مسابقة شعرية في الرباعيات لأعضاء المنارة

قالولى على دوا ياريت ينفع معاك

واتمنى من قلبى أنه يكون فيه شفاك

خليك معاه وماتروحش لاهنا ولا هناك

لو ذكرته مستحيل فى يوم ينساك

كمال العلاج والله يا اخوانا في الذكري

الذكري تنفع المؤمن وتكفيك مني الفكرة

اعمل للغفله وسيب اليوم بهمومه وأحواله

وما عليك ياصاحبي الا تفتكر عذاب بكرة

تملى تفكرنا ببكره وتتكلم عن العذاب

اللى مشى معاك كسب واللى سابك خاب

والشعر الأسود من فرقتك كمان شاب

لسان طول عمره حلو وعمره ما عاب

باقى على العشرة ولا خلاص الحبيب باع

دى الحبيب من غير حبيبه زى عيل وضاع

عمرك ماكنت قاسى ومتعودتش منك عالخداع

كنت لى أخ لى سبتنى ومشيت فى سكة الضياع

ع العشره انا باقي...... وهستني طوال العمر

وهصبر كده حالي...... واجيب النياق الحمر

ندرن علي لدبحهم ...اذا في يوم الحبيب جاني

واعزمكم انا ليله.... واخليها من ليالي العمر

رياح الدنيا تيجى عكس اتجاه مراكبنا

مكتوب علينا البكا وأحنا رضينا بنصيبنا

ماهو اللى يصيب الحبيب أكيد راح يصيبنا

أحنا ماشيين فى سكتنا ولا الزمن غاصبنا

اسمع كلامي وانتبه معاي للدور

اخوك الصغير ولازم معاك اتم الدور

سيب الدنيا ياولدي وانساها وارتاح

هي كدا رديه بتدي كل واحد دور

رديه الدنيا فانيه .......ما لهاش امان

الندل فيها كاسب .....والمجترم متهان

تميل علي الاخين .......تاخد عزيزهم

ماتخلي الا ..........خاين ردي وجبان

نقول ايه علي الدنيا صغيرة... فدان

ياخوفي منها ...وياخوفي م الزمان

تشبه غزيه وماليهاش الدنيا والله امان

كفانا الله منها وفعلها يشيب الولدان

نروح فين م الدنيا .....الندل خسارة الربايه فيه

ياكل في خيرك ..........وسرك للغريب يحكيه

كمان توضع السمن......... مطرح الزيت تعدمه

قالوها زمان .........كل اناء ينضح بما هو فيه

هي كده غرور بتدينا قفا ليه

امال فين عدلك وعامله كدا ليه

دايما قاسيه علينا وخدنا منك ايه

متعيد معايا الحساب وقلي خدنا ايه

هي الدنيا لما بتدي ..... ياساتر منها

بس بتاخد كد ماتدي........ الله يلعنها

خلقت ربك طبع..... وفيها متنسهوش

بس العاقل ياخد باله ...في يوم يفهمها

ايام وتعدى ........والعمر يتقضى
ليش تعاتب الايام ....مدام من فضى
ايام العذاب تروح ..وتكون م الماضى
صح الايام دول. .ودا كلام مش فاضى

ياللى تشكى دنيتك وتسألها ليه ظلمانى

ويوم ما تديك وشها تقول الخير جانى

مايحسش بظلمها الأمن عاش العمر يعانى

أما اللى يحبها تقولوا ظالمة يقولك وأنا مالى

يرتاح م الدنيا اللى الضَهر يدِّيها
وكل ما تيجي في ايده بسرعه يرميها
واللى يعرف انه مهما طال عُمره مسافر
دنيا غرورة وفانية مفيش خلود فيها

أهى هى الدنيا بس مين يعرف معنى الكلام

اللى يعيشها صح هو اللى عاشها والسلام

اخد منها احلى مافيها عاش فيها على الأسلام

خرج منها بعلم ونور وشق فجر الظلام

مين يقدر يعيش...... ف الدنيا ويكون وحداني

العزوه مطلوبه... والصحبة الجميله شئ رباني

لا منهم غني........ ولا حد يقدر يعيش فرداني

اللي رضاني.. اني عشقت الاهل والخلان بتفاني

ياللى عشقت أنت أكيد كمان معشوق

ليالى الهجر بتزود فينا نار الشوق

وربك رزاق يبقى أنت أكيد مرزوق

واللى دايما يسامح دى اجمل مخلوق

قلت لك خلينا بعيد .....عن العشق والاحزان

ايام جميله وحلوه ...وليها ذكري مع الغلبان

كنت اقول للدنيا اتهدي...... الحبيب راضاني

وامشي اتمختر... كما طاووس وليه صولجان

ناولنى ياعمى من فنك كده مكتوب

الصبر منى نفذ اكتبلى حداك مكتوب

علشان يصبرنى على وجع القلوب واقدر

ولا امتى هصبر......... هو انا ايوب

بكتب لك مكاتيب ........تهد جبال من طولها

الصبر زين ياولدي ........وحسنته ماتطولها

مش كل من صبر...... ع الماسي بقي ايوب

فيه من صبر عمره.... لكن الشكوي مايقولها

انت فين يا ولدي .........قلبت المواجع بحده

ماكنا ساكتين وراضيين .....جاتنا منين شده

كلمتنا كلمتين............ كانك الريح ومضيت

مش برضه اللي يقتح باب............. يسده؟؟

هترد عليا ولا ........اقول قول ماهو زين

ليه تقول الشعر..... مدام للكلام ما توزين

قالو عليك فارس....... بني هلال وشاعرها

ماهي شيمة الفوارس ..تهرب وتنسي الدين

....................

تقبل دعابتي فارس بني هلال

هونت جرحى ياعمى لكن الجرح متدارى

خايف اقول اه عازولى ساكن دارى

نعم قتحنا البيبان لاكن انا تلميذ

اضحك وانا مكسور واكتب ومش دارى

على قلبى زى العسل ياكبير

ومعلش القافيه اتغيرت لانى ارسلت المساهمه فى توقيت ارسال مسا همتك الجديد

وانا لى الشرف ان اساجل مع عملاق مثل حضرتك

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى