مسابقة شعرية في الرباعيات لأعضاء المنارة

حاسب على نفسك حاسب

عقلك بصيرتك دى مكاسب

خد الحكيم لك صاحب

دا العقل دايما كان غالب

ببارك من كل قلبى للشياطين الحمر
ولو أنهم عذبونا ودوقونا المر
ولكن كل اللى فات دى هيمر
ومستنين منكم نتيجة تسر

روح للمسابقة التانية فيها ..القمصان الحمر
مسبقتنا ثقافيه ملهاش .......فى الكر او الفر
العلم قليل والكورة كتير فى البرد وفى الحر
انت الغالى ونعديها وهى ....غلطه وهتمر

روحك رياضية واكيد هتعديها
مسبقتنا جميله ...وانت محليها
وفكل الازمات مفيش غير ليها
سعيد ملك القلوب وسكناه فيها

أنا رسموا لى سكة صعبة وقالوا عديها
وأدونى أمانة كبيرة كمان أوديها
وقالو بس توصل من غير ماحد يأذيها
كان نفسى ياصاحبى من نفسك تعديها

أنت ياعمنا لو عالمسابقة التانية تديها بصة
مكنش بقى دى الكلام ولاكنت بى تتوصى
أحنا منعنا الكلام وقلنا نديهم كمان فرصة
دى الكورة ملهاش كبير زيها زى البورصة

هاتكلم......

واتألم........
وافديكي.......
واتعلم.......

تسلم ايدك ياحبيب
الكل يا استاذ سعيد
كلك ادب
وكل ذوق
خد راحتك خالص
انت الاساس وانت الكل
حبيب والله

مناى شمس الحقيقه تظهر لنا فى الكون

لا نلاقى فيها كداب ولا حتى مجنون

ضوئها ينور حياتنا حتى فى وسط الغيوم

بص فى مرايتك حقيقتك قبل ما قيامتك تقوم

مين قال الحقيقة غايبة ..العيب فى العينين
طريقنا معروف ونسئل .........هو منين
طريق محمد واضح مختلفش ..عنه اتنين
طريقنا يجدد مع الاحباب خميس .واتنين

نور البصيره قوللى مين غيبه عن العين

غير الذنوب والمعاصى ومنافقة التايهين

من غير بصيرتك ونورك حاتجيب حقايق منين

من غير فضل ربك لايمكن تلاقى حقيقه للسالكين

نتابع بالحسنات .....تلقى الذنوب ذابت
عنيك تنور ......وتشوف احباب غابت
كتير انحرفوا حتى .......القلوب شابت
اجلى قلبك بالتوحيد تشوف العيون تابت

نايمين احنا فى العسل نايمين

عايشين فى الوهم وللحقايق كارهين

تجيلك الفكره قصادك تجيبها يمين

وللاصول والقواعد كارهين ومعرضين

نوم الغفله اصعب نوم
صح صح فوق بطل نوم
فى القبر هيطول النوم
قوم الليل وبلاش نوم

ماشى فى الطريق ماشى

لا عارف رجلى من راسى

لحد ما شوفت تاج راسى

مسك يدى وعدانى لقيت سفينه ومراسى

يبختك ياهناكى لقيتى مين ...عداكي
منتظر انا ومادد اليد بالدعا لسماكي
حبيبى اكيد هيعدينى ...زى معداكي
مخلص انا وبالروح ....اكيد افديكي

يمم طريقك ناحية العدنان

تلقى مراكب سفر تنجد الغرقان

يمم وقلبك دليلك فى رضا الرحمن

تلقى حبيبك ضمينك ينجد الولهان

نار فى القلب مطلوقه ......على شوفته
وانت فى مسجده صلى ....فى روضته
ابوبكر وعمر مشاركينه ....فى اوضته
ناس كتير بتبكي كل واحد على حوبته

هايمه فى طريق الله

لاشايفه منصب ولا جاه

واللى يعتمد عليه يتولاه

ماشيين على نوره وهداه

هات ايدك ........تنتشلنى لهداه
لابد من شيخ .......يربيك بيداه
وصبر نفسك فى الصبح والغداه
ولا تطع من كان ....دينه هواه

هو اللى يبلغ مناه

ويزيح الاسى من حشاه

ويمشى فى طريق مولاه

يشوف حد تانى وياه

هيمان أنا والحزن فى قلبى ساكن
داقت عليا الدنيا وداقت عليا الأماكن
قلت اروح للحبيب اللى حبه فيا ماكن
قالى انت اللى دخلت مابينا كلمة لكن

نسيت الكل لكنى ما نسيته

وكيف قلبى ينسى اللى هويته

وانا اللى ياما وياما اترجيته

لما دعانى رحت له عند باب بيته

هنقضى النهار فى ذكره منملش
هو حد يلاقى الجمال ...ويطنش
محتاج انام ومن سيرته .مبونش
لو حد غيره كنت ساكت ومطنش

شفت القمر طالل فى العلالى
حسيت أنه بيقولى تعالالى
قلت ازاى أوصلك وانت عالى
قالى أتصرف ياحبيبى وانا مالى

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى