مسابقة شعرية في الرباعيات لأعضاء المنارة

ملوك الدنيا ما تقدر تغير المكتوب
ولاتقدر تعيد لنا الوطن المسلوب
ماهى الدنيا بقيت ماشية بالمقلوب
وهيفيد بأيه البكا على اللبن المسكوب

بطل نواح يا سعيد وقوللى ايه مالك

الأمل فى رب كريم ايه غير احوالك

بايدينا احنا حانعدل المايل أو المقلوب

فايدتها ايه لما حانبكى على اللبن المسكوب

بيك شطارة وفيك طبع الفوارس

لا احنا مشينا ولا عدينا المتارس

والطبع يغلب ولا تعليم المدارس

كلامك حصانك ويْعَلِّمْ كل دارس

سيف الكلمة ساعات يكون اشد من السكين
ويعمل ايه فى الدنيا دى من كان مسكين
دى أحنا بكلام مالوش معنى دايما متمسكين
ولكلام معسول زى ده نفضل العمر منتظرين

سيف العداله قبالى واقف ومستعد

بيقول انا هنا خصيم لكل مستبد

آخد حقوق المظلومين وفى الشدايد أسد

ربك كريم وعادل عمره ما يظلم حد

معلش يا سعيد
المشاركتين نزلوا فى وقت واحد

ولايهمك يا أم شروق وكلها سيوف وأحنا عليها ضيوف

دايما احساسى يطلع معاى صادق
مش عارف ليه باحس أنه بقى منافق
مع أنى كنت دايما فى قلبى واثق
بس مش عاجبنى فيه انه دايما موافق

قادر ربك كريم المايله يعدلها

وبالحقايق يملى القلوب يتقلها

ويرد غيبة القلوب يرجعها

وعلى الايمان واليقين ربك يثبتها

أبكى على ماضى والماضى خلاص ولى
واللى كان زمان لى بقى دلوقتى للمولى
ومايحس بالوجيعة الأ من كان صاحبها
والدنيا دى فانية وغلطان اللى يحلم يصاحبها

ادمنتم ليه ياخلانى ..رفع السيوف
الامه نايمة ........والكل مكسوف
والنجار تعب من ..صنع السيوف
وحقك تاخده بالسياسه والمعروف

فى زمن مات الحق فيه وأنداس
وأصبح يابن أدم خدك مداس
وبقيت عايش كده وخلاص
أصحى وصحى قلوب الناس

سكة سلامة وليه انت دايما تعادي
أهل المودة يعرفوك بكلامك الهادي
واللي ينافق معاه ربه يحاسبه وينادي
يا اللي انت تعرفني من أصلي ومرادي

ياريت تدي لنفسك الإحساس

وتعرف اللي في قلوب الناس

مكنشي دا حالنا وطيْط الراس

يخلي سيوف الحق تنكسرتنداس

سفرى بعيد والريح موليه

سفينه راسيه وسفينه معديه

محلا صلاة النبى لقلبى مطريه

خلت سفينة قلبى وسط الامواج معديه

هادى أنا ودايما ماسك أعصابى
يمكن دى سببه حبى لأحبابى
مستنى أنا وفاتح لهم بابى
دول هما أهلى وناسى وأصحابى

هو ليه اليوم القافيا...... مش ليه
سيفى معاى ......وسيوفكم عليه
الخاطر هرب ...والكلمه عصيه
مسافر انا ومنتظر سفينه معديه

هو السيف عمره يغلب الأيمان
خلى الحب سلاحك يا انسان
وكون على كل اللى فات ندمان
ساعتها هتنول رضا الرحمن

نعش الشهيد اللي ضحى لاجل غيره يعيش
طاير بعيد ف السما من غير جناح ولا ريش
عُرسه هناك في جنان الخلد والفردوس
نشوان تزفه الملايكة بالفرح والتبشيش

شاهد عيان والكلام فى القلب محبوس
مات علشان عدو أرضه مايدوس
ضحى بحياته ومحبش الفلوس
وماهمه غير أنه يكسب الفردوس

سألت كل الناس أيه وظيفة القلب
قالولى دى هو المسئول عن الحب
بس خاف منه يمكن عليك يقلب
ساعتها لا هينفع معاه دوا ولاطب

بحب النبى انا قلبى دايب و مفتون

حاسب يا قلبى ليقولوا عليك مجنون

مجنون بحبه وماله هو حد يطول

خاطر فى حبه واللى يصبر ينول

لملم خيوط عنكبوتك يا زمان الخوف
وفك قيد الأسارى من جمل وحروف
الكلمة سيف الغلابة ف وشك العابس
وبيت يلم الحيارى وعطف للمعطوف

فردت جناحك ياطير وصرت فى العالى
طول عمرك عزيز وعلى القلب غالى
معقول ياطير بعد ماوصلت السما توعالى
دى انامن بعدك هأعيش حزين والقلب خالى

لامونى الناس فى حبك وفى الغيرة
قلت الحب اعمى والقلوب اسيرة
والعين تعشق وتحتار الف حيرة
والقلب هو صاحب الكلمة الأخيرة