مسابقة شعرية في الرباعيات لأعضاء المنارة

ياسلام عليك لما بتكشفني وتكشف ملاعيبي

احاول اتوهك عن الموضوع الاقيك ماسك ايدي

ياعم عديها واديني الفرصه اعبر عن مواجيدي

ابو النجار غايب صحيح لكن بكره راح يجي

مع وضع كسره تحت الياء
لازم تفكرني اني هتسلخ يعني هههههه ليك رساله ياعمنا

ياراجل حرام عليك ........هتشتغلني وتلبسني كمان عمه

هعديها علشانك .....مقدرشي علي زعلك واتكلم كده بزمه

عمك صلاح راح ياجي.............. هتروح وتشكي لمين

واضحه الامور......... ومش محتاجه لا كسره ولا ضمه

هقولك كلمتين ياعمي وهعيدهم ليك من تاني

اصلك حبيبي والله وغير الناس ليك مكان تاني

ساكن في قلبي وفي عقلي وعلي عرشه متربع فيه

لاعاش ولاكان مين يشتغلك دي بس القافيه حكماني

ياسلام علي الدنيا لما تميل وتعملها معايا من تاني

اكون سهران مع الخل الوفي ومش سايبه وحداني

ومرة واحده ياعيني كدا سبحان الله العظيم الكريم

القي النوم جاني وسلطانه راكب تاكسي في ثواني

هههههههههههههه مضطر اقوم عندي شغل الصبح بدري تصبح علي خير صقرنا الجميل

وانت من اهله ياحماده

متنساش صلاة الفجر...قبل ماتنام

دا شيئ اكيد بأمر الله تعالي
الا فجر الجمعه دا ليه مكانه تانيه عندي

ياسلام عليك لما تفكرني بالصلاه ومواعيدها

تلاقي القلب فرحان و انشرح وللاذكار يرددها

والصلاه ركن من الاركان ونصليها بمواعيدها

جزاك ربي الفردوس وتكون من سكانها ومساعيدها

أنا شاعر أقول الكلمة تتبسم شفايف الحزن
وتتفتّح زهور دبلانة منتظرة المطر م المزن
وأغزل من حروف القول بساط أخضر يلف الكون
أنا فاتح قلوب مقفولة أدخلها ومن غير إذن

نعيم الدنيا فانى مهما طال هيجى يوم يزول

أطلب عظيم الأجرواللى يطلب منه لازم ينول

خليك عايش زمنك بس متنساش زمن الخيول

دى هو أعظم زمن كفاية أنه زمن الرسول

لقيت شاعر يقول كلمه تضحك له قلوب الناس

ورود فايحه بريحتها..... وبتسبح لرب الناس

لاهمه كلام ولا اشعار..وعايش في ربوع الكون

يقول كلمات موزونه ومن قوله شالوه ع الراس

الله الله يااستاذ/على

الله الله يااستاذ/عبد الفتاح
والله بنستمتع جدا بمرباعتكم المتميزه اتحفونا باالله عليكم

_____________________________________

ساعات تحدفنى احزانى على الاهه وانا حاوى

اعدى شاطىء الاحزان وتتقال عننا حكاوى

شهيد الحب ف عيونك وبحار نسى مرساه

يقولو انى مجنونك على جنونك انا ناوى

ياشاعر المناره مشكور .......فارس بني هلال

هو بعد شعرك الجميل.... ممكن فيه كلام يتقال؟

سلامتك من الجنون ......وهموم الدنيا واشغالها

عدي البحور ماتخاف....... وسمعنا كمان متقال

لو كان علي متقال اسمع الكلام مني

اصل فارس بني هلال في العين والنني

ابو شريكو ياخال والله بعده عني مجنني

ياصقر المنارة الريس متقال هديه ليك مني

دايما وفي وغيور... وطلباتنا تلبيها

جمايلك كتير.... ومين يقدر يخبيها

منك الطرب .......الاصيل وشجونه

وافعالك الحلوه ....انا ماني ناسيها

اهل الكرم والله انت وقلمك الوافي

انا يادوب تلميذك وخيرك علي اكتافي

يابخته وياسعده وياهناه اللي ينول الرضا

ويطري عليه الكبير عبدالفتاح عبدالشافي

ياريت الكل يصحي ويرجع يفوق من تاني

بقالنا ساعات قاعدين معاكم ولاحد قال هاني

ايه الحكايه متفوقوا بقي معايا شويه يا اخواني

عاوزين نلعلع كدا ونفوق كل الاعضاء في ثواني

يارب صرره وكلامه قدامي.... ماني قادر علي فرقاه

غنوه واشوده عشناها....بعذوبه وكتاب سوي قريناه

ذكري في خيالي مانساها ....وطيفه دايما يشاغلني

كم ساعه وانا واقف اتساءل... بأي حيله اروح والقاه

هايم فى حب اللى نسى حبى وجفانى

غدر بى وعاش العمر كله أنانى

ينسى حبه ويبيع حبيبه فى ثوانى

لا ليه شط ولاعمره رسى فى موانى

ولا عايمه اللي ماترسي.... ويجي برها بالسلامه

حبيبك طلع اناني..... وباع نفسه في سكة الندامه

حب النفس ملعون....... يندم صاحبه طول عمره

وعمره في الهوي يفنيه. لايبقي له كلمه ولا علامه

هلت بشاير الفرح والغُمة راح تنزاح

العقل يهدى شوية والقلب كمان يرتاح

سكتنا كانت صعبة ومليانة كمان بجراح

تحس أنها مقفولة بالضبة والمفتاح

حرام نحزن .....والدنيا مليانه قلوب وعقول

قلوب صافيه وعقول ....عنها الاسي مشغول

الضبه والمفتاح.... دول كانوا ف عهد زمان

وناس تعوم ف البحر.. ولا تطلع بتوب مبلول

ليل طويل وتحس انه مالوش فجر

وبدل ماتعد يوم تحس أنك بتعد دهر

دايما حاسس انك عايش فى قهر

أوبتلعب لعبة أساسها هو الزهر

رسيت مراكبى على شط أحبابى

قلت انا كده مبسوط وكمان راضى

أول مانزلت راحت كل أمراضى

لقيته شطهم بس ياللأسف فاضى

ياللى نسيت عهدك وبعت كل أحبابك

ورجعت تانى تندم أيه بس اللى جابك؟

ماهو أنت لوعرفت تحسب حسابك

مكنش اللى صابنى رجع وصابك

كلامك صح ......من يومين قلت لي انا مخنوق

واللي صابك صابني..... وياريت اقدر انا افوق

باين حسبناها غلط........ انا وانت والسامعين

دور لي علي دوا عندك.... يريح القلوب وتفوق

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى