مسابقة شعرية في الرباعيات لأعضاء المنارة

هليت علي من تاني....... قلت القمر وحلاه

كلام يطرب بلد .....ويلبث من الثياب ابهاه

مش قصدي اجيب الهاء...... لكون زعلتك

لكن احب استمع منك......... وللكلام معناه

هلت بشاير المحبه والحب ذاد جماله

ومحدش يقدر يشترى الحب ولوبكل ماله

الواد الأصيل يورث أبوه ويود خاله

والأصل دى طبع يتورث لعيال عياله

هقول كلام عن الحب ...........والكل يسمع له

غالي التمن هو .........وكل القلوب تخضع له

الاصل ده وراثه............... من العم والخلان

واللي ملوش اصل ....الخلايق دوم مابتقرب له

هتشوف مني حجاوي العجوزة وستي الكبيرا

تقولي يا واد ما تمشي لوحدك لا تاكلك الطيورا

يا عيني على اللي واخداه حريمو ودنيا غرورا

والسبع اللي حِداه عمة طويلة يلفها عل القورا

أتمنى ان الحبيب يجى هنا لحد عندى

عمرى فى يوم ما ابيع ولا أخون عهدى

ولو فى يوم الحبيب جا يطلب ودى

أحلف أعدى بحور ولايكون حد ندى

العميمه طويله... وبيضا بياض الشاش

شرف الصعيد... واهله مهوش غشاش

يكفينا شر قلعتها.... ورميها ع الارض

عادة جدودنا ونلبسها ..من احلي قماش

شناب الرجال علامة من أهلي ومن ناسي

ليهم قلوب سباقة بالمعروف والود ما تقاسي

بناتهم حبايب وليهم ولاد يعدلوالمايل الراسي

عشقنا زعلهم ودقنا عسلهم احطهم فوق راسي

سين الكلام حرفه...... ورمزالرجوله شناب

ولاد الاصول اشراف.... وبناتهم ما تنساب

نسبتهم شرف وعزوه. ...وكمان كبار لجداد

زعلهم عسلهم مايهمنا.... كفايه انهم اقراب

بيوت الكرام يا خال بين البيوت معروفه

تناسبهم وليهم اصول بين الناس معروفه

تلاقي الرجال فيهم ليهم بصمات معروفه

سيبك من الغريبه بنت الرجال معروفه

هوانى على نفسى أصعب من هوانى على غيرى

اياك فى يوم تبيع حبيبك وتنكر وتقول دى خيرى

الأيام تسرق بعضها وتجرى أما انا ياطول ليلى

لو يوم يفوتنى اعز الناس وينكرنى يبقى ياويلى

يا صُبح شَقشقْ على الدنيا كفاية ظلام
الناس بتحلم كتير حقِق لها الأحلام
إمسح مراية الليالي اللي اتكَسِت بضياب
واصرخ ف وش الفساد علشان نعيش ف سلام

محنة أبويا ماليها مثيل في الود والمعروف

قليل كلام وسكاته يحرِّك الردي والمتلوف

سلاحو حصانو والكلمة موزونة وبالمألوف

حيارى نهدي خطاوي نعدي وبص وشوف

في قلب سِـن القلم متغربة الكلمة
والحرف فوق الورق بتحوطه الضلمة
فضفضلي قول يا قلم يمكن تريحني
وأريحك م الألم ونخفف الصدمة

فينك ياباي ..........تشوف ولدك بيعمل ايه

عودتني ع الرجال...... والهايف مولي عليه

رحمة الله عليك....... من رب السما والارض

والعرض قلت لي...... مال الدنيا مايغلي عليه

اعتذر المساهمتين نزلوا مع بعض

خلينا في حرف الميم

اتقضل استاذ صلاح

مين اللي قال اني الزمن عدا وراح

وكل اللي في قلبي يداوي جراح

عظيمة الأمانة حملناها و ما تنزاح

إلا بواحدة من رحمته وعفو سماح

حيرتني معاك ياكبير.... هو الزمن راح فين

اجيبه من الاول....... ولا انادي غراب البين

واعره الامانه ..........وشلناها ظلم وجهاله

وربك الستار..... ومن كونه نروح علي فين

نقول للكل القلب سكناكم .....واللسان ذاكر
مشاركاتى قليله ودا اعتراف .ومش ناكر
مشاغل كتير ولقبول عذري هكون شاكر
قلبي عنديكم ولعهدى مانسيت ...انا فاكر
[b]

ولا يهمك ابو غيداء.......... بس طمنا علي الغالي

ابني وابنك محمد......... علي الله يكون في العالي

سكنت القلوب من زمان........ وعذرك كمان مقبول

بس اقول متنساش صحبتنا ....لانك من زمان غالي

يا هاوي العصايا وزين الصبايا ..... طريقنا الأصول

عزمنا بأنا نعدي القنايا نوحد إلهنا ..... ومنه القبول

بحورنا غريقة سفنها كتيرة تعلقنا بيها وآل الرسول

سفينة نجاتنا وقالها حبيبنا وواخد بإيدنا لولاها نزول

لولاك كنت هوقف....... وامسك عصايا.... .....ونادي واقول

عدي القنايا....... ووحد الهك...... وعطر لسانك بمدح الرسول

دنيا غروره..... وفتنه جسوره...... ولولا الرحمه كانت تزول

سفينهتها عايمه ...وامواجها عاليه ...يسترها ربك هو العدول

لما تزود مدحك فى حبيبك النبى الرسول

كل الهموم اللى فى قلبك فى ثانية تزول

ومهما تطلب من ربك لازم راح تنول

واللى مايصلى عليه دى يبقى جهول

لوم العوازل عني ما يبطل ولا تنزاح

مني الهموم ولا نار الفراق ترتاح

حب النبي بلي جسمي وخد مني براح

والآل والصحب الكرام زين الملاح

حال كل العاشقين اللى عشقوا طه الأمين

الف صلا وسلم على الحبيب خاتم المرسلين

هو اللى فى أيده الشفاعة وهو سيد العابدين

لولا الحبيب المصطفى ماكنا مسلمين

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى