عبر عن مواجيدك هنا فى المنارة

هههههههههههههههههههههههههههههههههه
الله ينور عليك يا حامل المسك

انا معاك طبعا يا استاذ اشرف من غير اليمون ولا ليه طعم بس بيني وبينك اجمل طعم ليه اعتقد انه لما يكون في وسط الزراعه زمان كنا بنشتغل في الارض ونقوم بعد الشغل او في وسط الشغل نعمله بماء بارد وبصل وعيش ياعمنا هههههه والله كانت ايام حلوه
اما حامل المسك متقلقش انا لسه برضوا بعاني لاني جوزت واحده وفاضل التانيه ادعي ليا وانا هدعيلك هههه
يا استاذ اشرف ايه رأيك في الزواج زماااااااان وتكاليفه وما الفرق بينه وبين زواج اليوم من ناحيه التكاليف هل العيب عند العريس ولا عند العروسه واهلها ويرجع لسبب الغيره ان فلانه جابت وفلانه سوت ولازم البنت تطلع زي فلانه واحسن منها في جهازها
ده طبعا كلام الامهات ربنا مايحرمنا منهم ويخليهم يطلعوا عنينا ههههه
اتفضل ياباشا عرفنا

الشلولو
هذه الأكلة فرعونية قديمة، ذات قيمة
غذائية كاملة، سهلة الهضم، طاردة للغازات

المقادير
3 كوب ماء بارد
1 ليمونة
نصف بصلة (مقطعة قطع صغيرة)
6 قرون ثوم (مفروم)
1 كوب ملوخية ناشفة
ملح حسب الطلب
توابل (شطة - كمون) حسب الطلب

الطريقة
نضع الماء فى إناء متسع.	.1
يقطع الثوم والبصل قطع صغيرة ويوضع بداخل الإناء.	.2
نضع الملح والتوابل.	.3
نضع الملوخية ونبدأ فى التقليب فى اتجاه واحد.	.4
نضع الليمون مع الاحتفاظ بالقشر داخل الطبق.	.5

والله جوعتنا يا استاذنا وريقنا سال علي الاكل الجميل بتاع زماااااااااااان

ايوه هي ديه طريقة عمل الشلولو

وربنا يعينك يا باشمهندس

وبلاش موضوع الناس تقول بنت فلانة وبنت علانة ديه

عندنا تلاقي الناس بتتنافس هههههههههههه

الجميل حمادة
جهاز العروسين كان زمان
عبارة عن صندوق وقياس وحلة نحاس
وطشت
اما الصندوق فهو لحفظ ملابس الزوجين
يعنى دولاب اما الحلة النحاس فكانت لتسخين
مياه التشطيف
اما الطشت فكان لغسيل الملابس والسبوح
يعنى الاستحمام يعنى الطشت كان يقومبدور
الغسالة والبانيو
اما القياس يعنى الحصير فكان للنوم
يعنى سرير وكان اللى ربنا فاتحها عليه
كان يجيب مرتبة قطن
اما دهب العروسة فكان عبارة عن
حلق ونس ودبوس وحجل واللى ربنا
فاتحهاعليه والحكاية مبشبشة معاه
كان يجيب لبة يعنى كردان
اما الحلق فهو معروف لليوم
اما الونس فكان ايضا مصنوع من
الدهب وكان يلبس ايضا فى الاذن
فوق الحلق والدابوس كان يلبس
فى المنخار يعنى الانف
اما الحجل فكان يلبس فوق
كعب القدم

الزواج زمان هو في بعد زواج زمان
اوضة وسرير وكنبة وياكل ويشرب مع اهله وكله مبسوط واخر تمام وكان في قناعة
النهاردة كل واحد في شقة وحده ويا ريت مرتاح ومهما يجيب ممكفيش
وخد عندك اشمعني اخوك جايب كذا وكذا اشمعني فلان وعلان
يا عم كل واحد علي كده
والله كتر خيرك يا حامل المسك
النهاردة الحاجة الوحيد اللي لا يمكن تستغني عنها العروسة هي الشقة
طيب منين وازاي في الغلا اللي احنا فيه وعمك احمد عز ولع الحديد والاسمنت نار نار
طيب نقضيها شقة بالايجار
طيب ازاي اقل شقة ب 250 جنيه
هيكفيها اكل وشرب ولبس وعلاج وكهربا وميه وكمان ايجار
انا موش عايز اعقدك يعني يا حامل المسك والا حاجة
كلنا كنا كدا بس ربك بيسهلها

ياريت ترجع بساطة ايام زمان
وطيبة اهل ناس زمان
ياريت
الف شكر اخوانى الاعزاء على المشاركة الجميلة

وصف مفصل ورائع للزواج ايام زمان من الاستاز محمد ابو العبادي نشكره عليه
احسنت واجدت والله

ههههههههههههههههههه

لا مش هتعقد يا استاذ اشرف

انا عندي مكان الشقة اتنين

الحمد لله اصلي الولد الوحيد

وحظي احسن من غيري شوية

علي فكره يا استاذ محمد
انت نسيت حاجه مهمه جدا جدا كانت ناموسيه اللي يجيلها ناموسيه تبقي عدت الفقر بصاروخ ههههه
ياعم حامل المسك انت شايف بعينك التنافس وصل لحد فين بين البنات متخافش انت مجرد ماتفتح الباب ربك بيسهلها والله ويرزقك من حيث لاتحتسب
ياعمنا اشرف بك محمد لو كل بنت طلعت بالكمبيوتر يبقي كده رضا لاياسيدي دي عاوزة دي في دي وتليفون يكون فيه انسر ماشين ومحمول اخر موديل الله يرحم السرير الجريد ياعمنا اللي كانت الام والجده بيدخل بيتهم بعد معاناه وصنعه وحرفيه تامه الان الخشب بتاع السرير لازم يكون من دوله ايه ؟ ومن المحل الفلاني واوضه النوم كانت لازم تكون بليكار ولا من ايطاليا
دلوقتي نسينا الحوامديه وطنطا ملوك الخشب اللي الملوك والامراء كانوا بيجيبوا من عندهم هههههه
ربنا يرحمنا
يا استاذنا وكبيرنا الاستاذ نصر الدين والله الموضوع نور بتشريفك لينا فيه اديتنا دفعه امل انه لسه في ناس كتيييير فاكره خير زمااااان واهل وكرم وطيبه زماااااااان
ربنا مايحرمنا منك ولامن وجودك معانا ياعمنا وكبيرنا

بمناسبة الحجل يا استاذ حماده

كان مطلوب مني اجيب حجل لعروستي

بس الحال اتبدل وبقي الحجل موضه قديمة

وراح زمان الصندوق دلوقتي ايام الغرف الايطالي

ولا الغرف الاستيل ولا اقل حاجه البرنسيسة والبلكار

ايوة ايوة قول يا استاز حمادة قول
كلامك حكم والله
الحمد لله اننا عدينا المرحلة دي وربنا يكرمنا بالستر
يا حامل المسك
طالما في شقة يبقي توكل علي الله
بس استني
اهم حاجة الاختيار
خد راحتك علي الاخر بس المهم الاختيار

تسلم يا استاذ اشرف

واكيد اهم شيء الاختيار

وده اللي ماخرني طبعا وعاملي مشاكل في البيت

وان شا الله في اول زيارة لمصر ربنا يسهل

والله ياحامل المسك انت بتصعب عليا عارف ليه؟

عايل هم الجواز مسكين والحكايه دي مسببه لك ازمه

وحماده كل شويه يجيب سيرتها قدامك انا عارف انه بيغيظك

ويقلب عليك المواجع وانت ياعيني كل شويه تقول مبلاش السيره دي

ومفيش فايده فيهم

عاوز نصيحتي فيه عرايس صيني اليومين دول

رخيصه وكويسه وبنت حلال

الحاجه التانيه ياطويل العمر اسلوبك كوميدي جدا جدا ولهجتك فيها شويه

شرقاوي وشويه خليجي وشويه صعيدي وشويه بحراوي خليط عجيب من اللهجات

اشكر تفاعلك والله

انا طبعا بضحك معاك

هههههههههههههههههه

هو ايه حكاية لهجتي ديه وانا فعلا خلطة غريبة

انا بدائت اشك في نفسي

انا موجود في السعودية ويمكن اثارت عليا شوية

انما انا صعيدي من قنا

واتربيت في نجع الخوالي

واصلي من فاو بحري يعني يمكن نطلع قرايب كمان

بس اللي اعرفه وقريبي من ناحية الام هو الاستاذ اشرف

واسلوبي ساخر دايمن والحمد لله انه عجبك

وانا اللي رفضت الزوج زمان كنت لسه في اوئل العشرينات

يعني انت طلعت مقلدي من صفارة
واقولك يا خال
والله ده شرف لينا فعلا

الله يعني طلعتوا في الاخر قرايب ؟
وماله زادنا الشرف ياعم حامل المسك لكن برضوا اعمل حسابك يابني الجواز اليومين دول مكلف اسمع كلام عمنا عبدالفتاح صقر المنارة اختار واحده من انتاج الصين هتلاقيها بعشره دولار ههههههه
رخيصه وامنه وفعاله نحله بتدور في البيت ومش هتتحكم فيك بالعكس دي بيجي معاها كتالوج تشغيل وريموت كنترول ههههه
يعني كسبان من الناحيتين
ابسط ياعم
بس خد بالك الحاج عبدالنبي الرنان لو تسمع عنه قال حكمه جميله
تاجر نزل السوق بدو يشتري غالي
لقي الجواهر رخيصه اما الصدف غالي
زعل الجوهرجي ع التين وقال اتبهدل الغالي
والمعني في بطن الشاعر ياعم حامل المسك
انا مش بعقدك انا بنصحك لاني عديت من ضمن الاحرار اللي سبقوا في الثورة الزواجيه ههههه اينعم حديث لسه في الزواج من حوالي 6 سنوات بس عديت والسلام

لالالالالا من ناحية امي انا يا اشرف

يعني امي من البواتلية هههههههههه

بس انت برضه مجاوبتش علي سؤالي ؟

ليه اشرف وحماده يجيبوا لك سيرة الجواز؟

وبعدين انت غلطان فيه حد يرفض الجواز؟

علي الاقل مكنتش هتصرف زي دروك

صح ولا لا ؟

يعني طلعوا قرايب ياحماده

واحنا يعني ملناش قرايب انا وانت؟

بس اليقرب لاشرف يقرب لنا رضيت ولا مرضيتش

لالالا

صيني ايه انا مش بحب شرق اسيا

ولا منتاجاتهم وربنا يصبرنا علي المصري هههههههههه

ومتقلقش مش هتعقد يا استاذ حماده مجبر اتجوز هههههههههههه

واشرف وحماده اتجوزو وشكلهم بينصحونو مغلطش غلطتهم ههههههههه

وليه مش اتجوزت علشان مكونتش بشتغل وقتها واهلي اللي هيجوزوني

وده مش صح في وجهت نظري

تعرف قرية اسمها الحامدية او الياسنية بحري

نزل منها محمد عبدالراضي علي انتخابات مجلس الشوري يا استاذ عبد الفتاح

شكلي هقول انا مين النهاردة هههههههههههه

ايوه هو ده الشغل اظهر وبان عليك الامااااااااااااااااان
عاوزين نتشرف بيك ياجميل يارائع ياحامل المسك
قوووووووووول سرك في بير

اطلع بيها وقول انا خالك ماتخفش

يشرفني يا استاذ عبد الفتاح

وانا بقولك اصلي من فاو بحري يعني يمكن تطلع تعرف حد من اهلي

وتحت امرك يا استاذ حماده

اولا اسم حامل المسك هو اسم شهرة علي النت

لكن اغلب اصدقائي يعرفو اسمي

واسمي هو محمد موسي

» فضل المنارة
» معا من أجل المنارة
» الى كل محبى المنارة
» طابع المنارة
» اين وردة المنارة ؟؟