مسابقة شعرية في الرباعيات لأعضاء المنارة

حبيب السبت فات .......وبكره التلات
فين النتيجه معدنا ......اليوم ولا التلات
شبعنا اليوم من الطبخ . وانواع الاكلات
عوزين نحلى باسماء الفايزين ...التلات

تاه العقل مني وانا بكتب في اشعاري
كلامكم الحلو لخبط العقل ولسه مش داري
داري علي بلوتك ياللي ابتليت داري
دا الناس في المنارة دول الشمس لنهاري

يا اللي وسامك تاج فوق الرؤوس منحوت

واللي يعدي عمره ما يمسك في إيده بالنبوت

وسامك أسر قليبي من جوه ومش بالصوت

هما الرجال معادن دهب كلامهم كلو سكوت

تِسلم يا طيب يا نور المنتدى يا همام
نور المنارة مزين لوحة الأعلام
ربي يزيدك من الصحة وطول العمر
يا تاج رؤوسنا دا ليك ف القلب ألف وسام

ماشى فى طريقى وناسى كل اللى فات
طويت صفحات عمرى ونسيت الذكريات
عمرى كان كله دموع وحزن وأهات
أفرح ياقلبى وأنسى واخرج من السُكات

تشتاق العين لكلامك الحلو يا ابو النجار
وانت قاعد في المدير تقول اشعار
والله بينكم انتم الاتنين الواحد قلبه احتار
ومبروك الوسام وبرافو مديرنا علي القرار

مبروك لعم الكل يا اشبال........هتكلم كلام يمكن يكون بجساره

الفرحه ملت نفسي وصليت......وشكرت ربي من فلبي وبحراره

اسود الفلا ده طبعها................ومين يقدر يعمل للاسود حاره

اشبال احنا ف حضرتك وصغار...وعذب الكلام زينت بيه المناره

هامات الرجال شايفها طولانه

دي خلت عيوني بالحب مليانه

يا ريت يا روحي يا عطشانه

ترفي عليهم ولا انتي تعبانه ؟

هقول حكمه ....وعاوز الكل يسمعها
الصراحه حلوه .....بس لازم نلمعها
صارح اخوك حتى لو عيونه تدمعها
بكلام جميل من غير تجريح لتولعها

أسهر ليلى وعينى ما تدوق النوم
واحس سماى عتمة ومليانة غيوم
على ايه بس ياقلبى العتب واللوم
الظالم هيجى يوم يكون مظلوم

متفرحش بظلمك ....دا مش هيدوم
فى يوم هتمشي من .....غير هدوم
والارض المسلوبه يقطعوها بالقدوم
ويوم الحساب ياويلك من عذاب السموم

ماتت قلوبنا أم مات فينا الضمير
القدس تنادى ابصر ياكل ضرير
هل تاهت أقدامنا أم ضللنا المسير
هل اعتدنا النوم أم وصلنا للتشخير

رحى أحلامي دوارة تلِف الكون
وانا المسكون بأوهامي وانا المطحون
لقيت أيامي واخداني ف دوامة
وانا المحتاج لضِلاية وصدر حنون

نبتدي منين الحكايه .... علشان نكون فاهمين

بحبكم اصبحنا ضحايا .... ولاتدمعيش يا عين

اغلي دموع تنزل .... لما اتلام من اللايمين

لكن قدري ونصيبي ....اصاحب ناس حلوين

نلوم الناس واحنا نستاهل اللوم
نفضل ننام ونيجى للحبايب أخر اليوم
بس للأسف الميعاد ده معمول للنوم
طاوعنى وخلى الصورة فى الألبوم

مال الاصيل انتهي ..... مش باقي من ولا حاجه

اللومه عليك انت ..... يازمن تخلي اليد محتاجه

وجود الرشيق في المنارة .... زاد الحوايج حاجه

روح ياسعيد ياعارف ...... ربنا يرزقك حاجه [ حج ] .

هلت علينا طلعتها البهية بمزان ( ميزان )

وكل واحد وله سكه ولو زان ( ازدان )

ياللي بتوزن الناس بطول الزان (خشب الزان )

ربي يعينك يخليك طبيب وزّان

نبتدي بوجودك ... نقول احلي كلام واشعار

اصلك حبيب ... وغالي يا عم ابو النجار

كلك زوقك واصاله .... وحماده فيك احتار

كل يوم تيجي بجديد .... وتمتعنا بأجمل الاشعار

ربي عليم ستار يديني منك شهد الكلام

حمادة حبك في الله خلاني في الغرام

هايم للذكْرٍ والروح بالسهر ما ب انام

حلوة صلاة النبي طول السنة والعام

مش قلت لك حلو .... في الكلام والمردود

ياعمنا بتمني من الله .... ترجع الايام من تاني وتعود

تعود ليالي الصفا .... والود يجمعنا في طاعه المعبود

اه لو ترجع ايام الصبا من تاني واقول اشعار في عينيك السود

_____________________________
طبعا الكلام عن العيون لاننا بنتعلم منك الشعر والاخلاص
وبصراحه الواحد لما ينظر لوجهك الكريم وعيونك يشعر
انه يعرفك عن قرب ومن زمااااااااااااان والله ربنا يديلك
الصحه والعافيه ياعمنا واستاذنا الكبير والمقامات
محفوظه مع حفظ الالقاب طبعاً

جهز نفسك يا صلاح باشا
للمساجله الشعريه احنا عملناها مخصوص علشانك ومنتظرين ابداعاتك فيها

دوارة قوام لايام حتلاقي الشعر شابْ

وياريت تكون في الطاعة وانت شابْ

واللي عمره فناه في الله لسانه ما عابْ

حسن الكلام بالود مش بالخناق والنابْ

أشكر لك أخي حسن الظن

وبالانتظار لأشعارك وزجلك الجميل

بالود والوئام غلب عليَّ النوم

أسيبك وإلى اللقا ف آخر اليوم

دا هو سلطان ومش عليه اللوم

وانا العجوز متحملشي إني أعوم

مرادى اضحك واتهنى معاكم
هيه الصحبه... تحلى الا بيكم
انا بتقوى بيكم ....وكلى ليكم
وكل يوم بيزداد ...حبي فيكم

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى