مساجلة شعرية بين الأستاذ صلاح النجار و المهندس حمادة شحات

يمكن يكون تِعِبْ من الغربة وانا السجان

حظي قليل مع الأهل ومش مع الجيران

ناس الصفا فيهم كنّهمْ من اهل زمان

يكفي بإني أسهر معاهم لا طينة ولا فدان

نداني حبيبي تعالى نسهر ... نناجي القمرْ

يحلى الكلام بليل الوداد ......ويا السَمرْ

عذابي دا بعدك انت ....الضنا وانت السهرْ

يا ليلي دا طول وخدني بإيدي بطول العُمُرْ

رحابي معاك ونحكي كلام .. بروحي فداك

تعدي معايا بحوري وهوايا .. وتغوى الشباك

وصيدها دا ساهل وكل المنارة دي كانت هواك

حبيبي داويني بسحر المحبة ... دا هما حِماك

كمال النفس بالمحبه الخالصه لوجه الله

يكمل بني ادم ويرفع راسه بين خلق الله

ربك عطوف كريم يابخت مين ف ليله ناجاه

متيجي بينا انا وانت نمدح في خير خلق الله

هقول الكلام الزين في المدح ياغالي

اصلي بعشق المدح وتلاقي الذكر يحلالي

اسمه محمد نبينا وعلي كل القلوب غالي

يارب توعدنا جمعاً بزيارة حبيبك الغالي

ياللي غويت المدح انزل هنا الساحه

امتعنا بمدحك برواقه بس بالراحه

تلقي قلبي يميل ويصفي معاك بسماحه

حبه ملك قلبي وساكن في عقلي بصراحه

هامات الرجال دايما مكانها في السما مرفوعه

لما تكون الصفات من اساس الاصل مصنوعه

تلاقي راجل حكيم شيخ بلد وعمده في مكانه

يحكم بالادب والعدل تلاقي قولته في البلد مسموعه

هيامي بذكره .. وأمره علينا .. والدُعا .. مرفوع

ورب العباد .. شملنا بعلمه .. والزمن .. مخدوع

حبيبي محمد .. دا رحمة ورأفة .. والشفا موضوع

يا ريتني أشوفو .. وتملا عنيا .. كاسات ودموع

عرفتو بقلبي صلاتو تنور وجوه .. عُربان

يا بختو اللي يمدح حبيبو وخلو نبي .. عدنان

عرفت الصراحة وتوبة نصوحة تلاوة .. القرآن

شفايا دوايا مديحو يرقص شيوخ .. رهبان

نبينا محمد تنجلي بيها القلوب وتفوح

وام أنس عرقه حطته وهي ما تبوح

بسر الروايح وقلبها دا كان مشروح

سألها الحبيب قالت بيها تداوي جروح

حلفتك بأغلى الحبايب أوعى تكون زعلان

ولا تصاحب اللي يقول أنا ومش دريان

عهدي معاك تكون من جملة الجدعان

تمدح حبيبك والذكر دا فرض م الرحمن

نلت الرضا بصحبة الطيبين الأخيار

صحب النبي كانوا من خيرة الأطهار

قالوا نعدي البحر دول همّا الأنصار

اللي فداه بالروح أبوبكر أول الأحبار

روحي فداك أبو الخطاب أمير المؤمنين

سحب سيفه وقال دا حنا بالحق المبين

فرق بيه باطل الشرك ويا حمزة الأمين

هاجر عيانا هرب منه الشيطان اللعين

نورين دا عثمان اللي إدا ماله للمسلمين

جهز الحرب بفلوسه ولم يبالي المشركين

وكان شهيد الخيانة حبيبي يا ذا النورين

حياؤه دا تخجل منه الملايكة وحتى الزين

(صلوا عليه )

نادانا عليّا وكرم دا ربي دا وجهو المنورْ

ونام في مكانو وليلة عظيمة وغطا ودورْ

تصدى لودٍ وضربا بحربا وراسو تَكَوّرْ

وقولا شهيره اعرف رجالو الحق تنورْ

( قال الإمام علىّ كرم الله وجهه :" لا يُعرف الحق بالرجال

إعرف الحق تعرف أهله " )

رجال الصحابة.. نالوا الكرامة.. شافوا الحبيب

بشارة وأمارة ..وعشرة دخولهم.. جنه وطيب

سعيد بن زيد وجده .. دا أمة .. قال الحبيب

وابن عوف الأمين ..مع الشورى .. وبيهم لبيب

بعيني أشوفك بقلبي رأيتك وخير الرجالْ

عوّامْ دا إسمك ورسمك أمامي جميل الخصالْ

وطبعك في تبعك نبينا محمد صفيّ الكمالْ

مُبَشَر حبيبي وعزمك هداني لخوضْ المُحالْ

لطيف المُحّيا عُبيدٌ وجابر تداوي الجراحْ

عظيم الشئون تخلي الصحابة بنور الصباح

وخال الحبيب سعد الطُليِّعة وطلحة دا راح

يبري نباله يقتِّل عدوه مجاب الدعاء وتم المِلاح

تم ذكر

(العشرة المبشرون بالجنة الأربعة الخلفاء الراشدون

عبد الرحمن بن عوف ، سعيد بن زيد ، الزبير بن العوام ، أبو عبيدة بن الجراح ،

سعد بي أبي وقاص ، طلحة بن عبيد الله ( رضي الله عنهم وارضاهم )

أخي الغالي المهندس حمادة شحات لعل المانع خيرا

طولت عليّ وانا مستني وآسف إذا كنت كتبت كتير لكن أكملت المديح في

العشرة المبشرين وأرجوا أن تطمئني عليك ولو كنت أعرف الموبايل لاتصلت بك

وشكراً على كل شيء .

استاذي الغالي/ صلاح بك
بعد التحيه والاحترام اتقدم اليك بخالص الاعتذار عن تأخري والله
غصب عني ياعمنا ظروف الشغل وعمايلها
وكملت بالنت ضعيف جدا اليوم

حبيب يامحمد وحبك في القلوب محفور

تيجي سيرتك ياغالي ابقي في هنا وسرور

امدح في طه النبي وتغرد معايا الطيور

تنظر للسما تلاقي محمد وحواليه النور

راح الفكر والهم والزعل مني

لما مدحت النبي الكل غار مني

حبيت اطلعك منك الدرر وامدح معاك

قولت انت كلام حلو وكلامي راح مني

يا سيدنا النبي غني بأسمك الطير علي الشجر

حبك سكن قلوب الطير ومن قبلهم كان البشر

في احد وحطين بدعوتك وسيفك الاسلام انتصر

وصيت وقلت في عهدك امتي هتكون خير البشر

راح العقل وانا بمدح النبي خير البشر

تذكر محمد تلاقي الدمع م العين انفطر

ضي وجهه الكريم احلي واجمل م القمر

ومين يقدر فينا يوصفه وهو اجمل من القمر

ربيت في البيت معايا غزال جميل وصغير سنه

واخدته انا صاحب وعلمته الادب وضحك معاي سنه

خليته انا معاي في العين والقلب وتوجته علي راسي

وعن اهلي وناسي بديته بس العيبه ما جاتني غير منه