مسابقة شعرية في الرباعيات لأعضاء المنارة

شويه شويه ياحماده...علي العوجيز انا وعمك صلاح

والله غصب عني بشوف كلامك وكلام الاستاذ صلاح بياخدني الشوق واحن لزمان وليالي زمان
ومقدرش امسك نفسي جوايا كلام كتير وبعبر بيه بسرعة البرق وبقول اي كلام شكلي كده وبعك ولا ايه ؟ هههههه
حقكم عليا بس كلامك ليه مفعول السحر والله العظيم صعب
يشوفه انسان ويمسك نفسه الكلام بيطلع من القلب مباشرة ويكتب بدون مراجعه كمان
حقكم علي راسي

يا من تناجي القمر في ليلك
وعاوز يكون نور النجوم دليلك
خلي ابو النجار من اشعارة يديلك
والصقر من بعد منه يأسس ويبنيلك

يا ربي انت عالم بالقلوب وزيادة

دا حُسن القول يصحي الكل وعبادة

واللي ما يقدر يشيل الهم وسيادة

يعيش من غير طعم أولون وريادة

والله لانا قاعد ساكت شويه انا متسرع فعلاً ههههههه وملخبط ليكم الموازين

الله الله عليك

طيب

كنت ناوي ابطل الشعر...... واسيب ايامي وظنوني

لقيت الكلام من ذهب ..........بكيت بعيوني وجفوني

اصلي انا من دول .........وليه العوازل يلوموني

يلوموا الخسيس احسن اللي لو مات ماتدمع انا عيوني

يلا ياحماده ورا عمنا صلاح

وانا وراكم

اتقضل

يبقي الاستاذ صلاح يرد الاول وانا وراه

ماشي الكلام

اتفضل ياعم صلاح

والله العظيم كلكم فن وذوق وأدب ولا أقوى على هذا أبداً

ولا أملك إلا أن أقول بارك الله فيكما وأعزكما بعزه وكرمه

تعيش ياعمنا واستاذنا

احنا لينا بركه الا انت

ياه كانت زمان الدنيا حنانة على الغلبان

وتتعطف على الفقير وفيها ولا يتهان

بقت ما حد عارف يمسكها ولاينصان

وآه من الوجع اللي مألمني وف المليان

نقول يارب ترفع عننا الهم والاحزان

وتغني كل فقير وترفع الاهات من التعبان

قولة الاه بتوجع وتتقال في كل مكان

حلفتك بالنبي الغالي تنسي وتصلي بينا علي العدنان

نسيك الحزن والهم ياعمي بروحي انا افديك

سايق عليك النبي تنسي. دي الدنيا من بعديك

ظلمه ظلام القبور....وليل الحزن ما يواليك

عاوزك تلعلع في القلوب ..وساعتها انا ارقيك
.............................

ارقيك بسكون الراء وكسر القاف

هي القافيه صعبه ولا ايه؟؟

طيب

كل الحبايب جفوني............ اقعد انا مع مين

قعدت عيان م الجفا ..........وانده واقول يا مين

كشف الطبيب وقال..... انا عارف الدوا مع مين

طق العليل مات ....من قولة حق الدوا علي مين

نامت عيوني وقلبي معاك مش قاف

دا الأشيا معدن واللي غلب مش كاف

وأبو الفوارس ركب الحصان وما شاف

إلا النَعَسْ والرزق بَالله وعمره ما خاف

في العمر لحظة تخلي الزجل له يوم

وساعة الحظ بتنسي السهر والنوم

والراجل الجدع يتعلم بكفه العوم

والكلمة تعلمني من غيرخجل ولا لوم

مافات العمر منى من غيرمأحس بيه
أزاى بنى أدم ممكن يرجع ماضيه
دى العمر قصير واللى فات أجمل مافيه
واللى ماضيه يبيعه مين يوفى ليه

هيمان في حب النبي والصحب والآل

ومين يحسم ظنونك من كتر قلنا وقال

واللي يروح للولي يعرف إنّو ما طال

إلا الوداد ويفرح بيها الحبيب في الحال

لحباب كلامهم دوا ......لليسمعهم
نايم انا وفى الحلم ....... بسمعهم
على دق الزار ......صحيت ملهم
شوفت كلام اصيل والاصل منهم

مين يقدر على فراق الحبيب مين

ومين يقدر يقول انه يقدر يرجع بالسنين

حبيبى معايا ومين تانى يهمنى مين

يا اللى هويته أوعى يهمك ملام اللايمين

نقول الحيا راح والوش ...مكشوف
الاحباب قالوها والكلام ع ...المكشوف
البنت تطلب الحلال من ...غير كسوف
برقع الحيا راح كانه فى ..حالة خسوف

فرحت الصبح لما لقيت كلام ليه معنا
العم صلاح قال حكم ......وليها معنا
ابو جمال رد بكلام........ زاده معنا
كان فيه ادب ودا..... درس لليسمعنا

انا حلمت فى يوم أمسك بأيدى النجوم
واكون قادر أنى انصف كل مظلوم
وامحى من قاموسى اى كلام مسموم
حتى لو هاعيش العمر كله مهموم

ماهو أحنا شاطرين بس فى الكلام
تقدر بكلامك تعدى بحور الظلام
تقدر تغير التاريخ وترجع الأيام
تقدر ترسم لنا خريطة للسلام

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى