ابو جمال يسرنى لو بتليفونك تمدنى
عايز اكون قريب منك اودك وتودنى
يزيدنا شرفا انك الى دشنا تنتمى
انتظر ردك لانه سوف يسرنى

ياكل اعمامي وخلاني تحية من القلب ولساني
يدور الزمان ويلف وارجع لكم هنا تاني
عبدالفتاح عمي وحبيبي واسامه اسمه حلو في لساني
تغربنا الغرورة ومسيرها تجمعنا في دشنا من تاني

ياناجح التليفون عندك من امبارح

روح للرسايل وانت تشوف انا شارح

طلبك علي العين ارسلته وليه سارح

طلباتك اوامر يا اسير الحب ياجارح

حبيب القلب ليه باعني وانا شاري
ادور عليه وليه ولحبه انا شاري
قلب حياتي وصبح ليلي يشبه نهاري
يارب خلصني انا منه وارتاح منه واعيش خالي

ياخوفى الايام تطول والغربه تسرقنا
واحنا متغربين لا شايفين اهلنا ولا اولادنا
كل ما اقول خلاص هانت وجا اليوم الى يجمعنا
الاقى اليوم بيزيد وكانه متعمد يفرقنا

ادعي الله وقول يارب يجمعنا
فراق الحبايب صعب والبعد يوجعنا
تعود بالسلامه ياسير والعم عبدالفتاح في بيته يجمعنا
نشرب معاه الشاي ونسمع كلام صاحب الدار وله معنا

اعزم ياناجح واقول خلاص .. . الاسعار ترجعنا
بفكر ف مشروع ... وخايف الضرايب تجوعنا
بعد العمر ماراح ... اكيد الايام هترجعنا
سنين العمر عدت ... ولكن بدون معنا

اهلا وسهلا بيكم تنوروا الدار وما انا ناسي

علي الاقل تنوروا فاو.. واوريكم كمان ناسي

افرح برؤياكم في الصباح او حتي في اماسي

بيت الكرم محترم .......واشيلكم علي راسي

ياناجح اسكت ..كل غياب وليه اخر

متزعلش م الغربه اصل العبره بالاخر

هونها وتهون ياولدي ....وللكلام اخر

مايصبر الا الجدع ...ملناش بديل اخر

راحت فين السنين يا اسامه وشهورها وايامها

ماهي لجل ...... حياه احلي والزوجه وعيالها

سمة الحياه...... من يوم راينا الدنيا واشغالها

رساله لازم توصلها..... لكل العيال واحفادها

ابنى ابنك ولا تبنيش لابنك
انت ليك عمرك وعمر لابنك
العيال راس مالك مش فلوس بنك
كتير معاها فلوس بس عايش دنك

كنوز الدنيا ماتنفع لو ضاع اهلك
شباب بدون توعيه احتمال تهلك
وجودك معاهم ينجيهم من اهلك
نصيحه ارجع وعيش وسط اهلك

كل كلامى خواطر .............. لا امر واقع
نضحي من اجل ................م نغير الواقع
عيالنا اكبادنا نخاف عليهم من الهوا الصاقــع
نحترق ليهم لاجل ما يحملوا المشعل الساطع

عودى يا ايام الوداد عودى

من يوم ما غبتى كسرت انا عودى

ندر على ان رجعتى وصفحتى

لاغزل تواب الأمل واطرزها بورودى

يالي ماعليك ف الغرامة ....اغزلى بعودي
هيجي اليوم وفكرك ...........ا نا بعهودي
هتصبح الايام زكرى ......وغنيها بعـودي
ايام الفراق راحت واستحلفك بالله لا تعودي

كلامك غريب يا اسامه ماني قادر للكلام اسمع

مرة تقول ولادنا ............ومرة تقول ارجع

ياخيٍٍٍ ايه العمل؟ ريحني ولمشورنك انا هسمع

واللي ما يشاور...... علي طول الزمان يوقع

علوا شويه الصوت سمعي تراه علي كده

اغزلوا تواب المحبه بس تكون علي كده

وزينوها بالعفاف وحطوا الورد علي خده

واللي يحبه النبي.... مين في الزمان كده

هداري شموع الفرح .......خايف من الحاسدين

فيهم كتير انجرح..........بس احنا مش ناقصين

عين الحسود دايماغرورة و تخلي الكتار ناقصين

خلينا في الفرح وشموعنا...وبعيد عن الحاقدين

نايم ما شوفت النوم ولا التقته عينى

ينام خلى البال وانا مين يداوينى

القلب مجروح وعاشق حرم عليه النوم

ما كفايا لوم يا اخوانا سهران اعد النجوم

مشيت فوق الذهب مغروره باللى معايا

لقيت اللى أغنى منى هو اللى يملك هواى

عفريت خطف عرش قلبى وفر بيه ما دريته

سافر بلاد وبلاد وحطه عند اللى هويته

هوكده طبع العشق يدوب قلوب العاشقين
الناس تنام الليل ويفضل اهل العشق سهرانين
ياللى أبتليت بالعشق تشكى بلاك لمين
ماأنت وحدك سهران والكل نايمين

نايم واحلم انا واصحي على الواقع
عايش كبوس انا واللون بقى فاقع
من صدمتى افوق وارجع انا واقع
احلم ياصاحبي وال اعيش الواقع

عودت من السفر فى شوق للاهل واللمة
شفت الاب والام والخاله العمة
عشت يومين وسطيهم كانى فى الجنة
وساعة السفر قلت امتى تنجلى الغمة

ترددت اعرض على الخلان حالى
اشوف عندهم دوا غالى
المهم اعود ولو خدوا مالى
صعب الفراق والالم صالى

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى