مسابقة شعرية في الرباعيات لأعضاء المنارة

نويت على البر والتقوى

وهجرت الكدب بالمره

وقلت لقلبى يتقوى

ويمشى السكة وحدانى

يازمن ليه تلعب لعبتك معايا
وانت عارف أنه جرحى ودوايا
دى أحنا لسة مكملنا الحكاية
قبل مانبتدى كتبت أنت النهاية

تانى يا سعيد تانى

تصحى فيا اشجانى

وتوصف غدر ازمانى

وترسم ليا احوالى

يمكن نسيت طعم الكلام والسكوت اصبح هوايه
واللئام مسكوا اللجام سطروا حروف النهاية
والولاد الطيبين الغلبانين شربوا من مر السنين
تاهوا وسط الزحمة مش فاهمين هو ايه اصل الحكاية

تلف بينا وتعدى

وانا فهمى على قدى

يادنيا اتلمى واتهدى

بتضربينى على خدى

ياللى تاهت منه السكه وعينه اتعمت
القلب مات والطريق ضلمت
من يومك أصلك كده ياموت
تنسج خيوطك كما العنكبوت

تعبكم الشعر... ونسيتوا الكلام والعباره

وبتردوا علي بعضكم.... بجراه وجساره

خلصتوا الحبر.. ووقفت الاقلام ياخساره

شغلكم البال والفكر ونسيتوا حتي المناره

هونها ياعم مفيش غالب ولا مغلوب
الكل فاهم بس ....ممشينها بالمقلوب
الغنى عايش فوق والفقير نايم بالمقلوب
الدنيا سرك ولازم تمشي بالشقلوب

يعني ايه يابو غيـــــــــــــــــداء؟؟؟؟؟؟؟؟

بتكلمونا بالشفرة وبالاشارة

عايزين نفهم ايه العبارة

ابو جمال خايف لننسى المنارة

واسامه بيغطى على الامارة

تبيع امتك هتكسب... واصبح انا الخاسر
تقبض التمن والراس يصبح حاسر
وفى دفاعك تتحول ...اسد كاسر
زمن العجب الاسير.. يصبح اسر

العم ابو جمال
الابيات ليس لها ربط بما يقال قبلها
فهى خواطر شخصيه بحته
وهذا للعلم

رأيت حبايبي اليوم حياره
صقرنا بيشكي هجرنا المنارة
واسامه بيغمز وبيتكلم بالاشارة
وانا قاعد ومقفوله في وش الباقي الحارة
؟؟؟؟

لا ولا يهمك يا غالي

خد راحتك خالص

اصل المزاج شويه مش مظبوط

روح لموضوع رفع المعنويات هتعرف كل شئ

شكرا لك ابو غيداء

تاه المعنى منى وسط همومي ...واحزاني
وزعلت احبابي ودخلتهم ....وسط احزاني
حزنى فى نفسي حبيس مش هظهروا تاني
هى الحياة تسوى حتما لرجع الافراح تاني

ياناس التوهة تيجى فى العمر كذا مرة
صحيح طعمها ماسخ وتحس أنها مُرة
بس مطلوبة علشان الأقلام تكون حرة
وأحنا بأيدنا الحزن و بأيدنا المسرة

تحزن على ايه ولا تحزن على مين

والدنيا ماشيه بالمقلوب واحنا مش فاهمين

أيام عداله قلابه خلينا فيها معديين

نجرى ما نجرى فيها ما نايبنا غير الأنين

ننام ننام ونفتح عنينا فى ثانية
نقول أيه اللى حصل ونرميها عالدنيا
العيب فينا أحنا الدنيا مهما طالت فانية
احنا اللى نفضل نبكى ونقول عليها جانية

تعلم تاكل من ايدك مش .... ايد الاجنبي
اليد العليا خير من السفلى ودا قول النبي
تاكل من فاسك تعيش مرفوع وكمان ابي
ابنى بيتك بيدك ومنتظرش وعد الاجنبي

ياللى مديها الأمان يا اللى واقف مع الايام يا اللى بتعيب الزمان

ياللى عايش يوم بيوم مدى ضهرك للهموم وبتمدح فيها كمان

ياللى بيض شعر راسك وانت مغرور من أساسك و واخدها بالاحضان

يا اللى بتدور عليها عايز فى الازمه تلاقيها مش حاتلاقيها فى مكان

نستعين بالشاب خالد يفهمنى ..معنى الكلام
الكلام كبير عاوز قعده لازم ن..درسه بسلام
الغرور مش راح يفيد خليك ....حمامة سلام
الزمان حلو خالص صالح نفسك قلل م الكلام

غير الموجه ياعم عبدالفتاح
واستعد ياعبقرينوووووووو
سرع الموجه لحن سريع
هههههههههههههههه

مالك العقل دايما هو اللى كسبان
كفاية شعورك أنك من بنى الأنسان
دى نعمة ومن غيرها نصبح من العميان
ويصبح مافيش فرق بينك وبين الحيوان

نهيتك ما انتهيت والطبع فيك غلاب

حقايق منصوبه قدامك ليه شايفها سراب

عقلك عقالك ما تقفلش فى وشه الابواب

والزم حدود ربك واوقف على الأعتاب

باب الحبايب طول عمره كان مفتوح

أشم منه النسايم والريحة منه تفوح

والعقل زينه مش بالعويل والنوح

والرب دا عالم مش ممكن اقدر ابوح

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى