مساجلة شعرية بين الأستاذ صلاح النجار و المهندس حمادة شحات

نار الهوي والحب بتكوي القلوب صحيح ياخال

قالوا زمان الصبر اجمل دوا يشفي اللي قلبه مال

اتحلي بيه وارتاح ياقلبي وعن الحبيب تاني ماتسأل

بس اعمل ايه في قدري ساكن ف قلبي مهما غيابه طال

أخي الغالي حمادة

آسف دخل عليَّ السلطان

تصبح على خير وسعادة

وانت من اهل الخير تصبح
يا اغلي الناس يا استاذنا الكبير
ولنا لقاء بعد الفاصل سنواصل ههههههه

لما حبيبي شافني وقلبه دا شفاف

يعدي نهاره وعمر ليله ما خاف

يغني لوحده ومش معاه عرّاف

يدندن ويا القمر ع الناي عزّاف

فنون العزف علي الاوتار ياعمي ليها صحبه

تجلس مع الناس في مجالس المدح والصحبه

تسهر ليالي ومتملش ابداً من الذكر والصحبه

هي الدنيا فيها ايه ؟ غير ضحكه حلوه وكلمه مع الصحبه

هويت اكون وياك وبالمعروف اماشيك

اقولك كلام زين وبالمحسوس الاغيك

تركتني ليه بالساعات وانا قاعد بناجيك

اوعي تسرح مني ولا يكون زجلي اثر فيك ؟

كان بودي افضل معاك سهران واحكيلك

اتأخرت عليا ولو بيدي كنت انا اقوم واجيلك

احكيلك علي اللي دار بيني وبين نفسي

ومن لوعة الايام يا استاذي تلاقيني اشكيلك

كدا ظهرت عليا اخيراً علامات النوم

وتعبتك معايا حبيبي علي مدار اليوم

اصل النوم سلطان وعليه عمرنا ما نلوم

اتمني اشوفك بأمر الله في نهاية اليوم

تصبح علي خير يا استاذ صلاح ونواصل غدا ونستمتع بشعرك وزجلك الجميل

من امبارح كان عندي ضيوف شغلاني

عن القول والقعدة معاك واللي تحلالي

وطبع فينا الكرم واللمة حلوة بتلالي

تشوف الحبايب الهم ينزاح ولا تبالي

يا اللي غويت الفن تعالى نِحدي مع العُشاق

هُمّا حَيارى هاموا سُكارى وبالأشواق

يعدوا النجوم والقمر ليهم يكون مشتاق

وليل غُربتي طوِّل وانا وحدي ومين يشتاق

قلتلي انت تعبان من الهم والغم والأصحاب

واللي يعمل قنطرة يتحمل الدوس من الأحباب

قلت عمري فنيته في الود ويّا الأهل والأنساب

قالوها في المثل دا أهلك لا تُهلك تِفَتِحِ الأبواب

دا البلا ينزل على اللي ما لوش توحيد

والغنى في النفس مش ف المال والإيد

الكل من آدم وهو أصله الطين وعبيد

وشان الله في الخلايق وابعد عن العِربيد

دي اعتبرها نصايح منك ولا ياتري دي ملامه

الراجل العال يعمل ما بداله ولا يخشاشي ملامه

الا في الاصول والادب لازم يترك بصمه ليه و علامه

قول للي عمل قنطرة لدوس الاحباب ياخسارة عليه وندامه

هقول قولي ليك يا استاذي واكفي انا وياك

صابتني وربي الحيره والالم والعذاب وياك

ماكان العشم واصل تتركني قاعد بستناك

لكن للظروف احكام غلبتني وهعمل ايه وياك

كان عندك ضيوف امبارح شغلوك عني ياغالي

سبتني حيران ليه ياتري طول ليلي ونهاري

بيتك بيت الكرم والجود وفيه الانوار بتلالي

سألت انا عليه قالوا بيت الكرم من دون البيوت عالي

يا قلبي هي اللي قلتلي مش انت بالمَرة

ما شفت إلا الزين ولا فيها كلمة مُرة

أدبك شملني والأصل بيبان من مَرة

خلينا نشعر بالأخوة والناس هي حرة

تاهت مراكبي وكان ريسها في حساب

والنوتي يعرفها ولِيهْ في البرألف كتاب

قريت مكاتيبي من زمان وليَّ فيها حباب

رجعت تاني أكون هو واسمع كلام طُباب

عذرا عمي الم انتبه والله

مفيش مشكلة وانا في الانتظار

بالود والمحبه ابدء معاك الزجل

اصلك غالي عليا مهما طال الاجل

تاهت مني والله كل افكاري وانا وياك

راح مني الكلام وعاوزك تقولي ايه العمل

ا
لنت بطيء النهاردة عندي ويمكن اقفلولا تؤاخذني

ولا يهمك يا استاذنا الكبير
يارب يشتغل علشان استمتع مع حضرتك
والله انا بستنا اللاحظات دي بفارغ الصبر اني اكون بشرف صحبتك الكريمه

ليك السلامة ولا تشقى ... ولا تحتار

كل اللي يمشي في الطريق مع الشُطار

حبيبي نصحني في وداني ومين اختار

تفلح حياته ويتهنا بيها وآخرته ما تندار

روح ياهوي بلغ حبيبي سلامي واشواقي

مهما تعبني الهوي ولوعته ع الحبيب انا باقي

صاين وداده وفي القلب مكانه موجود باقي

لاحيرة ولاسهر ولا لوم مدام الخل الوفي كدا باقي

يصعب عليا حالي وانا معاك وناسيني

شايف كلامك ولسه بتأمل فيه انا بعيني

يسلام عليك ياصاحبي لما بودك تراعيني

توصيني بكلام افرح بيه ومتدمعش عليه عيني

ليك رساله استاذي

» مساجلة شعرية بين الأستاذ مصطفى عدلي و الأستاذ محمد جلال
» مساجلة شعرية بين الأستاذ عبد الفتاح والأستاذة زهرة
» مساجلة شعرية جديدة للأعضاء
» مبروك للاستاذ حمادة شحات
» الاستاذ حمادة شحات بارك الله فيك علي هذا العمل