مسابقة شعرية في الرباعيات لأعضاء المنارة

ياللي انت غاوي الصحاب صاحب رجال يابلاش
تصاحب راجل تعيش راجل تموت راجل يابلاش
شوفت الحبايب شالوا نايبي وانا غايب
قلت يارب يا اكون معاهم يابلاش والعين عن الحاجب متعلاش

ياما تشوف اشخاص وياما حاتقابل

لكن فى المناره هنا الحر بتقابل

ودى فرصه عظيمه للى يريد الماس

فيه ناس هنا أصيلة عظيمة الاحساس

سبقتونى دول عمــــام الكـــل متنساشى
حبهـم مكتــوب طالما النفـــس ماشـــــي
كلهم ادب والعين ع الحاجب متعلاشــي
ابو عبدالشافى المنارة عنه متستغناشى

*********************

سبقتنى ياحماده بالمشاركة
وهناك تطابق فكري فى البيت الثالث
وكذلك زهره تم تعديل الحرف الاول مرتين

ساكن في قلبي الشوق وراميني [ ورا مني ]
وعمايل الاندال راميها انا ورا مني
ولاد الاصول في المنارة كتار والادب يازهرة في البيوت اسرار
رجال المنارة يازهرة والله اكرم ناس لوغبت عنهم بيدوروا ورا مني

ياللي انت علي البر ايه رجعك تاني
تطلب ودادي وتعيد العشره من تاني
اللي جاني منك ياجميل كفاني
ياابو غيداء هات الشعر وقوله ورايا من تاني

يوم معرفتك كان اجمل الايام
يا اسامه وليك في القلب مقام
العين بتتمني رؤياكم والقلب لحبكم عطشان
يارب تعود سلامات وتزهزه الايام

مدحت طول الليل في حبك يانبي
زيارتك املي ومنايا ومطلبي
يارب لبي رغبتي واكرمني بزيارة النبي
اطوف البيت واقول لبيك واصلي في مسجد محمد النبي

بحبك يامحمد تشفي القلوب
صلي عليك الله ياساكن كل القلوب
زيارتك يانبي هو املي المطلوب
يارب تجمعنا في حب النبي المحبوب

بحب النبى الغالى والمدح يحلالى

ياللى هويت النبى بالوصل عقبالى

أمانه يا ساكنى المدينه وصلوا سلامى
طه محمد نبينا فى القلوب غالى

يارايحين للنبي الغالي
هنيالكم وعقبالي
زيارتك يانبي هي قصدي ومطلبي
ادعولي ازورة واشكي له حالي

ياحماده مكانك مع الشعار مش المعمار
كلامــك احاسيس وقلبك مليـــان عمــار
اكيد بتخاف على عمـــالك من المسـمار
ارسم وخطط لمصر وعلى فى المعمار

رحت زرت النبي سبعه وطمعان ازيد
لو رحت مره مــن النفحات تحب تزيد
خد معاك احبابك اكيـد فــرحتك هتزيد
وهناك صلى على النبي وكــرر وعيد

دعيت لاحبابى يزوروا ويلبوا
وبالبيت العتيق يطوفوا ويحجوا
وبالصفا والمروه يسرعوا ويهدوا
ويوم العيد يتم الفرح وبهديهم يهدوا

احب انا النبي الزين........ واحب انا ازوره

واخدكم معاي صحبه......... للاسلام وجذوره

الشعر ماهو كلام........ دا له تعابيره وبحوره

انا مادرسته لكن عشانكم غويت البحر وعبوره

هونها يا اسامه تهون لفعال وعمايلها

مسيرنا مانلتقي والايام بينا وبينا تعاليلها

طويل الطريق لكن مصر ناوي انا جيلها

واشوفك بعيني واخلي الروح للروح تناديلها

ابوجمال هتروح عند الحبيب وتزوره
المدينه منبع الاسلام وفيها ثبت جزوره
من امام الروضه هسلم وتشوف نوره
ابوبكر وعمر معاه وبيهم ثبت ظهوره

هنسي كلام العزول واقول للعين انسيهم

كلامك زين لكن الغوالي عاوزين نحميهم

احضن صورهم في قلبي ....واشد اياديهم

هما الوصال للروح وما بطل الفلب يناجيهم

مشكور ابو شحات... ع الرد وكلامه

رتب كلام زين ما هو ده الفنان وعلامه

والحر مهما تعب بينسي الخسيس وافعاله

دي نظرتي فيك تعدل المعووج ونظامه

هي ام شروق....... دخلت علي الخط ياجماعه؟

اصلي سمعت كلام موزون.. يسر النفس بقناعه

دايما كده هيا ........تجينا في المواضيع كالساعه

مشكوره ع الكلام الزين لكن كلام الناس شماعه

هعلن الانسحاب بالزوق ياجماعه
ابو جمال اعلن الحرب بزراعه
مين ينافس ابو جمال ويوصل لباعه
يكتب شعر بضمير وعمره مباعه

هدي شويه الامور........ياعم الكل يا اسامه

بقول انا مادرست الشعر.... وبحوره وعلامه

لكن انت اختصاص....... في الشعر ونظامه

اروح فين انا فبو غيداء فارس الخيل ولجامه

هذا تواضع العلم ... وانتم اصحابه
انت من فحول الشعر ... وتعرف انسابه
الكل يحب كلامك ... وانا من احبابه
انتم من كرام الناس .. والكل على بابه

هسكت وانا بسمع .........كلام الناس وفنونها

كلامك حلو...... ابو غيداء والحلوين يغنولها

مهوش تواضع... ولكن دي الحقيقه واصولها

وان كان لابد...لازم تعلمني القوافي بكواملها

اسمع لصوت الصمت من كتر السكون وهديانه

تعبت انادي عليكم بصوتي.... لماالدم زاد غليانه

الندل مهما علي.... لا زاد عن الثور في هيجانه

ورد الاحبة فين ؟... بيطربني زي الفن والحانه

هنا فى المناره عرفتك وعرفتنى
كنت الاخ والصديق وبالنصيحه تمدنى
الحب فى الله دايم يشدك لى ويشدنى
نفس الشعور دايم اودك وتودنى

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى