مسابقة شعرية في الرباعيات لأعضاء المنارة

بدر الدياجى ظهر فى القلب والننى

اوعى يا سهم القدر تاخدوا تانى منى

دا مهما جفانى وهجر عمره ما بعد منى

روحوا بعيد يا عوازل لاتخطفوه منى

ياللى عايش فى الدنيا ومش همك
هيجى يوم تندم لاهينفعك خالك ولاعمك
ماحدش هيسمع بكاك ولايشارك همك
الا ياصاحبى لوكنت واخد رضا أمك

كانت امى تاخدنى فى حضنها وتدادينى

وتقولى امانه يا بنتى ما تبعدى عنى وتعاليلى

وانا اضحك من كلامها واقول ياامه وليه تفارقينى

لغاية ما جا اليوم سيبتها وكانت سبب أنينى

ياناس صحيت من الحلم على صوت زهره
تنادي ياعم اسامة انت عايش هنا ام بره
الاحلام مش هنا عيش الواقع او ارجع بره
نزلت دمعتين دمعه ليكم ودمعه للعيشه بره

هانت ليالى الغربه والطير يرجع لعشه

لو كان شرق وغرب مسيره يرجع لفرشه

مين ليه فى وسط الغربه يداديه ويستر ضعفه

أمانه يا بحار الاغتراب هونى عليه عيشته

همومى فى قلبى ومايشعربيها غيرى
دموعى فى العين أحجرهاوأقولها عودى
من كتر البكا خلاص دابت خدودى
أبكى الف عام ويوم واحد تعودى

يا دامى القلب واشجانك تنادينى

ما تحط همك على همى يداوينى

دموعى جفت وكيف اطلبها من عينى
القلب يبكى والثغر باسم يدارينى

ياعين كيف ماتبكى على الحبايب؟
دى أنا قلبى من البكا صار شايب
غصبا عنى الدموع منى تهاب
نزولها يمكن يجرح الأحباب

بكل ماتحمل من معنى كلمة حب
أدعى وأتمنى القبول من الرب
نفسى فى يوم القى الحبيب
حتى لو الموت كان ليا نصيب

بكره يا صاحبى تودع دنيا السراب

والموج ياخدك لفوق وتلتقى الاحباب

وتقول دا انا كنت تايه ولا خدونى غياب

محلى وداعك يا دنيا يا سجن للاغراب

باتت ليالي الحب في غيابة النسيان
واللي انكتب خلاص انكتب ياخلان
لامنه مفر ولامهرب لاي مكان
هتروح فين ياصاحبي مااللي اتكتب خلاص كان

ناوى أغالب الموج واعدى للشطآن

هبت رياح الغدر ووقعت فى الطوفان

لقيت مركب معدى حسيت ببعض امان

شاورت له بص لى ومد يد حنان

نويت اليوم ارحل واسيب الهوي لاصحابه
اصل الهوي تعبني وعمري مكنت من اصحابه
واللي معاه الم بينام بيه ويصحابه [ يصحي بيه ]
الفرح دا طبعنا اما النكد له اصحابه
هههههههههههههههه

هانت عليك العشره وصحبة الاحباب

علشان تديها ضهرك من غير اى حساب

سايق عليك النبى حاسب على الاحباب

ومين يصون العشرة غير اهل الوفا الانجاب

بليغ انا فى اللغه واعمل غبي
كليب يطلع فى الغرب يسب النبي
واخر يقول القرأن مكتوب بعد النبي
والامه نيام ومافيها واحد واقف ابي

يا أخواتى باب الوصال مفتوح على أخروه
بس الحبيب منى واخد على خاطروه
منتظروا أنا من أول الليل لحد أخروه
دى مهما نسينى أنا هفضل فاكروه

هات اللي قال عن الحبيب كلامه
مين يقدر يزعل وحبيب القلب قدامه
انت حبيب وغالي بتظهر للواحد بمنامه
بدعي للحبيب واقول يارب السعد خدامه

هويت الفن ودروبه ومنه القول بالواي

والشعر فيه الهوى والعشق دا بلواي

وكل الحبايب رموني بعد اللي كان وياي

وآه م البين ومين يداري بلوتي ومأواي

يشوف الناس كلامك حلو تقيل وموزون
تغير منك ملايين وانت في مكانك راسي وموزون
بتعرف تتغني بالحروف وتربط بين الالف والنون
ودا كلام شاعر وكلامه طالع من لسان ممكون

ياسامعين الفن الفن ليه قوال

لايتوزن بميزان ولا يتقل باالمال

سامحونى انا غبت عنكم ولاكن

فى القلب ساكنينى

ببكى وعينى بتدمع

وبتعزف الموال

حمدلله علي السلامه يادرش بس راجع شروط المسابقه يا ابوشريكو ومتضحكش علينا الاجانب ههههه
لازم تبدء البيت بأخر حرف في المساهة الي قبلها وتكون رباعيه فقط من نتاج العضو
فلنكمل بحرف النون ن

ناوي أقول ليك ولايكتر على المسكين

أسير الهوى وف الوديان ارسيّ العين

تشوف اللي انجرح في القلب قبل الزين

واهي ماشية وإيه اللي تبكي عليه العين

نبكي علي زمن عايشين فيه ومن الادب خالي
زمن الشهامة راح ونبكي علي ايه يا خالي
يرحم زمان الشهامة والاصاله يا خالي
ياعم صلاح فكرتنا بالزمن وخلتني اقول ايه اللي جرالي

يا سعد اللي يكون من الناس ويصاحبك

وإيش نقول في اللي تاعبني وتاعبك

باعوا الطواق والسوار واتحلوا بكاعبك

وتدور الدنيا على اللى صايبني وصايبك

كمال النفس ف التقوى
وف الإخلاص بقلب حنون
ومش كل العباد تِقوى
على الإخلاص لرب الكون

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى