مسابقة شعرية في الرباعيات لأعضاء المنارة

يازين الشباب سلامتك ......م الجروح وافعالها

فداك العمر والانفاس........ ياراجل ولا تقولها

تلميذ نجيب وشاطر ......... ومقداره عم عمام

اصبر علي بلواك .......مسير الزمان مايزيلها

الله يخليك يازوق

الشرف لي انا والله

تسلم لي يارب

انا من غزل منى العنكبوت بيته

قالولى اخطب وشوف قبل الجمال بته

احترت ياناس وشوش الناس مغشوشه

الفكره مش فى العروسه الاصل فين بيته

الاصل موجود ......بس عاوز له عيون صاحيه

مكانه عتد الرجال .......وبنوا له هناك ضاحيه

عشان ام الجمال وبناتها .......الزينه والاخلاق

خدها اصيله ........ولا تاخد ام زويقات رايحه

هى كده النسوان بجمالها تتعايق

الرحمه ع الغلبان ............الهم فيه لايق

استرها يا ستار لايكون فيه حريم صاحيه

سامحونا يا نسوان انا اصلى متضايق

_________________________________________

العمر غالى ياخالههههههههههههه

قولتلى انزل الساحه فتشت فى جراحى

غنيت لقيت البكى غلبنى ف نواحى

ياهل ترى يابين مافيش صديق غيرى

واهو حتى خالى نام ______وانا الصاحى

يمكن تنام العين لكن الفؤاد صاحي

وجيراني شكوا من تعديدي ونواحي
الغربة صعبة والزمن دوار
ومنين الاقي الدوا لدموعي وجراحي

ياناسينى وأنا اعيش العمر كله ماأنساك

العين عليك تبكى والقلب كمان يهواك

أبكى عمرى كله ولا أسمع فى يوم بُكاك

أعيش عمرى أحلم أنى فى يوم القاك

غصب عني يا وليدي... فرق الشباب من العواجيز

كنا زمان نسهر.... بالاسابيع ولا تهمنا المعاجيز

لكن للسن حكمه....وظروفه ماهو كله م الاعمار

مناي اساجل معاك العمر.... ويزقنا ربنا التماييز

زين الكلام والله لما يكون من الرجال العال

اسمعهم ياولدي وافهم معاني الكلام والسؤال

المدير بيبدع وري منه الصقر تلاقيه قوال

اصح يادرش ومتكسفنا دنتا فارس بني هلال

لما الانوف تنكسر والعزة تتبحتر
لما الرجال تنحبس والندل يتمختر
لما الأصيل ينحنى والندل يعلى يدوس
يبقى الزمن معكوس والصح مستنكر

راكب حصان الكلام وسيوفى مسحوبه

متخافش ياابو حسام الهمه مطلوبه

ومهما نغيب عنكم ورانا رجاله

والكلمه مش بالساهل دا الكلمه محسوبه

هو دا الكلام يا درش وهو دا المردود

انا قلتهلهم خدته مننا الايام بس مسيرة يعود

دا فارس وقوال انا عارفه واسألوني عليه

لما يطرب يغني ويتمايل علي نغم العود

دايما بتنصرنى بالرغم م التقصير

الوقت جابرنى بيفوت معاكو قصير

تسلملى ياابو فاطمه وتعيشلى ياابو حسام

الوقت زى الجن بيفوت بدون تحضير

ريح بالك ياصاحبي من الوقت وسنينه

هتفضل تعاتب فيه وفعلك هو اللي بيزينه

ياصاحبي ريح بالك حبه كدا منه

فعل المحبه منك هو اللي عاوزينه

هى الى دايمه ياصاحبى ومادايم غير الواحد

الكل هنا هيزول هنروح واحد واحد

يارب حسن الختام واكرمنا بالجنه

صلى على طه قبل الصلاه وحد

هو الوقت ميهمش .....مدام نسمع كلام الزينين

الكلمه تسوي الوف .......اذا طلعت من الحلوين

كلام محسوب برزانه........ والكل بيه فرحان

قعدة الفرسان حلوه...... الثانيه منها بقدر سنين

عفوا المساهمتين

نزلوا مع بعض

اعتذر

ولا يهمك ياعمنا

نقول كلامنا الزين من تاني للخلان ونعيده

الصقر قاعد معانا وعبر اهو عن مواجيده

ابو عدلي طلع فارس وماسك الرمح علي ايده

وابو شحات قاعد يهاتي من الصبح مستني حد كدا يفيده

راجل يا ود اخوي .........والكل يشهد لك

وفارس بني هلال..... ليه يومين بيندهلك

تركته انا وغلبني... سلطان المنام ونسيته

واللي يضيفنا في البيت.... تعتبره من اهلك

كلامك كضرب السيوف الرهايف حلو وعاجبني

طالع من القلب موزون بميزان الدهب وعاجبني

عمي وحبيبي ومن بعدي تكون عم لبنتي ولاابني

اعمل ايه معاك بكلامك الحلوا دايما اشوفك بتغلبني

ياللى الكلام من حُسن لسانكم أتكسف

حس انه مالوش طعم وخلاص أتكشف

بلغ هروب وقال أجرى يا أما هتنسف

الكلام خلص خلاص والريق نشف

سلامتك يارشيق .....من الكسوف وافعاله

دحنا بنطرب بيك .......من الذوق واجلاله

من غيركم القعده .....ماتحلا ولا ليها طعم

صغير السن لكن ......عالي المفام باقواله

هو كدا سعيد علي طول الوقت ياعمي

قاعد منكد علينا وشايل همه وشايل همي

متجيب ياسعيد همك اشيله انا والصقر معاك

وحط همك علي همي وتعالي نقول للصحبه اتلمي

يا أبوحسام الهموم أحنا نشيلها الهم

بوجودالأخ والصاحب والخال والعم

واللى مالوش أحباب عيشته تبقى غم

مافيش حاجة عندى من حبكم أهم

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى