شعر مصاطب اتفضل قول

موضوع: شعر مصاطب اتفضل قول 17/6/2010, 8:59 pm

ندل ميت وهو حى ماحدا يحسب حسابه

قاعد مابينا ذى الترمس النى حضوره يشبه غيابه

موضوع: رد: شعر مصاطب اتفضل قول 17/6/2010, 9:13 pm

............
كان ليـَّـا غيطى وجُـْرنى
سايرين على خـَـّط أبونا
خـَـلـُّـونى هـّديت فـُـْرنى
واسْتَـنـَّى عيش الطابونه

موضوع: رد: شعر مصاطب اتفضل قول 17/6/2010, 10:00 pm

اثناء مرور احد المزارعين علي زراعاته

وجد شخص جالس امام غيطه وبياكل فول اخضر من الزرع

فقال له

قاعــد هنيتي كما غول*********ليلك نهارك تسارع

ماخليت ولا قرن في الفول *******لما خربت بيت المزارع

؛؛؛؛؛؛؛؛؛؛؛؛؛؛؛؛؛

موضوع: رد: شعر مصاطب اتفضل قول 17/6/2010, 10:09 pm

حلوه دى يا استاذ عبد الفتاح
والله شعر المساطب دا جميل
والناس دى كانت عبقرية
واليك هذه

العرق للعرق دساس
والحرب تبدى بخناقه
والدم ان يغلى دا الساس
وكليب غوتر فى ناقه

موضوع: رد: شعر مصاطب اتفضل قول 17/6/2010, 10:17 pm

صاحبي اللي داينته كذا دين ******لما دايني اشتكاني
ونصبلي في السوق مزادين*****وعملني قصة وحكاني

موضوع: رد: شعر مصاطب اتفضل قول 17/6/2010, 10:27 pm

يشكر ابو العبادي ال فتح هذا الباب يااخت زهره

والشكر موصول لك ولكل المساهمين

مضـــــــــي زمــــــــان الكلبــــــــــات****ولمض الصفيـــــــــح بطلوها

شوفـــــــــــوا الـــــــناس الماليها ابات****اصبحت اليوم تحلف بابوهــــــا

(الكلبات بضم الميم واللام وفتح الباء

احسن تفكروها كليبات

موضوع: رد: شعر مصاطب اتفضل قول 17/6/2010, 10:30 pm

والدنيا ما تسوى قنديل*****ولا تسوى انك تطاطي
مايقندل العيشة قنديل***** غير مشي ابو أصل واطي

موضوع: رد: شعر مصاطب اتفضل قول 17/6/2010, 10:32 pm

عارفاه يا استاذ عبد الفتاح
الكلوب دا عامل زى مصباح غازى
زى اللمبه الجاز
صح ولا انا غلطانه
وانا اضم صوتى لصوتك واشكر الاستاذ محمد
على الموضوع التراثى الجميل

من مُدّة ع النيل ما بـِـنـّـا
ولا طيفـُـه داعب جفونى
إيه اللى بعّد ما بينا
شكِّـك دا .. ولاّ ظنونى..؟
**
من مُدّة ع النيل ما بـِـنـّـا
ولا جـَـوُّه عطـّـر تيابى
إيه اللى بعّد ما بينا
شكِّـك دا .. ولاّ ارتيابى

موضوع: رد: شعر مصاطب اتفضل قول 17/6/2010, 10:40 pm

اشكر هذا التفاعل مع شعر المصاطب

غربى بلدنا بلد فسيح وادى الهلف ماشى ورانا

مش عيب كراسى التماسيح تقعد عليها الورانا

الورنة يعنى

موضوع: رد: شعر مصاطب اتفضل قول 18/6/2010, 12:10 am

جميل جدا والله اسعدتمونا بالشعر الجميل والمداخلات الاجمل من الاخوه والاساتذه

محمد ابو العبادي
زهرة الجنوب
احمد السنبسي
عبدالفتاح عبدالشافي

اميل علي مين ياعم غير ذندي واقوله هات
واكل بعيشي حصا ولا اقول للخسيس يوم هات
دي الحوجه مرة قوي ياناس لو حتي من الاخوات
مش همد ايدي للخسيس لو قالوا من الجوع مات

عيني عليك ياحظ لما بتتدي للمحظوظ

موضوع: رد: شعر مصاطب اتفضل قول 18/6/2010, 9:11 am

يا صــــاحبى حـقـك عـليـا
ان بعـدك احزن ما نمشى
لكــــــــن أوامـــر عـليـــــا
الدنيـــا بعــدك ح تـمـشـى

موضوع: رد: شعر مصاطب اتفضل قول 18/6/2010, 9:19 am

الصقر عينه حديده*****تعمى لو النو جاها
ممكن تبات ع الحديدة*****بعد الغنى والوجاهة
حديده = حاد البصر
النو =الضوء المؤلم

موضوع: رد: شعر مصاطب اتفضل قول 18/6/2010, 9:37 am

النصر هيهل لمه
نمحى الوهن م القلوب
ونلم بعضينا لمه
ونعدل المقلوب

موضوع: رد: شعر مصاطب اتفضل قول 18/6/2010, 4:52 pm

انت شاعر وفنان وهاتلى الفن من جذوره كيلى البحر بفنجان وهتلى الجمل محمل على ناقة قالو ايوه انا شاعر وفنان وتعالى خد الفن من عندى قيسلى مابين السما والارض كام فدان وتعالى خد التقاوى من عندى

موضوع: رد: شعر مصاطب اتفضل قول 18/6/2010, 5:09 pm

تعباني من يوم جوازي
والقلب شايل بلاكي
طلعت لاجلك جوازي
وما قدرتش ارحل بلاكي

موضوع: رد: شعر مصاطب اتفضل قول 18/6/2010, 6:06 pm

حلوه يازهره
مادام تعباه
ليه مايسافر وحده

جميله واخده جبان ياناس وراضيه بيه
يصحن لها المر ع الكفه وراضيه بيه
قالت الله يجازيك يابوي انت السبب ف الخط
اديتني ل جبان من المغرب ينام ف الخط
البين عليا حط واهو غلبي وراضيه بيه

العجــــــــــــــــــــــــــــــوز

موضوع: رد: شعر مصاطب اتفضل قول 18/6/2010, 7:56 pm

جس الطبيب في عضاي وقال لهم عالمين

العله ماهي مرض والا انتو مش عالمين

هاتوا الدوا وابروه قالو نروح علي مين

طق العليل مات من قولة حق الدوا علي مين

موضوع: رد: شعر مصاطب اتفضل قول 18/6/2010, 9:10 pm

نعم يا اخت زهرة هو ده الكلوب

ولكن كان يتم الاشعال فيه بداية بالكحول

وكان ضوؤه شديد جدا

ولكن يبدو ان الضلام هو اللذي كان اشد

لذلك كنا نشعر بقوة ضــــــــــــــوءه

؛؛؛؛؛؛؛؛؛؛؛؛؛؛؛؛؛؛؛؛؛؛

موضوع: رد: شعر مصاطب اتفضل قول 18/6/2010, 9:17 pm

الرائع حمادة شحات

شكرا لاطرائك
ووالله كلامك مضبوط
ولازم من الاعتماد علي النفس ولا الحوجه للناس
حتي لو كانوا اقرب المقربين اليه
كفانا الله واياكم شر الحاجه
اميييييييييييييييييييييين

؛؛؛؛؛؛؛؛؛؛؛؛؛؛؛؛؛؛؛

موضوع: رد: شعر مصاطب اتفضل قول 19/6/2010, 12:48 am

محدش خالي من الهم حتي الحصي في الاراضي
اوعي تقول للندل ياعم لو انت نايم علي الاراضي
خشب المراكب من ا لسنط في البحر ياخد مهاجه
واجب علي الحر يتبع السنط لما الندل ياخد مهاجه
ابوزيد والام خضرا لابس نضيف الخلايق
ومدام فيها زيت وخضرا معمل حساب الخلايق
وليه يازماني تكلني علي جسمي ماحامل الخلايق اروح للوحوشه تاكلني ولاتذلش للخلايق
سيبك من العبد والسيد انا ماسيد الا لسيدي وسع كروبها لما تضيق يوم الغضب ده يوم عيدي
شكراً للمبدع الاستاذ/ محمد العبادي والاستاذ /عبدالفتاح عبدالشافي
هما اللي فتحوا الباب اللي كنا ناسينه

موضوع: رد: شعر مصاطب اتفضل قول 19/6/2010, 8:58 am

بيقول لها:
يا حلوه ياللى العنب خضر على جسمك
ليا سنة حول بادور على اسمك
قالت له:
اسمى سلوك الدهب فى علبة الصايغ
فرحان يا مشترى ندمان يا بايع

موضوع: رد: شعر مصاطب اتفضل قول 19/6/2010, 11:55 am

قالوا يا جحة بقرة ابوك اخدوها الحرامية قال عند ابويا والحرامية واحد

موضوع: رد: شعر مصاطب اتفضل قول 19/6/2010, 12:13 pm

حارب ماتخشاش ميتة
موت الفراش مش بطولة
تتحرر القدس ميته
والكل واقف بطوله

موضوع: رد: شعر مصاطب اتفضل قول 19/6/2010, 12:21 pm

شجرة الحبايب ما تنشاف
ورقها أخضر يلالى
لابد الحبايب ماتشاف
لو طالت علينا الليالى

موضوع: رد: شعر مصاطب اتفضل قول 19/6/2010, 12:32 pm

طبيب الجرايح قوم اِلحق
وهات لي الدوا اللي يوافق
فيه ناس كتير بتعرف الحق
ولاجل الضرورة توافق

» صور تحير العقل والنظر اتفضل جرب بنفسك
» من روائع الرسم علي الارض اتفضل شوف بنفسك الابداع
» أنت مطلوب بالاسم اتفضل ادخل للمسابقة الثقافية الاولي
» نتابع كل ماهو جديد في المنارة اخيراً افلام رعب لكل محبيها اتفضل معانا