مسابقة شعرية في الرباعيات لأعضاء المنارة

مكان العشم انك حبيبي .... تنام كدا مني

بكون معاك صاحي ..... تلاقيني ضاحك كدا سني

يغلب عليك النوم ..... القيك قوام كدا بتهملني

اتمني ليك نوم هادئ ....واحلام سعيده والدعوات كدا مني

يا صاحبي فين من زمن إرجعلي باندهلك
الحزن فيّا اكتمن صدقني محتاجلك
الدمعة من غير تمن والخطوة مفقودة
والقلب داب م الشجن إرجعلي افضفضلك

كان الزمن موجود وانت اللي ضيعته من ايدك

كان الصديق موجود ونسيته في زحمة مواعيدك

يوم رجوع الخل الوفي دي يبقي يوم عيدك

اوعي تزعل ياصاحبي وعبر عن مواجيدك

كلام زين ومنور الحته

وجمالك ياخدني بالحته

وَصْلي معاك ولو حته (حتى)

تقطعني جِزَل وميت حته

هات ياعم من عندك كمان وكمان واشجيني

اصل كلامك حكم وينور الطريق امام عيني

اشعارك كلها موصوفه بالدرر مش صيني

بحب اسمع كلامك وعاوزك ياعمي توصيني

ياعينى عليك .......كلامك عجبنى
شكلك بتوصينى .......وتقول يابنى
صحاب كتيرواحد يهدم وواحد يبنى
خليك مع التانى احسن ....او تفاقنى

يمكن أكون بوصايتي ليك محتار

أقول لك ايه دا انت فارس الأشعار

القلب دايما في حيرة وليه أوتار

إمشي مع الرجال تخسر كل يوم تار

راكب حصان الكلام والكلمه خيل ليكى
لو تقسى الايام احسن تخليكى
رافض تتوهى معايا لو هنكسر وحدى

لاانا ياحبيبتى ابوكى ولا حتى خال ليكى

رائع يا بو عدلي فينك من زمان ؟

***

يا سمرة يام توب اخضر وخصر نحيل
غلبت ابعت مراسيلي وفاض الكيل
وقولة آه تهد جبال ومش قادر
أكون صابر على صدك وبالي طويل

ليالى الاُنس ماتحلى الأ بلمة الأحباب
والدنيا ماليها طعم لويوم الحبيب غاب
قلبى ينفطر منى وأحس أن شعرى شاب
عمرى قلبى مانسى ولا عن حبكم تاب

بحبك وانت فى.. الغرام دايب
واضح فى حبك .وغير هايب
نمدح اصولك حاضر وغايب
نفتخر بنسبك ..وسط النسايب

بيوت العز عمرانة بأصحابها
للغنى والفقير دايما مفتوح بابها
وحب الناس هو زادها وزوادها
عمرها ماترد أنسان فى يوم قصدها

الكرم طبعك ويبين ...اصلك وفصلك
وجودك يشرفنا.... والغالى يرخصلك
حاتم ان شاف كرمك ..اكيد هيفسحلك
سيد قومك وتخدم. ضيفك انت واهلك

كمال النفس لايكمل الا بذكر الله

بصلاة تنفعك او عباده خالصه لوجه الله

امدح طه الحبيب ومدحه يا محلاه

بسمع لسيرته تلاقي القلب في حبه تا ه

هنيالك ياللى تحب الصلاة على الحبيب
دى ذكره وحده يخلى القلب يطيب
حب النبى هوالدواو الطب والطبيب
وذكره ما ينتهى ولوراس الوليد تشيب

بشاير ليك بالصلا تتحقق ولا تِنَسّى

لساني بالذكر نساني منين امشي

طريق الحق موصوفة لكل مين يمسي

حب النبي باب القبول بالآه وبالهمسي

آخر القافية الياء

مع الاعتذار

ولايهمك ياعمنا تم عمل اللازم

يمداح فى عشق .....طه هنيالك
اثر حبه .........يبان ف عيالك
تشوف خير تحتار.. منين جالك
ابعد عن المدعين وخليك فحالك

كل العيون باتت سهاره... في حب النبي

ياما القلوب باتت حياره...وهو املي ومطلبي

قوم ياعمنا وتعالي .... نمدح شويه في النبي

كتر الذكر ينفعنا .... ويوم القيامه شفيعنا النبي

يا اللي غاوي المدح وزياده

وفي حب النبي وده زاده

أمدح نبي زين وبزياده

تنعم بيه وتشوفه وزياده

هايم القلب في حب النبي الزين

امدح فيك يانبي ومنايا تشوفه العين

ازور قبرك ياطه يامكمل ياختام المرسلين

امدح معايا ياريس في محمد الصادق الامين

ناجي ربك وطلب تكون مع حبيبك
صلى عليه ..وطلع ايدك من جيبك
امرك بالصدقة ...والفقير قدام بيتك
تسمع المؤذن ....ترد وتقول لبيتك

كريم ربي بتوبة العبد بالعفو وبالغفران

يقوله تعالى دا انا الستار دا أنا الإحسان

أنا الشافي أنا العافي ولا تخشى من الشيطان

يعود العبد بالفرحة ويتقبل بالنبي العدنان

يامفرق الفرح ادينى انا غلبان
الجرح فى القلب ياطبيبى غلى بان
من قله المال اغلى الناس فاتونى

والفقر كشر سنانه وكانه غول بان

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى