مسابقة شعرية في الرباعيات لأعضاء المنارة

يارب كل من له حبيب ما يتحرم منه
يفضل علي طول الزمان ضاحك كدا سنه
يارب شيل منه الالم واتحمله انا بدل منه
اصله الحبيب الغالي ويرضيني شيل همه

هانت عليك الليالي والعشره............ وحنينها

كنت الامان ليك من غدر الايام........ وسنينها

وبشخطة قلم شطبت الحروف مني ....ومحيتها

ادعي ربنا يوريك معاملة غيريوتذوق.. ..مزلتها

اضحك وانا قلبي حزين وشايل كدا منك
تلوم عليا ليه وايه اللي خدتوا انا منك
كان كل املي اشوفك حبيبي ضاحك كدا سنك
بشوفك بعيوني قمر وكل الخلايق تغير منك

كويت القلب باشعارك....وسقيتني الشهد من ايدك

كل ما جيت ارد الجميل..يغلبني الكلام واقول سيبك

خليه ليوم اللقا....يحلا الكلام فيه ويكون يوم عيدك

واحقق الحلم القديم.... واحط جمايلي كلها ف جيدك

كويت انت قلبي بمحلي القول وكلامك
ياريت يجي اليوم والقي نفسي قدامك
كلامك الحلو دايما تلاقيه سابق افعالك
ادعي ربنا يتم اللقا وتكون الناس خدامك
مع ضم الدال

كلامك زين وعجبني........لكن للقا سكرات

زي الحبيب ماجفي.......وترك للحبيب اهات

يداوي جروح المحب.......بالنجوي والانات

خوفي ماتسمع كلامي..واضيع انا ف لحظات

تشيكل الكلمه ....... عند العرب عيب
العربي فى اللغه ........حريف ولعيب
الكلمه واحده فيها ......فنون والاعيب
كل حاجه منك حلوه عشان انت حبيب

بلاش تنسى أنه كان لك حبيب
وأن العيار اللى يدوش ممكن يصيب
وأن الشعر الأسود ممكن يشيب
وأن شمسك هيجى يوم راح تغيب

بقولها بعلو صوتى واسمعها ياعمنا
النكد دى بلوة كبيرة وهتزود همنا
مش هيفيدنا منه غير أنه يقصر عمرنا
فرفش وانسى همومك وسلمها لربنا

الصديق الحق .......يبينلك طريقك
ان خالف كده .......شيله من فريقك
يزيل عنك ضرر.حتى يزداد بريقك
وان اصابه ضرر عليه ينشف ريقك

كلام جميل وأكيد هيكون عندنا مسموع
طالما مافيهوش ضرر وكمان مش ممنوع
أهم حاجة يكون ماشى فى ايطار الموضوع
وأنت ولا يهمك دى احنا نخلى ايدينا لك شموع

عندي من الكلام الحلو.... الفين كلمه وزياده

الشكر للرحمن.... عمري ماحب النكد وعناده

احب الهدوء والفرفشه .... بدون كلام وزياده

ولوهقولك كلام زين.. مايكفيني يومين وزياده

هو ده الكلام اللى نحب نسمعه
مين يقدر يفرق اللى الحب جمعه
لو النكد يوم جالك وراظهرك أطرحه
لوحاول يرذل عليك غيظه انت وفرحه

هوالسبع يستحمل اسي الايام...... يمشي مع الوقت ولا يشكي من الايام

ويقابل الضيف بالوجه البشوش ايام..... ويكرم الضيف بالمعروف ميملش مع الايام

يكون له حبيب وصاحب ...... واخ ومنه ومن افعاله مفيش كلمه نعاتب الايام

لو جاتله كلمه ومن غير بال ميملش .....السبع ما يملش لو حكمت عليه الايام

ماهوده طبع الأصيل اللى مايهده الزمان
يعرف حدود ربه وقلبه معمور بالأيمان
اصحى وصحى قلبك وحد ربك يا أنسان
وخليك دايما عارف ان ربك رحيم رحمن

نورك زاد ......وزداد ضياه
كلام جميل ..لاامل من ذكراه
نعم الاصحاب ....ودا بمبتغاه
خل وفي.... يحلى مر الحياه[i]

هوده الحب اللى نعرفه ونتمناه
دى زى العسل فى طعمه وفى شفاه
واللى ليه حبيب مستحيل يوم ينساه
حتى لوضاع منه هيجى يوم يلقاه

هنبدي القول ونعيد من تاني

أجمل ما فيكم الرد ف ثواني

دي الصحبة حلوة وعجباني

يا "علي" خليها ولا تواني

مع حفظ الألقاب .

ياللى كلامكم على قلوبنا عسل
وكل اشعاركم نحس انها غزل
قالوها وصدقوا زمان فى المثل
أشترى لك كبير وسيبك من الدجل

ليك اسم .......يحترمه الكل
اسم علم بين الناس ......ذى الفل
بنو النجار بركاتهم ...علينا تحل
خوال النبي هلاله من عنديهم هل

لقيت الود بصحابه ومن هناي موصول

لما الهوى يميل ويطربني وبالأرغول

أقول مراحشي الخير والرضا مشمول

لكل المنارة ودايما لكم في القلب ده نور

آسف على آخر القافية

روحي فداه والود امتا يعودْ

حلوة صلاة النبي وربنا معبودْ

تشفي العليل وترقص الموعودْ

وتعدل المايل وتخضِّركل عودْ

دوا كل مريض وشفا كل عليل
واللى يسمع اسمه ومايقولها بخيل
دى احنا ولادمصرومصر هبة النيل
وصى عليها وكلامه باقى شاهد ودليل

لو يوم نحاول نجرب إننا نسامح
نصفا ف ساعة رضا ومع بعض نتصالح
هنعيش سوا في محبة و تنتهي الأزمات
أصل المسامح كريم ، والكريم رابح

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى