مسابقة شعرية في الرباعيات لأعضاء المنارة

نويت والنية خير أدعيلك وانا الكسبان

ربي بعفوه يديلك فرح ومش ندمان

شباب زي العسل وهو كمان فنان

يا دي الهنا وزين الطبع في الإنسان

نسيت ولا الزمن هو اللى نسانى
الكلمة صعبة ولازم أمسك لسانى
أنا أبنى سنين وتيجى فى يوم هدانى
مش عارف ده خوف ولانقص أيمانى

ياطبيبى يازين جروحى بيك مجبوره

والدعوه ياخال باذن الله مجبوره

علشان حبيبنا النبى مستوره ويانا

والنيه مادام سليمه النفس مجبوره

هودى حلم ولا أنا لساى صاحى
أحس انى طير ويرفرف جناحى
أشق ظلام السما واطوف الضواحى
الكل يعرفنى ويعرف حكاية كفاحى

يشيلك حبيبك يودي فيك ويجيبك

ويمسك لسانه يعدي البحر ويسيبك

دا اصلي نصيبك يعديني ويصيبك

هموم الناس كتيرة شايلها ما تعيبك

كربلت همى وصاحبى ف قلبى سكينته

ياناس يالايمين وسعو لى سكه انته

الجرح لو بيطيب جرح الحبيب مفتوح

زارع فى قلبى الوجع مغروسه سكينته

هانت عليك العشرة ولا خلاص نسيت

أخدت كل حاجة وعمرك فى يوم ماأديت

الناس تلم كفوفها وانت كفوفك مديت

هيجى يوم تندم وترجع تقول ياريت

تَرُوْقُ الْايّامِ وَتْصْفَالِيّ .... وَمَعَاكِ فِيْ الْمُساجِلَّهُ الْشَّرَفِ جَانِي

خَايِفْ وَالْلَّهُ يَاعَمَّيَ .... وهَرُّوحُ فِيْنْ يَارَبَّ بَسّ انَا كَانَ مَالِيْ

يَطْلُعُ نَصِيْبِيْ كَدّا ..... مَعَ الْكَبِيْرِ هَعَمِلَ ايِهٍ بَسّ انَا تَانِّي

نَصِيْبِيْ كَدّا وَالْلَّهُ .... اعْمَلْ ايَهّ دا شَرَفٍ وَاهُوَ جَانِي

شرف كبير جدا جدا لم اتوقعه نهائيا وجالي الشرف لحد عندي اكون مع حبيبي الاستاذ صلاح النجار والف مبروك مقدما للكبير بتاعنا
اعتذر للمداخله في الموضوع لكن كان لازم اتكلم مع الحبيب الاستاذ صلاح النجار

شكرا أخي الحبيب حمادة ولي الشرف أن أتعلم منكم

يابخت يابوشحات ....بالصحبه
عمى صلاح النجار..الكل بيحبه
هو الفايزمن قبل .م ينزل الحلبه
وانت غلباوى ..ودايماعملك جلبه

هانت الدنيا على أبن أدم ولا هو اللى هان؟

خسرأ بن أدم الدنيا ولاهو كده كسبان؟

حب الدنيا دى غية ولا نقص فى الأيمان ؟

مادام حبها فى قلبك يبقى أنت كده خسران

نايم أنا ولا أنا كده أبقى صاحى

بحلم وبحكى للناس قصة كفاحى

الكل يشهد على حكاية نجاحى

أبوس ايدك أسمع بقى صياحى

يابَخَتِكُمْ يَالَلَيْ تَشَوَّفُوْا الْمُساجِلَّهُ .... مِنَ الْكَبِيْرِ لِمَا يُوَفِّيَ

قَاعِدَيْنِ انْتُمْ بَسّ تَتَفَرَّجُوا.....وَانَا خَدِّيّ عَلَيَّ كُفِّيْ

مُحْتَارٌ اعْمَلْ مَعّاهّ انَا ايَهّ ....وَالْكَبِيْرِ بِيُسَلَخَ فَيَا وَيَشْفِيَ

مِيِنْ الَّلِيْ حُطْنِيَ مَعّاهّ ....وَهُوَ عَارِفٌ انَّهُ هَيِدْبَحَنِيّ وَيَشْفِيَ

ياعمي عبدالفتاح ياحبيبي الحقني وادعيلي

نزلوني مع الكبير في المساجله وهتطلع معاه عيني

ياصقر المناره ياجارح غيابك ليه كان امبارح ؟

اشتقنا لوجودك معانا برؤيتك بشوف القمر انا بعيني

ياحماده اجمد ...عمك صلاح راجل زوق بانسابه

قلبه مفهوش اسيه .......وعمران بالحب من بابه

شرف للمنارة وناسهاوفرسانها ...انها تلتقي وياه

غالي ع الجميع هو ..........ومن طاله لقي احبابه

هو مين غيرك يابو شحات ...سال عني وبل الشوق

مع اني بسال عليهم لكن سماح من الخنصر لغاية فوق

لازم اسامحهم ولادي ودمي.. بس بتقعد في القلوب اهه

العاهه لما النفوس تكبر........... انا مقدر اخطي لفوق

قاعد لوحدي بعيد عنك ...ولعت اللمبه وفانوسي

اميل يمين وشمال تعبان .عاوز اتعدل ف جلوسي

قلت مابدهاش ....روح للحكيم وشوف العباره ايه

صاحبنا ماصدق قعددت وشال اتنين من ضروسي

ادي الحكايه ياصاحبي ولولاها متاخر ولو ثانيات

الله يسامحه الحكيم ....ضرب لي من الابر تلاتات

قال ايه عشان ما احس..... وفي التالته قلت اهات

في ثانيه لقيتهم بايده وقال ايه ؟؟؟؟يقول ضحكات

تعذرني كترت عليك في الكلام ووجعت لك راسك

ماهي الغربه كده اذا تعبت يزورك كتير من ناسك

مقدرت اطلع واسيبهم .....واكرام الضيوف واجب

خدوا الواجب وكله تمام وماشتكيت لكن الالم ماسك

كمان زي ماكون ماصدقتك عليّ تسأل

وعاوز اتفش ومش عاوز معاك.. اتقل

التقل صنعه لكن مع الحبايب...... عيب

وديني بحكي لك ومين غيرك علي يسال

لامنا الاحباب فى قلة السؤال
يعلم ربى ماغابوا يوم عن البال
بس الظاهر أنا أحنا طلعنا عيال
ماتزعلش وحقك على راسنا ياخال

لا لوم ولا شئ..... بس العشم زايد

واللي يحبك ..يريد لك الخير بالزايد

عذرك معاك ياوليدي.... ومسامحك

عزيز وغالي وحبك في القليب زايد

دى عشمنا فيك والله يا أبوجمال

نسيانا ليك دى شىء من المحال

لكن ممكن تاخدنا زحمة الأشغال

مافيش غيره ربك عالم بالحال

لعدوك المرض ...وليك انت السلامه
عزير وحبيب .....والله اثرفى كلامه
صعب على الاشاره ...وحتى الملامه
مسافرانا ودعواتك ..الرجوع بسلامه

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى