مسابقة شعرية في الرباعيات لأعضاء المنارة

فعلا وهي من الحان رياض السنباطي
غناء ورده الجزائرية كلمات علي المهدي

شفت ازاي........؟؟كل شويه بتطلع منك حاجات

ليها اصول مره.؟......... ولا ليها معاك حكايات

وتقولي فضفض ياعمي..... واحب الزمن الجميل

اتاريك عليل......... لكن مخبي الجروح واهااات

تقول ايه في واحد يحبك كدا ويلاغي فيك

يفكرك بأيام زمان الحب وسنينه يلاغيك

يجيب ليك اغاني ورده تقول بتموت فيك

ليها ذكريات تقول للحبيب ياريت ترجع وانا افديك

كنت بقول دا كاس داير ..............محدش نجي منه

كانه الموت ..............كل ما قربت عليه تشيل همه

هتقول لي كيف تقرب علي الموت.. وانت متعرفهوش

اقول لك العشق كده........ بدون ما تشوف تاجي يمّه

هو كدا الطبع في القلب غلاب وغلاباوي

يفتكر سيرة الحب والماضي ويفتكر البلاوي

عاوز اعرف منك ياعمنا معايا علي ايه ناوي

تخلي المدام تشوف اشعار وتقلب البيت ببلاوي

هههههههههههههههههه
والله هتودينا في داهيه قريب

يابوحسام عيش الحاضر...والقديم فات
ابوجمال هيورطك...وسيبك من الفلتات
احفظ سرك لنفسك .....وعديها سلامات
الاصيله تصونك فى الحياة وبعد الممات

تقول لمين وتعيد لمين ما الكل بقوا عارفين

أبوجمال ناوى يرجعنا تانى لاجمل سنين

بس انا بقولوا بلاش خلينا كده ساكتين

وبقول لصاحبى أصحى معمولك كمين

ناسي قلبتوا عليّ..... وجيتوا مع حماده

انا عاوز اورطه ......في الكلام وزياده؟

محصلش ابد .....وغلاوة العشره والايام

لكنها تسالي ..وذكري ترقق القلب وعناده

هو حمادة هيلاقيها بس منين ولامنين

دى احنا منتظرين فاطمة من سنتين

وكل يوم يقولنا هتيجى يوم الأتنين

براحتها حتى لوسنة أحنا منتظرين

نويت اصاحب ونبقى مع الصحاب خالطين

صحبت صاحب ولاكن ياطبيب خل طين

لملمت جرحى وقلت اتنصب وحدى

حتى الى خدته خال طلع ياناس خال طين

قبل ماتصاحب .......لازم تسوس الناس وافعالها

مش كل من يضحك ف وشك .......تديله اسرارها

الصحبه ليها ضوابط ....وواجب علي اللبيب يحذر

ياكل طعامك وينسي.......... وكل اسرارك يطلعها

أصحى معانا وأفهم لمعنى الكلام

الكلام كبير دى جزء من العلام

بعدين لادموع هتنفعك ولا ملام

كلام الكبير نورلينا فى الظلام

ماشي ياسعيد..... يا اصغر الكل بس بمهاره

دايم تقول الزين...... وماتخفي عليك الاشاره

طبع المفتح كده........... صاحي لكل الناس

ولو خيروني الناس. اقول سعيد مسك المناره

هويت غزاله وقلت مش مهم اساس

اتاريها زرعه ناخر جزورها الساس

وادى جزاء الى يطيع قلبه

اتاريه فعلا العرق دساس

سلامتك ياقلبى من التوهة والحيرة

عمرى ما أتعودت منك على الغيرة

لا أنت شمشون ولاحبيبتك كانت دليلة

ليه الأهة تخرج منك مكسورة وذليلة

تلومنى ليه وأنت عارف اللى فى قلبى

مستحيل أقدر فى يوم عليك أخبى

سرى معاك وأنت فى الحب عمى

عمر طيفه ما غاب فى ليلية عنى

ياحيرة الزمان خليكي بعيد.... عن المحبوب وتفاكيره

مليانه الدنيا بالاشخاص .....قال يعني مفيش غبره

لسه علي الهوي صغير.... وحرام تلاعبيه من دروك

ودروك هيكبر ويوريكي .......وياخد م الوليف طيره

هادى أنا بس طبع الغيرة غالبنى

كنت مفكر أنه قال يعنى حاببنى

وزى ما أريده هو كمان يريدنى

أتاري زمانى حالف يعاندنى

ياصاحبي الغيره مطلوبه .......ببس بعقل الرزين

من غير تعصب ولا عناد.......... كله هيبقي زين

ولازم الانسان يحط حدود........ للاشياء ويوزنها

مادام بتوزنها تروع الظنون ...وتشوف حبيبك زين

نجيب منين الرزانة والعقل لسة صغير

أزاى نقدر نمنع قلوبنا أنها تبطل تغير

ساعتها هنبقى نقدر نتحكم فى المصير

دى العقل دايما تابع والقلب هو المدير

رقيقق الحس وفيه م الهوا هفه

تشوفوا تقول دا صاحبي بدون زفه

يحاوطك بحبو ولا يكدب ولا هفه

يا ريت أجيبوا واحط خدي على كفه

هوفين الحبيب اللى هواه ملا القلوب

أحس أنه أنسان خالى من العيوب

الكل يشهد له أنه كمان محبوب

عمره مايطلع منه كلام معيوب

بتجيبوا سيرتي وانا عنكم كدا غايب

نسيتوا حماده ولا من الشعر مافيش نايب

السر اتكشف ورحنا خلاص في مصايب

وفاطمه جات خلاص وبتسأل عمامها عن النايب

بلاش نقلب فى الصفحات اللى فاتت

نعتبرها ذكرى ونقول عليها ماتت

القلب هو اللى عشق والعين شافت

القلب عمره مايخون بس العين خانت

تاني طعم الخيانه ؟ .... عمره ما ساب وراه غير الاهانه

الراجل الجد ....الراجل العال ... يحفظ لبيته ويصون الامانه

كلامنا ياسعيد كان تفاريح .... فكة للزهق طلوع من الماضي

اصل ياولدي القسمة غلابه ... والراجل الجدع يحافظ علي البيت ومكانه

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى