مساجلة شعرية بين الأستاذ صلاح النجار و المهندس حمادة شحات

هقول معاك الشعر والزجل يحلالي من تاني

اصلك حبيبي والكلام معاك بيحلالي في ثواني

قالوا زمان في مثل قديم كلامه زين وفيه حكم

صاحب راجل عال يجود بعلمه ويكفي من تاني

ياعيني ما تبكي علي اللي فات امانه واتركي الماضي

سيبي اللي راح لحاله ولاتبكي ياعين علي الماضي

اصل المتيم في الزمان داه ياعين محتار وحيران

يتقلب علي بص النار وتشوفه الناس تقول فاضي

ياقلبي سيبك من العين والناس وعزالك

عارفك رهيف طيب وتنسي اللي جرالك

مهما قسي عليك الزمان ياقلبي ياحيران

اوعي تنسي المكتوب وارضي ومكتوبك اهو جالك

كل يوم معاك بيعدي عليا في المنافسه كأنه دهر

استمتع بيك وكلامك حكم علي الطول الزمان والدهر

نصيحه مني انا الصغير اوعي تعمل حساب للظهر

ياريت المده تطول معاك ياعمي بدال اسبوع تبقي شهر

معلش ياعمنا هغير الرتم معاك تاني

شوف ياصاحبي الايام خليت السبوعه كله

خلطت ليهم الهموم ومن كتر الجفا كله

دنيا غرورة ورديه مش عارف اصدك بايه

ياترا عملت معاكي ايه تجازيني بدا كله

هو صحيح إني الزمن غدار

ولا سومة قالت كلام مندار

دور على اللي يحبك ولا تختار

إلا اللي يِصَبَّحْ عليك وما تحتار

رجعنا تاني نقول أشعار ونزيد

قبل العصايا ما تقع في الإيد

نبدأ في المديح لله وما نحيد

سبقت سنك يا عبقرينو وعيد

دوايا هوايا في الصحب والآلِ والأنصار

دا هما حبايب النبي بارك لهم ورجع م الغار

وقالوا البدر طلع من ثنيات الوداع بالطار

وغنوا وشُكْر النبي خلاهم في أعلى مدار

رسولي حبيبي وهو طبيبي دوايا ف رضاه

أطفي لهيبي وشوقي ونصيبي ف حبو وهواه

تعدي الليالي تمد الأيادي ...... بلمسة يداه

حبيبي محمد وربي دا مدحو بحب اصطفاه

عذرا علي التأخير ياعمنا انا معاك نمشيها واحده وواحده ونبلغ المني بالرد معاك هههه

إن شاء الله

هقول انا كلام زين في مدح النبي العدنان

بمدح ليلاتي اشفي من الامراض لو انا عيان

ذكره ربي في الكتاب واصطفاه نبي عدنان

يابخت من مشي علي سنته بلغ المني وسكن اعلي مكان

نويت الزيارة وقلبي معايا وفين الأمارة

برزت جوازي بحبي وعذابي وليا البشارة

أخدتك معايا في روضا شريفا وفيها الطهارة

سلامي وسلامك عفانا الكريم بفضل الزيارة

تاه العقل والله معاك ياعمنا مني واتحير

هويت المدح من صغري وطبعي عمره ما يتغير

ربك كريم يوعدنا بالزيارة للمصطفي الغالي

ياريت تاخدني معاك لحسن شاب الشعر وانا صغير

ركبنا السفينا ورسينا في مينا حبيبي عدا وراح

عشمنا في قربو وحبو في قلبي يداوي الجراح

ورب العباد ينسي الأسية كأنو وليا بيه الفلاح

معالم حياتك وتنهي إليها همومك وحتى الصباح

قال صلى الله عليه وآله وصحبه وسلم : " إنَّ لكم معالم فانتهوا إلى

معالمكم "

حبيبك النبي وحبيت انا فيك الوفا والدور

حبيته مثلك ويمكن اكتر وجه عليا الدور

من زجلي واشعاري معاك لازم اتم الدور

تمدح معايا وامدح فيه وكل واحد ياخد دور

راح اقولك كلام حلو وعاجبني مع الايام

مهما مدحنا فيه عمرها ماتكفي كدا الايام

مرت معاك ياعمي من العمر سبع ايام

اجمل لحظات عشتها وياك ف المساجله يدوب ايام

مش ممكن نستأذن المدير يمد لينا المساجله كمان سنه علي الاقل علشان نستمتع بعطر كلامك ؟
ههههه والله امتعتنا علي مدار الاسبوع كله

مدحت جاري يا صاحبي لا تهمل جيرانك

حديثو دا واضح كأنك وريثو بأهلي وشانك

وهو الأمين وأدى الرسالة وكلو عشانك

حسينٌ دا مني وانا من حسينٍ وأوعى المهالك

ليييييييييييييه أخدت دورين

أنا مسامح ههههههههه

كتبوا علي القبر رحل عن الدنيا وتركها

نسيوا ان النبي قبل الكل سابها وتركها

لو كانت الدنيا تدوم كانت دامت للنبي الزين

مكان اتخلي عن الامه وسنته سابها لينا وتركها

ههههههه يعني قلت اتفزلك شويه واحاول اجاريك بس يخسارة مهما طال العمر عمري ما اجاريك
لانك فنان وقوال ومعايا تتم الدور وكلامك شعر وحكم وكلام من دور يعني درر ههه

أخدنا العهود وصنا الأمانة وكانت معانا

قبل الخليقة حملناها طوعاً وصارت هوانا

ما تعمل ذنوب وتفعل مقالب ووحد معانا

إلهنا العزيز تجلى بعفوه ورحمه وشَفانا

انا هداني المولي بعد شقاوه كتيرة ومعاصي

هداني للصلاة والصوم والذكر تلاقيه ملي راسي

اخدت محمد حبيبي النبي نور عيني وتاج راسي

امانه عليك ياعمي توفي العهد واوعي تكون ناسي

يعمَّر قلبيك بالتقوى وراحة البال علطول

أصل المحبة تكون من البيت وما تزول

أبويا قالهالي حكمة أوعى تخون ولا تقول

اللي يأمنك بسره وخليك راجل ومسئول

لو الحكمه دي قالوها زمان مش عيب

اديك اتعلمتها وعملت بيها ومش عيب

العيب واللومه علي الزمان دلوقتي ياغالي

كنت فين من زمان قبل فوات الاوان والشيب

طبعا انا المقصود بالشيب ليه مقلتليش النصيحه دي من زماااااااان هههه

براءتك تخلي نفسي شبعانه من الأحلام

أفتكر زمان حياتي ويا ما دارت بيا الأيام

وفين شيبك وفين لياليك دا كلو من الأوهام

شبابك يحرسو المولى من الأسى وم الأسقام

» مساجلة شعرية بين الأستاذ مصطفى عدلي و الأستاذ محمد جلال
» مساجلة شعرية بين الأستاذ عبد الفتاح والأستاذة زهرة
» مساجلة شعرية جديدة للأعضاء
» مبروك للاستاذ حمادة شحات
» الاستاذ حمادة شحات بارك الله فيك علي هذا العمل