مسابقة شعرية في الرباعيات لأعضاء المنارة

نوايا وعطايا والنية مكتوبة بحرف الواو

وتنوي وما تفعل تنكتب لك ومن غير لاو

ولاو تِفَتِحْ عمل اللعين وجنوده وهما ساو

نقولها ونقدر ما نعرف نماين ولا نتلاو

وصلنا لعالى الكلام اللى مانقدر نوازيه

وعمرنا مانحلم أننا نقدر حتى نفهم معانيه

واللعين ندعى المولى اننا نسيب موانيه

ونوصل لمرسى الحق موجود فيه

هنيئاً مريئاً شربتك للكاس

وصاحبي خِدْمِتَكْ ع الراس

وقصدي نبوءة لابن عباس

حبر من الأمة بشيء حساس

سيوف الظلم مرفوعة على البنى ادمين

ازاى يترفع الظلم والحق يجيبوا مين؟

واللى يطلب يوم حقه يبقى من المجانين

والله لاالظلم دايم ولا أهل الظلم دايمين

حرم الظلم علي نفسه ....وبيننا جعله محرما

سبحان رب الناس...... من لم يطعه.. نادما

لاتضلم ولا تبغي ........ وان دعتك قدرتك

ومن لم يطيع الحق......... كان عنده مجرما

إنتا طبيبي لو عترت رجولي في قناية هواي

وانتا الشفيع يوم السؤال وده هو غاية مُناي

أرفع بعلو صوتي واشتكي لربي مُرتي وأساي

وعفوه يجينا وكل واحد ما يشوف شدتي وبلواي

قال تعالى في محكم التنزيل : " وكل إنسانٍ ألزمناه طائره في عنقه

ونخرج له يوم القيامة كتابا يلقاه منشورا ، إقرأ كتابك كفى بنفسك اليوم

عليك حسيباً " ومن نفحات أهل الفضل في تفسير هذه الآية أنَّ المسلم

يكفيه عذاباً ما يقرأ في كتابه ويتعطف الله عليه برحمته فيجعله يقرأ صحيفته

بنفسه ( كفى بنفسك اليوم عليك حسيبا ) والله أعلى وأعلم

يا قوالين الشعر فين الزجل والكلام

ياللي قولتوا ووفيتوا معانا احلي كلام

انتم نسيتوا الشعر ولا الكلام راح منكم

تركتوا الموضوع وكلكم اصبحتم نيام

ههههه عاوز اصحيكم يا اساتذتنا مالكم محدش بقي يقول شعر ولا ايه ؟

عاوزين نقول ونتكلم.... بجراه وجساره

كلام جميل بس .....الوقت فين ياخساره

متشغناش ياحماده...... بالشعر واوجاعه

بقالنا يومين حيين .....مدخلناش المناره

هقولك ايه والله واحشنا واشتقنالك

يومين عدوا علينا واليوم الحظ اهو جالك

الموضوع نام منكم كدا ليه ياحبايب

كل المنارة بتقولك والله ياصقر دعينالك

هو انت اللي ليك يومين عننا تكون غايب

فطومة خدتك واتلهيت في اللعب بالشايب

ولا اللي كان بعيد عنك حبيبي ملوش نايب

أديني معاك أقول الشعر وكل الكلام صايب

بحب خفة الدم والروح الطيبه فيكم

وحشتوني والله وانا معاكم وجنبيكم

اعذروني علي الغيبه وبلاش ملامه

مهما سكت ضحكي تلاقي روحي جنبيكم

مكان العشم ياحبايب تزعلوا ليه مني

انا انضميت للحزب الكبير والحظ جار مني

شافوني الصغار بكلم الكبار غاروا انا مني

حبيت اناغشكم علشان يضحك معاكم اكيد سني

ياحج البيت ...انا دعيت...كمان وبكيت

تروح ايام ...تيجي ايام...معاها قاسيت

ولولا العشره..وامل بكره...مكنت اتيت

بس معاكم...انسي اساكم...كمان حنيت

ترضي برب العباد والعشق والغيبة ... تكون حظك

وتعشق نبينا محمد تهيم في الهوى ... تعيش لحظك

وابعد أنا عن هوى النفس ورضاها ... وفين وعظك

اخوك واقع في عرضك وليه تشتكي ... سوء حظك ؟

عذراً أحبيتي

الأستاذ عبد الفتاح

المهندس حمادة

عظيم مودتي واحترامي

كلامك حلو ......ياعم الكل.....انا محتار

مابين الشغل .....وبين الناس..جنه ونار

رضاء الكل ....حاجه تضر....ووصمة عار

واذا اتخليت ......يقولوا بقيت.....زي القار

عادي يا عمنا بدينا من الكاف

رايت في منامي ...واحد تاني..يصحي الناس..يقولو اهات

يقول اصحو..... ..كفايه نوم..بلاشي نعاس....اقول مرات

يهرب منا .......بعد الجمع... ولم الشمل .....ملح وداب

عاوز تعرف ...ده مين هو.......اكيد حماده...ابو شحات

هههههه لازم اجمع الشمل من تاني يا اعمامي
واسيبكم تقولوا وتطلعوا المدفون

نكمل علي حرف ال ت

تروح وتبعد تغيب وتعند وحبك اكيد في القلب ساكن

تجمعنا الموده بشوق ولهفه لصحبه حلوه بكل الاماكن

الصقر غني وابو النجار فتنا بشعره وزجله وقلمي ساكن

اشكي ياربي الوحده ليه وحبايبي معاي في كل الاماكن

نقول معاكم كلام حلو المعاني وكلام جميل

متزعلش مني ياصقر غالي انا قلبي عليل

ابو النجار حبيبي اصله طبيبي ومعايا الدليل

تعالوا نقول احلي الكلام ونقصر الليل الطويل

لما تناجي في ليلك حبيب قلوب مليانا شوق وآهات

تِحَليِّ بيها نفوس عانت من الهم والغم والأنات

ترجع صداها وتشوف الكعبة وحجرها بالقبلات

يا رب توعدنا بالحج وزيارة نيينا دا العمر فات

تقول كلام اسرح فيه القاه مليان بعبر واهات

تسمعه الناس معانا وتردد وتقولك ياعمنا هات

كلامك الحلو يريح قلوب كتير حيرانه وتعبانه

وادعي معايا والعافبة هتيجي بأمر الله سلامات

تتلم تاني الصحبه ....ويجتمع شملنا تاني

علي ود ومحبه...... وقعده حلوه من تاني

نغني ونقول........ ونعزف علي الارغول

عشق الروح دايم..... وعشق الجسد فاني

ياما انتا غالى ياطه يالى الغزاله مشت لك

والروح هواها ومناها ناجى نزورك مشت لك

ياحبيبى ياطبى ياسندى اسقينا بيدك الشريفه

واكرمنا يارب بزياره نزرع هوانا ف مشاتلك


ادخل وانصر رسولك.... منتظركم مصطفي بحجات وعمل لكم قعدت عرب.... تنبسطوا وتقولوا اهات ماهو فارس الفرسان.... وكرم الضيف لديه واجب وهيوريكم كمان بالصو....ر مقتل الســـــــــــــادات

» مسابقة شعرية في الرباعيات لأعضاء المنارة
» إعلان نتيجة مسابقة المنارة الشعرية في الرباعيات
» مسابقة شعرية شارك الان
» مسابقة المنارة الشعرية
» مسابقة المنارة الرمضانية الكبرى