مسابقة شعرية في الرباعيات لأعضاء المنارة

هقول الكلام من تاني ...واعيده وانا صافي

اجمل ما في الكون .... يكون ليك خل قلبه كدا صافي

يوعد ولا يخلف ... ودايما معاك يكون صافي

اجمل هديه كانت .... مكالمة عبدالفتاح عبدالشافي

مع الاحتفاظ بالمقامات والالقاب للصقر الغالي طبعاً

با امير مانسيتك انا .... وودي اهديلك من الخيول مهره

تكون كحيله العين وجميله ......وليها بين العرب شهره

طيفك في بالي واتذكرك .......ماغبت عن عيني ولا يوم

وللامانه اليوم .......اول من سال عن فاطمه اختنا زهره

هي الاخت وبحنان الاخت بتدور

تسأل عن الغايب فينا وعليه بتدور

وانت العم الكبير اللي علينا بيدور

يارب يخليكم ليا وحسكم في الدنيا ينور

رايت منام قال ايه .....راكب خيال ولجامي

ماسكه في ايدي ....والسرج علي حصاني

ادور علي صاحب .....بصون الود واصوله

لفيت حماده ......جدع كانه طبيب نفساني

ياعمي بتقول كلام حلو وعاجبني

اصبح اليوم عندي اخت كدا لاابني

والحمد لله علي نعمة ومـــجايبه

والصقر دايما كلامه حلو وعاجبني

يافاطمه نايبك قاعد....... متقلقيش وانا عمك

فر حنا بيك تمام...... ومن دروك نشيل همك

عاوزينك اميره والكل...... يطلب رضا ابوكي

وابوك هو اللي خلف....... متنسيش كمان امك

.............

عمك وعم ابوكي كمان يلاااااا

اهههههه

كلام حلو وجميل للبنت اب وعم اصيل وكبير
عمي وحبيبي وعم لعيالي اصله حبيبي ومقامه كبير
شد حيلك تلحق السبوع هيكون فيه حمام وفطير
منابك متشال ياعم الناس والله دا شرف لينا وكبير

رحت السبوع......... لقيت الفطير والحمام اكلوه

واللي يحب الجمايل .....يجيبها ومينتظرش ابوه

كاني انا اللي كلت الحمام....... صحتين وعوافي

واللي يوافي النذر وفي وعلي لسان الناس يحكوه

هو كدا دايما تلاقيه طبع الاصيل غلاب

الخل يسأل عن خله لو لحظه عنه غاب

يحفظ مفامه وغالي عليه ويكون من الاحباب

يارب تجمعنا علي حب النبي ونكون كلنا اصحاب

بحب فيك الادب وجماله .... والقي دايما الاصل غالب عليك بكماله

شاعر وفنان وعظيم .... وليك في الفن والشعر وكماله

سألت انا علي حبيبي .... طلع مؤدب نضيف يسلم ابوه وكماله

قبل ما اسأل انا عليه ..... طلع اصيل وجميل يشبه لاابوه والادب خاله

هنا فى القلب فيه ناس على طول الدوام ساكنين

منهم ابو حسام قصدى ابو شريكو ياسامعين

صدق الى سماك عبقرينو والاصاله فى دمك

وهمومنا همك و احبابنا فى المناره ساكنين

نور العيون زاد .... لما رأيت حبيبي بيمدحني

فرحت وفرح قلبي ..... وقلت صاحبي بيندهلي

لما بشوف كلامك الحلو ..... وخط قلمك يا ابو عدلي

قلبي يرتاح ويطمن ..... والله كأني شايف اهلي

يعني صحيح انا زعلتك ورديتك

لكن اهو لما دمي راق جيتك

ياما اتحايلت عليك واترجيتك

وبطلب سماحك لو حتي اجي بيتك

كتاب الدنيا مفتوح. مش عارف ليه أقراه

الأصل موجود والعنوان مكتوب أعلاه

أقرا منه سطر وفى لحظة واحدة أنساه

ياترى القلب أعمى ولا العين كارهاه

هتشوف بعينك مني اجمل كلام

لما تشوف الكتاب وتقول ياسلام

اصل الصاحب الغالي معروف

تلاقيه يلاغيك ويرمي عليك السلام

مليون سلام ومليون تحية لأغلى الناس

نفديكم بالروح ونشيلكم فوق الراس

وعلشان خاطركم نشرب مر الكاس

ونقول عسل .لا يمكن يكون أناناس؟

ساكن في القلب ... والعقل وفي عيني

حبك ياغالي ... من الدنيا يكفيني

صاحب وفي .... وليك وقفات رجوله

مهما عملت معاك ....القيك دايما مراعيني

ياللى سكنتوا القلب غصبا عنى

فداكم العين وقبل منها الننى

دى منكم وانتوا كمان منى

لايهمنى سنكم ولا كمان سنى

ياما قلبي في حبكم بيسهر الليالي

وابات حيران بعد النجوم في خيالي

اصحابي وحبايبي وفيكم كل خلاني

عشق الطهارة والاخلاص اللي فيكم كفاني

ياللى كلامكم يعلى فوق كل الكلام

أتمنى نعيش دايما فى حب وسلام

ننسى الدنيا وخلينا نسكن فى الأحلام

دى نور الحلم أحسن من دنيا الظلام

الاحلام كتيره ......وتحقيق الامنيات غالي

نفسي تحقق الحلم..... وتكون في العالي

غالي عليا سعيد ..........وحماده واحبابي

ومرادي الاقي....... نجمهم ف السما عالي

الله الله الله
وماله نكمل المسيرة ياصقرنا الرائع مع انك مشيت
علي رتم مختلف مش اخر حرف في المساهمه اللي قبلها
لكن نعديها لاجل عين الصقر هههههههه

يا قلبي مالك حيران ونبضك عليا متعافي

حاسس بألمك شديد وجرحك لسه متعافي

خليك علي راحتك واهدي عليا كدا حبه

اصل الوداد سعيد والشفا في نظرة من الشافي

[ عمنا الصقر يعني ] . المقصود

عفوا ما انتبهت للقافيه

احلام سعيد توهتني
..............

طيب

..............

ياحماده ليه القلب محتار ....متاجي تنسي همومك

اقاسمك انا في بلواك .......وكلامك وربك اصونك

مين خالي من الهم والحزن ....حتي جريد النخايل

لاتقول ياخال ولاعم ........ولا تخلي عزول يلومك

كان بودي علي السر احكيلك واكمل

لقيتك بعتني المره اللي فاتت قبل ما اكمل

امدح نبي زين نزل كامل علي الميزان

وبعد المدح فيه وعد مني معاك راح اكمل

لكن لو سمعت كلامي ومفتشتش السر كنت هكمل الحكايه معاك هههههههههههه

ان كان علي السر اصونه ......لانك عزيز وغالي عليّ

المره دكها كانت هزار..... مش جد وحبيت تعديها عليّ

فاضي انت دروك ورايق ......ونبوت الهوا علي كتافك

ولا عشان عمنا النجار...... غايب عاوز تفش خلقك فيّ

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى