مسابقة شعرية في الرباعيات لأعضاء المنارة

يا عم ابو جمال كلامك ليه صدى مسموع

ومين اللى قال ان الكلام الاصيل ممنوع

ياريت فى كل مكان لينا كبير متبوع

لكن الكلام والنغم لابد ليه صدى مسموع

علي مين اللومه ياقلبي علي مين
حبايبي فاتوني وتركوني علي مين
صقر المنارة الجميل احنا ليه تابعين
تبعد المسافات ولكن القلب شافه قبل العين

ياللي نويت ع الجواز شوف الاصول مع مين

دور ونقي لعيالك خوال رايح تروح علي فين

الجيزه قسمه ونصيب... بس الملام علي مين

بكره ها تندم ياولدي..... وتتلام مع اللايمين

معلهش ياجماعه المساهمتين اتسجوا في وقت واحد تقريبا

اللي يعجبكم ابداوا بيه

نحب نسمع منك همس القلب وكلامك
نشوف منه العبر وموزن ع طول فعلك وكلامك
دايما ياعمنا سابقنا بفعل الخير وكلامك
اصله المحبه دي نعمه خلقها المولي في كلامك

لا....لا...شويه شويه ياغواص مش قوي كده

ايه الجمال ده كله

كل كلامك حكم......... ولقولك انا سميع

تصف الكلام بجمال .......كانه لحن بديع

كفايه الوفا منك .......ونستكفي بالتشجيع

اصل الموده قويه ...عمر الصديق مايضيع

علي العين كلامك يا اخت الكل يازهره

وضحتي المعاني ولينا في الكلام عبره

تقولي القول مافيه ..من الخطا ولا زره

ومن سمعك يقول الكلام اكيد كلام زهره

هجرت الشعر انا والله من مده
رجعت ليه بعد حب وموده
صقر المنارة اهديه كل يوم ورده
تصبح عليه وتقول نهارك سعيد النهارده

هامتك دوم وسط القوم مرفوعه
وكلمتك من بين الكلام مسموعه
فى الرد ردودك بالحكمه متبوعه
وفى الخير تسعى بجهود مشهوده

هقبل ورودك لانها........ وسام علي صدري

وكل صباح ارويها .......واصحالها من بدري

وهدية الغاليين عزيزه... ولو هديها من عمري

وانظر حمارها بشوق واتلخبط وانا ما ادري

ياريت ياعمنا الايد تطول نجم من السما عالي
اجيبه لحبيبي اصله ساكن في قلبي وله مقام عالي
مكانك مابين الناس مرموق منتا كريم ومن بيت عالي
تشهد اصحابك عليك انك رفيع المقام مؤدب وصاحب مزاج عالي

ياناجح كلامك زين.... واللبس والهندام

خايف عليك م الحسد ..ابو عيون ماتنام

الصوره حلوه وعايزك ف الصفوف قدام

يخليك ربي ويحفظك. يافارس بدون لجام

ميل بسترك يا ليل على اللى المناره تجمعهم

بصدفه ومن غير ميعاد رب العباد مجمعهم

عرفوا طريق الوفا وعلى الصفاء اتعاهدوا

بارك لهم يارب وعلى بساط الوداد لترفعهم

ماهي غريبه عليك .......ياحماده وزياده

دايم نجومك فوق....... وجو القلب بزياده

ياصاحبي علي مهلك ف مدح الخل بزياده

يعيش الوفا ويعطيك من السنين ربي بزياده

هانت الايام ولينا اكيد هتعود
ليك مكانه في القلب انت قاعد وموجود
كلامي مهما اتزين عمره مايجيب الحدود
اصلك عزيز وغالي وربي يشهد انك في قللبي موجود

دى الكلام الجميل اللى ماحد يقدر يمنعوا
مين يقدر يفرق اللى الحب جمعوا
قلتها من زمان واسمعوا واعوا
حبنا الجميل مستحيل نضيعوا

دايم العز....... ياصاحب الكل بو جودك

ابو الكلام موزون .....والوافي بعهودك

انت الغلا منك يازين الاصل وجدودك

كلام الحبايب عسل كما البستان وورودك

كن لى شفيعا يوم كشف أسرارى

كامل مكمل وفى القلوب غالى

الزين أحمد دايم نوره وقصادى

ما راح عن عينى ولا همل خيالى

ليالى نسهر نخاطب المحبوب
وصفونى الناس وقالوا مجذوب
مايعرفوش أنه خوف من الذنوب
بس حلمى فى يوم أرجع واتوب

يوم الحساب كله مواقف
غني وفقير علي الباب واقف
واللي هيجي عليه الدور
هيشوف عجايب وانا خايف

فرحان انا من كلامكم الحلو.... ومتلخبط
ارد على مين فيكم ..وعلى مين اشخبط
ياسلام على الصحبه من غيركم اتلخبط
قبل معرفتكم كنت ...تايه وكمان محبط

ياولدى حرام عليك أخر خرف باء مباراة الزمالك بكره مش النهاردة

والله انت اللي سبقت ياسعيد هههههه ملحوقه
ومالك ياعم اسامه بتصعبها كدا ليه هههههه

طبيب القلوب مني احتار دليله
غلبت اشتكي للناس ولا اشتكيله
شاف جروح القلب قال هات حد معاك يشيله
كل اصحابي خانوني ومفيش حد جرحي معايا يشيله

يا زهرة فى بستان الخيرمحلاها
من الايمان والتقى ربى عطاها
طلاقة لسان وكم من الايمان جواها
دايم تعمل فينا مقالب وهى براها

الشارع اللي كان مليان ود وحنان
وكله ولاد بلد صاينيين بنت الجيران
في الشده كله واحد والفرح كله واحد
بقينا خلاص في غابه مبقاش فيه رحمة وامان

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى