مسابقة شعرية في الرباعيات لأعضاء المنارة

تعيش ليا ياغالي......... واعز الناس

ابو الكلام الجميل. والقلب والاحساس

ترجع بحفظ الله........ وبامن وسلامه

الود ودي اجيلك واشيلك فوق الراس

سلامات من القلب الصافي للحبيب عبدالفتاح عبدالشافي

احنا لينا مين غيرك ساكن في القلب وللمراكب مقدافي

حبيب وغالي علينا ونشيلك جوا رموش العين ياغالي

سلامتك من الاهات ياعمي كلنا بندعي ونقول ياشافي

يا اهل المنارة الكرام فينكم مالكم نايمين كدا ليه

فينك ياصقر يا غالي وفين ياتري صلاح بيه

ليه السكات غالب عليكم ياترا مليتوا ولا ايه

عاوزين الحماس يرجع تاني وكل واحد له خمسه جنيه

هدعيلك ياطيب... يابو القليب ماينام

حكيت لك مواجع .......وعارف الايام

يوم ليك ويوعليك ......هي كده الدنيا

والدنيا لوتسوي بعوضه العيون ماتنام

من قولة الاه قلبي تعب وياك

حاسس بألمك كأني لسه معاك

ساكن في قلبي وعقلي حبك

واتمني من قلبي اشيل الالم وياك

كلمني يالغالي ........ماتحمل انا اهاتك

تروح الدنيا ومافيها... ولااشوف علاتك

طبع الحبايب كده.........ومحدش يفرقهم

قلبي حاسس بيك ... في كلماتك ونغماتك

كان بودي اجاريك في ادبك وكلامك

لكني صغير في بحر الفن وعلامك

منك بتعلم امشي علي الاوتار ومقامك

اقول انا ايه بحلاوة الحروف في كلامك

كنت عشقت وانا صغير.... لكن عشق علي كدي

ايام الصبا والشباب...... بنوته ربيتها علي يدي

ومع الايام والسنين .........راحت مني ولا بيدي

هي الغروره كده تاخد منيك.... لكن عمرها ماتدي

ياللي انت غاوي الاصاله والذوق في عروقك

الاصاله موجوده بس ياعمنا مبقتش علي ذوقك

الله يرحم زمان لما كنا نشوفها وعمرها ماتفوتك

انسي الغرورة وارتاح ورب العرش ما يفوتك

كلام وذكريات ياصاحبي...... لازم نحكيها

تسالي والسلام .....ولازم وللاجيال نوريها

يمكن يكون فيها العبر......لولادنا واحفادنا

وليه نخبيها مادام الطهر والعفاف كان فيها

اهدي وارجع معايا كدا زي زمان

هات ذكرياتك واحكي بصوت كله حنان

حنان للماضي وامبارح وليالي زمان

اصل العبر بناخدها والدروس من اهل زمان

ناس تقول فين الليالي ......انا قلت كانت سراب

وناس بتسأل ع الاماني....... انا قلت كانت عتاب

اصلي نسيت القديم .........ورميت عليه الحجاب

اتحمل كل ماجالك............ وبلاش تقول ياعذاب

بتحمل انا الاسي منك وتقلك عليا

عاوزك تفضفضلي وترمي حمولك عليا

نفسي اسمع كلامك لان الحمل زاد عليا

احكي وقول عن زمان مشتاقه ليهم عنيا

احس الشوق في صوتك اهات..... بس مش لينا

تداريه في وسط انفاسك ........عشان مايبان لينا

مش عارف ....هو ده الغرام اللي مخوفك وسكت

ولا خشيت الشماته فيك.......... وقلت تدّارا منينا

انا اصلي للطبع الاصيل بحن من تاني

ممكن انساه واتوه عنه لكن ارجعله من تاني

عمري ماتغفل عييوني عنه وارتاح لما تكلمني

كلمني عن الماضي وعيشني معاه في ثواني

ياطيب القلب لاغيني ..... وسيبك م الزمان واصالته

احكي انا ف شوال ....تحكي لي عن تموز ورزالته

امسك خيوط الحكاوي......... لحسن اروح وما ارد

ردعلي سؤالي خليك جدع ....وبلاش الدلع وسهولته

هانت عليا الدنيا لما لقيتك تلاغيني

حبيبت اداري ولكن فضحتني كدا عيني

للحب اسرار والزمان دوار ولاغيني

حبيت واحده للاسف طلعت تقليد للصيني

وعجبي هههههه

اهههههههه.....ياراجل اطلع من دول

طيب مش حسيبك ياحماده

.................

ياللي انقي من الصباح..... وطلعة البدر البهيه

كلامك يقول غير كده .......والنيه ماكانتش هيه

هتلف وتدور علي شايب..... ليه في البلا حكايات

رحمة غواليك والعشره اللي بينا ...دي كانت هيه؟

هحكيلك علي اللي فات بس وعد للسر تصونه

حبيت زمان وقلت اهات والحبيب تفضحه عيونه

كانت زميلتي في مدرسة لغات وكنت واعدها للحب اصونه

اعمل والنصيب غلاب ام حسام خطفت مني القلب وشجونه

سرك في بير متخافش .... كل المناره شيفاه

ووعد مني ماتكلم...... في اي كلام ولا معناه

صح النصيب غلاب ..........لكن للكلام ذكراه

ياهل المناره اسمعوني... كلام حماده ما انساه

هنت عليك بسهوله وبسرعه

فتشت سري علي العموم وبسرعه

طيب انا هسكت ومشهتكلم بالمره

اصلي الحكايه ليها اصول موره

حلوه مورة دي انا بهرج ولا ايه ههههههه

في يوم ما الدنيا تغدر بك

وايام الهنا تخونك

وايام الضنا تذلك

تجيني وتفتكر حبك

واشوف الذل في عيونك

اقول نفسي فدا زلك
................

يا اغلي عندي من نفسي

مابين املي وبين ياسي

ضناني الصبر وجروحي

ولولا بقيه من رسمي

وحرف وكلمه من اسمي

لتاهت عيني من روحي
..................

ياللي هواك كاسين

احلي مافيهم مر

والصبر ع الاتنين

فاق العذاب والمر

................

دا بعيد عن الرباعيات

عارفين ده كلام مين؟؟؟؟؟؟
...............

طبعا الست ورده

الله عليك بس

قديمه قوي

(لعبة الايام)

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى