مسابقة شعرية في الرباعيات لأعضاء المنارة

تاهت خطاوينا ف وسط الدنيا الكدابة
ماحناش عارفين مين غَيَّرنا بقينا ديابة
ناكل لحمنا نهتك عرضنا من غير رادع
ماحناش راحمين وسطنا مساكين ولا غلابة

تايهين فى وسط الزحمة والكدب بقى غالب

والناس لابسه الاقنعه و للهم انا شارب

من قربهم مليت ومن صحبتهم انا تايب

يارب توب على العاصى ولا تجعل الحق غايب

بانت خلاص يامؤمن سكتك
وشعاع الخير هينور دنيتك
والكلمة العالية هى كلمتك
وتعيش و حلمك هو أخرتك

كتير عدو واحد لو ......مفيش احسن
احسن اليه يرجع....... خليك الاحسن
الجراح تطيب ........الا جرح الالسن
تكلم بالخير مهما كان السكوت احسن

نويت ارفع شعار حب الوطن أجبارى
وأخرج للنور ومافضلش عمرى متدارى
مين غيرك ياوطن ممكن أبوح له باسرارى
مين غير ناسك أعشقهم ويستنوا أخبارى

مال الاصيل انتهي مش باقي منه ولاحاجه
اوصيك ياصاحبي متاخد ولا تدي للخسيس حاجه
اللومه عليك يازمن تخلي ولاد الاصول محتاجه
لو الادب والصدق بيدوم مكانش جري للدنيا ولاحاجه

ياعم حمادة تعبتنا معاك أخر حرف ياءءءءءءءءءءءء

والله كان في مشاركة تنتهي بحرف الم مممممم مش فاكر من منين ياسعيد هههههه
بس كانت موجوده والله انا مش مسطول ههههه اكمل ياريس وانا وراك وهيجي الاساتذه بتوعنا دلوقتي
الاستاذ/ صلاح ابو النجار
الاستاذ/ عبدالفتاح عبدالشافي
الاستاذ/ اسامه احمد
وانا وانت والفرح والناس والمعازيم ونقول للصبح كمان ههههههه

هنسى كل اللى فات من عمرى
وليلى مسيره ينتهى ويبان فجرى
ويصبح العصر ده هو عصرى
وتصبحى يابلادى عزى وفخرى

ياغالي علي القلب والروح والفؤاد والعين
لو تشعر بألم فداك الروح والقلب ويا العين
شافك القلب ولمس طيبك قبل ماتراك العين
ارجع لطبعك الضاحك ولاتدمعيش ياعين

لامؤاخذه ياسعيد
هو عمنا الكبير اسامه فين موجود بس مشارك معانا
القافية صعبه ولا ايه علي رأي صقر المنارة
ههههه فينك يا استاذ اسامه وفين ابداعاتك لا اسكت الله لك حساً يلا ياباشا ادخل معانا في الخط وطلع المواهب الجميله اللي عودتنا عليها وبلاش تمارس دور المشاهد فقط ياريسنا منتظرينك

نزلت من اعلى سلالم المجد على راسى
قلولى تستاهل علشان عمرك ماكنت راسى
قلت وانا ذنبى أيه لوكان هوده اساسى
بس الزمن ظلمنى وكان على قاسى

يا ولدي سيبك من الكلام دا والله الكلام دا كبير
متشغلش بالك بالمجد والشهرة وخلي عقلك يابني كبير
اصل الادب ياولدي عمره ما فرق ما بين صغير وكبير
مقوله سمعناها زمااااااان يا100 حسرة ياللي ملكش كبير

ناوي اصعبها ياسعيد معلش عاوزين نشكل في الحروف مش لازم نرتبط بحرف واحد او حروف متشابه كتير عاوزين تغيير في نهاية الحروف اللي بنقفل بيها ولا ايه رأيك ؟
ونكمل بحرف الراء ر

ريموتى فى يدى وانا اللى أغير المحطة
أكل لحم كتير أوحتى أكل فول بشطة
هودى المجد فى عينى وهى دى الورطة
دى المجد زى الفيلم ماينفعش ينقص لقطة

طيب الته المربوطه دي اجيبها ازاي بالعقل كده ههههههه حلها ياريس وعرفني

خليها تاء مفتوحة يامعلم ماهو انت لومتابع كنت عرفت

تقول كلماتي يارب من له حبيب ماتحرمهوش كدا منه
ويـــــرد الغيــاب ويــــــرجع لحبيبه ضاحك كدا سنه
والــلــه ابـــن الاصـــول الــدنيـا كــــلها تغيـر كدا منه
دايما تلاقيه غالي وصاحب مقام عالي برغم صغر سنه

هلت بشاير الفرح والقلب بقى مسرور
مالك بس ياعم متعيشش بقى فى الدور
أصحى وبص لنفسك كفاياك كده غرور
دى انت حتى متنفعش تبقى عسكرى مرور

راح مــــن عيــــــونـي النوم لما هل حبيبي علي وبان
فــــــرح الـــقــلـــب وضحكت الـــعيون والحب مني بان
الشوق غصب عني ساكن في قلبي له واسمه في كل المكان
برجوع حبيبي ليا نور حياتي ورجعني لاحلي ليالي زمان

أصحى ياعبقرينوو أصل انت كده خلاص
العقل راح منك مش فاضل غير الأخلاص
ودى هواللى مافيش من هروب ولامناص
ياتفضل صاحى ياتروح تركب أقرب باص

راح فين هو....... دنا صاحي مستنيه

دورعليه ياسعيد خاطري اشوف لياليه

واقول كلام من دهب الفكر لسه بانيه

شوفة الحبايب هنا والقلب مين يداويه

هرب وبلغ هروب كمان يا عمنا
مين غير مايسمع كلام حد مننا
كان حتى أستنى يطلب ودنا
مهو الحب مش مالى قلبه زينا

انا الحب ليكم والله ماليني
سعيد الرشيق حبيبي وكلامه ماليني
عمي عبدالفتاح حبيبي ونور عيني
انا صاحي ومعاكم لاتنام عيني

ياشيخ اسكت!..وقعت قلبي قلت راح ومش راجع

وتركنا من غير ميعاد..لا سبب ولا قال انا راجع

شديت خيوط الحزن من خوفي لا انيس ولا شافع

ونويت اناجي النجوم .........مالقيت منهم احد نافع

عيونى تشكى الظاهر غلبها النعاس
أقولكم تصبحوا على خير ياأجمل ناس
ياريت شغلى كان يعتمد على الفاس
لكن للاسف دى مايعرفش غير الراس

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى