مسابقة شعرية في الرباعيات لأعضاء المنارة

قالوا زمان فى المثل والمثل أحكام
حرب أكتوبر ماشفنهاش الأ فى الأفلام
أوحتى كلمة حق يخرج صداها من الاقلام
أبن الشهيد مستحيل يوم يبقى من الايتام

مهما تطول الايام ويا السنين
لنصر اكتوبر كلنا عليه شاهدين
دماء الشهيد روت القلوب ونزلت دموع العين
افرحي يا ام الشهيد بدال الجنه دا ليه اتنين

نايات الحزن عزفت أجمل نشيد
مش هنوفى حق الشهيد مهما نشيد
أونقول كلام له معنى أوحتى مفيد
عمرنا ماهنوفى دينك علينا ياشهيد

دموع العين ماتكفى ولوكانت بحار
مستنين رجعتك تنور لنا الدار
ياللى حققت لبلدك أعظم انتصار
ياللى فى وشك هلت الأنوار

رايحين نهني ونبارك ......لابطلنا في ارض النصر

عيد الرجال اليوم يستاهلو... نسكنههم ف اجمل قصر

ونقيم الفرح وذبح الولايم ...من العشا لحد العصر

واغني مواويل جميله تعجبك واقول تعيشي يامصر

رموز سطرت اسمها من ذهب
وأحنا معاه على فين ماذهب
دى هو الطريق وهو المذهب
وعن سكته عمرنا مانذهب

بليت ريقي ياوليدي........ بكلامك المعسول

ندرن علي لو البطل جاني ......هغني واقول

ليك وحشه ياصنديد .......واشتقت انا للقول

واعمل عزومه تليق واعزف علي الارغول

ليالى الفرح فى عمرنا معدودة
وطريق الحب على طول مسدودة
مافيش غيره فرحنا باحلى أنشودة
خلى قوبنا كأنها دلوقتى مولودة

هتسدها ليه ياسعيد واحنا صدقنا مافرحنا

لانحمل لوم العوازل ولا عدو ياجي ف ريحنا

القلب دايب من الفراق . ماعوزش ليه تفرحنا

نصيحه مني افرح وزغطط نوح الاعادي يريحنا

أحنا بايدينا اللى بنصنع الفرحة
ونخليها عروسة جميلة بالطرحة
وأحنا الى خليناهم يلموا الجرحة
وسقناهم من الكاس نفس الجرعة

هات الحاجات الحلوه دي...... وخلينا نقول كلام جامد

ايوه كده ياسعيد ............... الرد لازم يكون بالجامد

خلي الاعادي يحسوا.......... ان مصر فيها بطل جامد

ولايهمنا منهم مردود عيهم الحقد وان شاء الله يكون كامد

دول شوية اندال وعمرهم مايحسوا
لونعرف انهم يزعلوا كنا بيهم نتوصوا
وهما لوبيفهموا كانوا قدام طريقهم بصوا
وعرفوا انهم عمرهم فى أرضنا ما هيرسوا

انا قلت كده برضه ...........لازم للحديت يوعوه

من امتي كانوا بشر...... حتي موسي الكليم وجعوه

بحججهم الفارغها للي تحير....... حتي العجل عبدوه

ياريت يتعلموا الدرس وكتاب مصر من الاصل يقروه

هافضل أغني وأرد يا فتاح

أصلي الزمن دا كله نواح

والرحمة للي عدى وراح

رفع العلم وفي إيده ألف سلاح

حمدت ربي لمّا النصر ده جانا

والقلب دا انكوى والكسرأعيانا

من ذل اليهود واحنا اللي دعانا

المولى من كرمه بالجهاد وادْانا

احلام كتير .....لابد تحقق
اكتوبر نصر ..اكيد اتحقق
جيش حلمهم الكبير اسحق
الله اكبر شعار ..على حق

قادره امتى تنهض .......من تاني
نداوي الجروح ونواسى ال بيعاني
شاري انا امتى ......وهى بيعاني
فرحة النصر حلوه ..وكلها معاني

ياغزة نارك فى .........الحشى كوينى
تنادي على وتقولى ......ياخوى مجينى
مشعل وعباس مختلفين .وهما من دينى
اتفقوا عشان تفكوا ...الحديد من ايدينى

يوم التحرير بحق يوم مانحررك ياغزة
يعلم ربى انت ومصر لكم عندى نفس المعزة
بكرة ينتهى الأسر ويعود من تانى زمن العزة
نفسى فى يوم احس أن أوطانى لتحريرك جاهزة

تعجبنى فيك............. سرعة الرد والتفعيل
القضيه ساهله ...........ومش محتاجه تعليل
دم العرب واحد وبينى وبينك ..نتيجة التحليل
كل المدن واحد مفيش فرق بينها وبين الجليل

ليالى الظلم فى دنيتنا تخلى الحجر يتكلم
وطول ما أحنا عايشين أدينا كمان بنتعلم
نكون أحنا الظالمين ونروح للناس نتظلم
لازم نفوق لروحنا بدل مانعيش حياتنا نتألم

مليون شهيد سطروا كتاب التاريخ
مش هتلاقى زيهم حتى ولو فى المريخ
دلوقتى بقينا فى زمن تحسه مسيخ
دى حتى المسخ ممكن يحس بالتوبيخ

خايف أعيش فى الوهم ويخدعنى زمانى
أصحى فى يوم أدور ملقيش حتى مكانى
يسرقوه منى وافضل أسب فى الجانى
وأخوى يا اما سابنى له يا أما نجانى

يا اللى زعلان من كلمة اتق الله وحاسب

وهى كلمة التقوى هينه دى جملة المكاسب

التقوى دى مطلب الكل وحصن متين ومش دايب

يارب ظلل علينا واجعل لنا فى التقوى نايب

بديت بالسلام والمحبة والاخوة
ياريت نقدر نخليها بره وجوه
نمحى من تاريخنا كلمة فتوة
يكون الحق هو السلاح والقوة

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى