مسابقة شعرية في الرباعيات لأعضاء المنارة

بحكم الزمان انا راضي وساكت
غصب عني لانه حكم المولي يأتيني وانا ساكت
روحت ازورك يانبي نزلت دموعي وانا ساكت
اقبل زيارتي واجعلني يارب البي الطلب وانا فرحان ومش ساكت

تبرهن على حبك .... بالعمل جاهد
الكلام كتير بس ..... فين ال بيجاهد
صبر النفس وانت ..فى الهوا الصاهد
تموت على السنه ...تكتب كدا تعاهد

ايه ياحمادة أنت عيد الميلاد أثر عليك ولا أيه .رتم أيه اللى بتقول عليه أهم حاجة تبدأ من أخر حرف وخلاص .

لا يانجم تابع كل الابيات هتلاقيها ماشيه بنفس الرتم نهايه القافية ياريس هههه
انا لسه بعقلي وصاحي يانجمنا الواضح
شوف عمنا اسامه كده كأخر مساهمه وانت تعرف

دليلي احتار وانا بدور وانادي
طلع صوت القلب اعلي من صوت المنادي
كلنا بنحبك ونصلي علي النبي الهادي
يارب يكرمنا وازورك يانبي وامتع فؤادي

طيب أرجع انت للمسابقة من أولها وشوف ورد على ياعبقرينوو

اعمل اللي يعجبك انا مش هسلك معاك يارشيق ههههههه اللي شايفه اعمله انا حاولت اغششك يلا انت حر هههههه
انت اهلاوي وتستاهل اللي يجري ليك

يوم دمعتى تنزل وانا ....... بالروضه جالس
تذكرت ذنوب كتير عملتها... .وانا واقف وجالس
لاترفع الصوت ..وانت ماشي .. وانت جالس

عوض م فاتك بالذكر ...........والمجالس

علي فكرة مش بس سعيد اللي بيعمل كده

زهره كمان بتعمل كده

انا كنت عاوز اتكلم من اول امبارح ع الموضوع ده

وبعدين سكت...قلت انت ضيف عليهم

وهما اللي بداوا الموضوع

اجي في اخرها واعدل عليهم؟؟؟؟؟؟؟

كلامك صح ياحماده

صحصح ياسعيد انت وزهره
..............

سامحنى يا حبيبى ان كنت انا قصرت

هى الليالى اتغيرت ولا انا اللى اتغيرت

حيره ودواها ما القاهوش غير عندك

ياللى هديت القلوب وباذن من ربك

لا يا جماعة دا شعر عامية مش فصحى

المهم يكون الكلام موزون

حتى وان لم يقفل بالحرف الآخير فى الشطرة الاولى

ولا استعير لكم شعر بيرم تشوفوه

ياصقرنا لسه بتنادي وزهرة ولاهي هي هنا ههههههههه
اتكلم لو شفت حاجه قول ياعمنا انت كبيرنا وعمنا مش عيب وبعدين ايه حكاية ضيف انت صاحبمكان والله

أستاذى صقر المنارة شوف شروط المسابقة وشوف أنا وأم شروق منطبقة علينا الشروط ولا لا وماتصدقش حمادة علشان النهاردة معذور

والنعمة انتم مش معانا خالص
اسألو الاستاذ علي عبدالله لاني سألته قبل ما اتكلم وانا صح انتم نايمين يارجاله ههههههههه

سألته عن أيه بالضبط .أنا اللى فهمته أنه الرباعية السابقة لى يعنى مثلا رباعية حمادة أبدا انا رباعيتى بأخر حرف انتهى عنده حمادة وأسأل الأستاذ على على الموضوع ده .بس أسال كويس

سيبه يا سعيد
النهارده عيد ميلاده خليه يروح يطفى الشمع

حظك كويس النهارده يا عبقرينوو
علشان النهارده مش فايقه لك

آدى يا فيلسوف نمازج من رباعيات الاستاذ على عبد الله

أنا من زمان مرتحل والآهة زوادي

صورتك يا حزن وأمل مرسومة بفؤادي

لو كان منايا اكتمل ما كنت يوم سبتك

ومشيت طريق اتعمل علشاني جلادي

كسر الصراخ صوت السكات وانفجر

والظـلم لملم جنوده وانهزم واندحر

يا شعب ياللي السكات كاتم على انفاسك

هييجي يوم تقدر تزيل الحجر

نزل المطر غسل الشجر ف الشتا
فرح الشجر ضم الطيور البردانين
شجرة فؤادي بحزنها ليه ملفتة
مع إن ليها كتير كتير عاشقين ؟

كل الطيور رفرفت جوا الفضا العالي
وانا طير حبيس القفص أيام وليالي
أصدح وكل اللي يسمع يحسب اني سعيد
ولو عرف بلوتي يبكي على حالي

نقول كمان ولا فهمت

ليه كده بس يا أم شروق كنا عايزين نكمل مع عبقرينووو النهاردة ليه بس بتجيبى المفيد وتلخصى بدرى كده .دى النهاردة عيد ميلاده ولازم نحتفل بيه .اصحى يا زملكاوى.

يبقيي الحق عليكم مش عليا هههههه
اقول سلام اروح بقي اطفي الشمع بس سؤال غبي معلش استحملوه اطفيه علي الساعه القديمة ولا الساعه الجديده ؟؟
هههههههههههههههههههههههههه
كل سنه وانتم طيبين يا اجمل اخوات في الدنيا

كل سنه وانت غلباوى
وفيلسوف
وكنت حاتاخد ابو جمال فى طريقك
لكن ربنا ستر

تحب اجيبلك هدايا تانى لجهازك
تخليك تقعد يومين تخبط فيه ما ينطقش

هههههههههههههه
لا كفايا المناخير تعبتني جدا ههههه
المهم ردي علي السؤال الغبي اللي انا سألته لوعندك اجابه

انا مش معاكم طبعا

ايه ياحماده قوام رفعت الرايه البيضا؟؟

يازهره رباعيات الاستاذ علي لو دققتي فيها تلاقي ثلاث شطرات منتهيه بنفس القافيه

الاولي والتانيه والرابعه

وعدم وجود القافيه المشابهه في التالته لان فيه معني عاوز يقوله حتي يكتمل المعني

لباقي الاربع شطرات مجتمعه

لكن انتي وسعيد بتجيبوا كل شطرتين بقافيه واحده

احنا مش مختلفين علي حرف البدايه لا

لكن الخلاف علي انه الاربع شطرات لازم يكونوا بقافيه واحده

واذا لزم الامر يكون استئناء للشطره التالته فقط لتوضيح معني معين لا تكتمل الشطرات

مجتمعه الا به.....هذه هي نقطة الخلاف

طيب ايه الاجمل؟؟ نهايه واحده للاربع شطرات

ام نهايتين؟؟؟؟؟؟؟؟؟

مين اللي تكون فيهم الموسيقي الشعريه اجمل؟؟؟

انا مش عاوز اتكلم عن حاجات تاني موجوده في المسابقه

زي مثلا.....شطره طولها خمس كلمات واللي بعدها كلمتين

تحاول تقراهم بطريقه القاء الشعر تلاقي نفسك اصبحت زي

اللي دخل من الباب وفجاه نط من الشباك بدون ماحد يكلمه

ياعم انت زعلان ليه بس؟؟؟.....لا هو كده

فيه شطرات قصيره واخري طويله لكن حين تقراهم

تجد موسيقي في الموضوع يعني مش كله زي بعضه

وبلاش راي انا....شوفوا مشاركات الاستاذ/ صلاح النجار

هتلاقوا الاربع شطرات قافيه واحده

وبعدين احنا مش في شروط المسابقه تنطبق او لا تنطبق

احنا في جماليات الشعر ايه المفروض يكون وايه مايكونش

اطلت عليكم وشكرا لكم

ويا زهره ...يا سعيد....الراجل مكانش هياخدني في تياره

انا قلت انه من اول امبارح بدات الاحظ الموضوع ده بس محبيتش اتكلم

اي منذ مشاركاتي معكم فقط...لاني مرجعتش للمشاركات الاولي

....................

كمان لو لاحظتي الاستاذ علي هنا

علشان متتحججوش بالراجل

...........

نزل المطر غسل الشجر ف الشتا
فرح الشجر ضم الطيور البردانين
شجرة فؤادي بحزنها ليه ملفتة
مع إن ليها كتير كتير عاشقين ؟

دول عبارة عن بيتين من الشعر موزونين بقافيه واجده

لو كتبوا بطريقة كل شطره مقابلها شطره اخري

..................

طيب نشوف دول لسعيد مثلا

هل ينطبق عليهم ما قلناه في ابيات الاستاذ علي

حمولى تقيلة وزيارته مطلبى
أعشق رسولك وصلى على النبى
حلمنا رضا ربنا وحب الحبيب
دى حب النبى هو الدوا وهو الطبيب

طبعا مينفعش لان دول كل شطره فيهم بيت شعر لحاله

وفي الاخر ليهم قافيتين مش قافيه واحده
..........................

نشوف دول كمان

دايم وصاله دوم فى قليبى

دا هو حبيبى وهو طبيبى

ومين غيره فى القلب يطفى لهيبى

طه المكمل زين الملاح أكمل

الشطره الرابعه ضيعت الموسيقي الموجوده في الثلاثه اللي قبلها

............................

طيب اشمعني دول يا زهره اربعه زي بعض؟؟

نشوف

يا اللى هويت القمر سلم لى على الغالى

ندر على ان شوفته لابيع اهلى وخلانى

هو حبيبى وطبيبى ومدحه يحلالى

ومين ليا طبيب يداوى لى أحوالى
...............................

شفتي الجمال والتناغم والحلاوه بتاعة الشطرات كلها

شايف ياعم سعيد؟؟

هذا هو المقصود من كل ماسبق من حماده او مني انا

اقول كمان؟؟؟
................

وهذا راي واهل الشعر ادري واعلم.........

كلام كتير قلتم .....وليه معنى
الكلام موزون ....وليه معنى
وجودى معاكم ملهوش معنى
كلامك جميل واكيد انا المعني

ياصاحبي خليك خل لخوانك
لسانك عفيف وعمره مخانك
دايم مع الحق واقف بمكانك
قلبك نظيف باين على لسانك

كتر الكلام ينسينا والشعر إحساس يِرَضِّينا

والوزن يلزم كلام حلو فيكم ومين فينا

يقدر يقول قولكم دا هو ليكم ومش لينا

يا خِلّي هي كلمة ف القلب يمكن تصحينا

أشكر حبايبي وخِلاّني زهرة وحمادة والشافي

أسامة منه الفضل من أصله أبوه علمني بالكافِ

وكذا بالنون والشَكْلَة ودارت حروفي ولحافي

ومين يفهم يودي الفضل لصحابه وبالشد والقافِ

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى